radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ހުދުކާފޫރު
ނ ހޫނުގަދަ ރަށްރަށުގައި ވަރަށްގަދަޔަށް ހެދިފައިހުންނަ ފެހިކަންގަދަ ގަހަކުންނެގޭ ތަތްކަންބޮޑު ކިރެއް މިދިޔާނުވެ އާތްވަށް އަރައިގެންދެއެވެ މިއީ ބޭހަށައާއި ޚަނޫޠު ހެދުމަށް ބޭނުންކުރާ އެއްޗެކެވެ
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ
ހުދެންމަސްދަރި
ނ )ހ.( އެމުގެ ބާވަތެއް. މިއީ ބުރަކަށި މަތީގެ ކޮތަރިބައި މަޑުނޫކުލައެއް ހުރެފައި ބަނޑުދައްފަރާތް ހުދުކުލައިގައި ހުންނަ 2 އިންޗިވަރުގެ ކުދިއެމެކެވެ. މިގިނައިން ހުންނަނީ އެންދަމާއިރު އެންތަކުގެ ތެރޭގައެވެ. މިގިނައިން ހުރެއްޖެނަމަ މަސްވެރިކަން ވަރަށް ރަނގަޅުވާނެއެވެ
ހުޑޫ
ނ )ސ ( ފިލޮޅު ޒާތުގެ މަހެއް މީގެ ނަގޫފަތުގައި ލަފެއް ހުންނާނެއެވެ މިމަހުގައިވަރަށް ބޯކޮށް ހުޅުބުހުންނާނެއެވެ މިމަސް ހުންނަނީ ހުދުކުލައެއްގައެވެ
ހޫނުވުން
މ (1) ހޫނުގެ އަސަރުކުރުން (2) މަޖާޒު: ރުޅިގަދަވުން މިސާލު: އޭނާ ހުރީ ވަރަށް ހޫނުވެފައެވެ (3) ކަމެއްގެ ފޯރި ގަދަވުން މިސާލު: އެމެޗު ވަރަށް ހޫނުވެއްޖެއެވެ (4) ކަމެއްގެ ތަޙްޤީޤު ފަދަ ކަމެއް މާބޮޑަށް ހޫނުވުން މިސާލު: އެމައްސަލަ މިހާރު އޮތީ ވަރަށް ހޫނުވެފައެވެ
ހެއްލުމެއްގައި ގެއްލުމެއް
(މުސްކުޅިބަހެއް) (1) އަމިއްލައަށް ވިސްނުމަކާނުލައި އަނެކާގެ ބަހަށް ކަންތައް ކުރުމުން ލިބޭ ގެއްލުމަށް ބުނެއުޅޭ ބަހެއް (2) ކަމަކާއިމެދު ވިސްނަންވީވަރަށް ނުވިސްނައި ކަންތައްކުރުމުން ލިބޭގެއްލުމަށް ބުނެއުޅޭ ބަހެއް
ހެއްސޯހެދުން
މ )ޏ ސ ( ތިމާގެ މިންވަރަށްވުރެ ބޮޑާވެގެން ނުވަތަ ފޮނިވެގެން އުޅުން
ބަލާ! ހެސް
ނ (1) ވަރަށް. (2) ބާރަށް. (3) ގަދަޔަށް. މިސާލު: "ހެސްކިޔާފައި ޖެހުން". (4) ހެހެސް
ހެޔޮރޯޅި
ނ ބޮޑުރިޔަލަށް ފުރިހަމައަށް ވައިލިބޭވަރަށް ޖެހޭ ރޯޅި
ހެޔޮރޯޅިވުން
މ (1) ވައިފަހިވުން (2) އޮޑިދޯނިފަހަރު ރީތިކޮށް ދުއްވާ ވަރަށް ވައިލިބުން
ހޭބޯނާރައިއުޅުން
ކއ އެހެން އެއްވެސް ކަމަކާ ފިކުރު ނުކުރެވޭވަރަށް ކަމެއްގައި އަވަދިނެތި އުޅުން
ނިރިވަން ކެނޑުން
މ )ޏ ސ ( ޅަރުކުގެ ކުރުއްޕަތް ރޫޅި ފަންވަތުގެ ފަންފޮޅޭ ވަރަށް ރުއް ބޮޑުވުން
ނިރުދު
ނ )ގ ( ފިލާވެއްޔެއް މިއީ ހިރުނދާ ވަރަށް އެއްވައްތަރަށް އެކަމަކު ހަލަވެލި ގަހަށްވުރެ ބޮޑުނުވާ ގަހެކެވެ މީގައި އަޅާ ހިރުނދުފާޑުގެ އެއްޗެތީގެ ކިރު ދަދުގައާ ފެތުރީގައި އަދި ފުންނާބު ފަޅައިގެންދާ މީހުންގެ ފުންނާބުގައި އުނގުޅައެވެ
ރާމާމަކުނު
ނ ކެހެރިފެޅި ޖަނަވާރެއް މިއީ އަތްފަޔާއި މޫނު އިންސާނުންނާ ވައްތަރު އެއްޗެކެވެ ހަތަރެސްފައިގައި އިނގިލި ހުރުމާއެކު ހަތަރެސް ފައިންވެސް އެއްޗެހީގައި ހިފުމުގެ ކުޅަދާނަކަން މިޖަނަވާރުގައި ހުރެއެވެ މީގެ ނަގޫ ހުންނަ ވައްތަރާއި ނުހުންނަ ވައްތަރު ހުރެއެވެ މިއީ ވަރަށް ވިސްނުން ތޫނު މަންމަލި ޖަނަވާރެކެވެ
ރާމެހި
ނ )ހ ( ރާއެތުގެ ކޮޅުގައި އުޅޭ ދާދި ކުޑަ މެއްސެއް މިމެހީގެ ކުލައަކީ ރަތް ދޮން ކުލައެވެ މިމެހި ހުންނާނީ ކުނަމެހި ފާޑަށް ކުނަމެއްސާ ދާދި އެއްވަރަށެވެ ނަމަވެސް ބައެއް މެހި ތަންކޮޅެއް ބޮޑެތި ކޮންވެސް ހުރެއެވެ މިބާވަތުގެ މެހި ރާގުޑީގެ ވަށައިގެން އެނބުރި އެނބުރި އުޅެއެވެ
ކޯލާވާޓަރު
ނ ހުވަނދު އެޅި ބަނގު އާތްވެއް ފެންވަރައިގެން ގައިގައި މީރުވަސް ދުއްވުމަށާއި ބޮލުގައި ރިހުން ފަދަ ބަލިބަލި ޖެހުމުން ފެނާ އެއްކޮށްގެން ބޮލަށް އަޅަންވެސް މި ބޭނުންކުރެއެވެ
އަހަރުމަސް
ނ ވަށައިގެން ވިހޭފަށްލައިފައި ކުކުޅުބިސް ބުރަށް ފަތާކޮށް އޮންނަމޫދުގައި އުޅޭ ރަތްކުލާއިގެ ދިރޭއެއްޗެއް މިދުވަނީ ވަރަށް މަޑު މަޑުންނެވެ
އައްޓަމަސް
ނ ކަނޑުގައި އުޅޭ ބާވަތެއްގެ މަހެއް މީގެ ތަލަމަތީ ރާޅުކޮށް އޮންނަ ތަނެއް އެހެނިހެން އެއްޗެހީގައި ވަރަށް ގަދައަށް ތަތްކޮށްލައެވެ
އަވަށުތަންޑުވަ
ނ އަވަށުތެރޭން ކޮންމެ ވަރަކުން ހަތަރުމީހުން މަގުން ތިބޭ ބަޔެއް. މިމީހުންގެ މަސައްކަތަކީ އެވަރަކަށް މަސައްކަތު ގޮވާން ވެއްޖެނަމަ ބުރުޒު ބަނޑޭރީން އެންގީމާ އެވަރެއްގެ ބޭކަލުންނަށް މަސައްކަތު ގޮވުމެވެ މިއިން މީހަކަށް އޮންނާނީ ފޭލި ދެއްވާ ދުވަހު އިތުރަށް ބަޔެކެވެ
އަވަގެރިހެދުން
މ މަޖާޒު: ޝަހުވާނީ އެދުމުގައި މީހަކާ އަޅައިގަނެގެން އެމީހަކަށް އުނދަގޫވާވަރަށް އުޅުން