radheef.info
ރަދީފު


ވަށަ
ނއ (1) ވަށް (2) ބުރުހަމަ
ވެހުން ގަނޑު
ނ (1) ގަބުޅި ހުނީގައި ދިވެހިހަކުރު އަޅައިގެން ހިލައި އެތެރެއަށް ހަނޑުލު ފުށާއި ހަކުރާ އެއްކޮށް ހިލައިގެން ވަށައިފައި ހުންނަ ގުޅަތަކެއް އަޅައި ބޭރުގައި ފަތްލައި ވެހައިފައި ހުންނަ ކާ އެއްޗެއް މިގުޅަތައް އެތެރެއަށް ނާޅާވެސް ހަދައެވެ ގިނައިން މިހަދަނީ ދެކުނު މީހުންނެވެ (2) އެއްޗެއް ވެހާން ބަނދެފައިވާ ބަނުން
ވެށި
ނ (1) ވަށައިގެންވާ ތަން (2) މާޙައުލު (3) )ސ ( ކަންފަތުގެ ވޮށި (4) )ސ ( އެއްޗެހީގައި އަޅާވޮށި
މަހާނަކޮށިގަނޑު
ނ މަހާނައިގެ ވަށައިގެން އަޅާ ކޮށިގަނޑު
މަންދީލަ
ނ (1) ވަށައިގެން ބޮކިފަތި ބިއްލޫރިފަދަ ތަކެތި އެލުވައިފައި ހުންނަ އެލުވާ ބައްތި (2) ބޮކިތައް ދިއްލޭގޮތަށް ފަންގިފިލާގައި އެލުވައިފައި ހުންނަ ބިއްލޫރިގަސް
މައުޒަން
ނ (1) އިސްކުރުމުގެ ވަށައިގެން އެނބުރެމުންދާ ގޮތަށް ކަނޑާ ކެނޑުން (2) ކަސްރަތުކޮށް އުޅޭ މީހުންގެ ހަށިގަނޑުގައި މަސްގަނޑު ހަރުވެ އެނބުރިފައި ހުންނަގޮތް
މަދޮޅުފަތް
ނ އެކި ފާޑުގެ ތަށިތަށީގެ މަތީ ކައިރިން ވަށައިގެން ބޭރަށް ނުކުމެފައި ހުންނަބައި މިބައި ހުންނާނީ ދާރައެއްނެތި ވަށްކޮށްނެވެ
މަލްކޯޑި
ނ )ޏ ( (1) ބައެއް ކުޅިވަރުތަކުގައި ގެންގުޅޭ ވަށައިގެން މާ އެލުވާލާފައި ހުންނަ އެއްޗެއް
މަސާރީ
ނ (1) އެނދުގެ ވަށައިގެން ދަމާ ފޮތިގަނޑު (2) އެނދު ނިވާކުރަން ދަމާ ފޮތިގަނޑު (3) ހަތަރެސްކަން މަދިރިގެ
މަސާރީކުރުން
މ އެނދު ވަށައިގެންވާ ފޮތިގަނޑު ވައްޓާލުން
މަސްގުޅަ
ނ (1) ދުވުންފަދަ ކަމެއް ނުކުރާތާ ގިނަ ދުވަސްވުމަށްފަހު އެފަދަ ކަމެއް ކުރުމުން ހަށިގަނޑަށް އިޙްސާސްވާ ތަދަކާއިއެކު މަސްގަނޑަށް އަންނަހަރުކަން (2) މަހުން ވަށައިފައި ހުންނަގުޅަ
މަޑިކަރުއެޅުން
މ ގޮދަޑިއާއި ބާލީސް ފަދަތަކެތި ފަހާއިރު އެބަހައްޓަން ބޭނުން ބޯމިނަކަށް ވަށައިގެން ފޮތިފަށެއް އެޅުން
މަޑުލަ
ނ )ބދ ( ގޭގެ ވަށައިގެން ހިނގަން އޮންނަ މަގު
މާފުސް
ނ ލޮލުގެ ބައްޔެއް. މިއީ ކަޅުކަޅީގެ ވަށައިގެން އަރަމުންދާ ފުހެކެވެ. މިފުސް މުޅި ކަޅުކަޅިއަށް އަރާ ބެދެމުން ލޯމުޅިން އަނދިރިވެދެއެވެ
މެދުހަށި
ނ އުނަގަނޑާއި މެޔާދެމެދުގައި ހަށިގަނޑުގެ ވަށައިގެންވާ ބައި
ފަންކާތުނޑު
ނ ފަންކާ ރުކުގެ ފަނުން ހަދައިފައިވާ ފަންކާގެ ވަށައިގެން ވިހޭ ފަށާ ގުޅޭ ހިސާބުގައި ގުދުގުދު ލައްވައިފައި ހުންނަ ތުނޑުބައި
ފަންކޯރިބަނުން
މ ފުރާޅުގެ ތެރެއިން މައްޗަށް އަރައިފައި ހުންނަ ގަސްގަހާއި ވަސްމުޑި ފަދަ އެއްޗެހީގައި ބިންފަތްގަނޑެއްގެ ހުނގުލު ރޯނުން ތިރި ފުރާޅުމަތީގައި ޖެހޭނެހެން އެފަންގަނޑެއް އެއެއްޗެއްގެ ވަށައިގެން ބާރަށް އޮޅާ އެއްސުން
ސަފުސާންލުން
މ ގޮދަން ފުށާއި ދޮންވެއްޔާއި އެއްކޮށް ފެންޖަހައިގެން މޮޑެ ގުޅަވަށައިގެން ލޯއޮނެއްގެ ތެރެއަށް އެގުޅަލައި އޮނުގެ ކޮޅުގައި އަނގަޖަހައި ބާރަށް ފުމެގެން އެ ފުށްގުޅަ ދުއްވުން. މި ފުށްގުޅަ ދުއްވާނީ ކާޅާއި ބޮނޑާއި ހޯނުފަދަ ތަކެއްޗަށެވެ. މިއީ އިހުގައި ރޯދަމަހުގެ ހަވީރު ތިން ހަތަރުމީހުން ނުވަތަ ފަސްހަމީހުން ކުޅިވަރެއްގެ ގޮތުގައި ކުރާކަމެކެވެ
ފަރާޓާ
ނ ގޮދަންފުށްމޮޑެ ވަކިގޮތަކަށް ތައްޔާރުކޮށް ތުނިދުއްޔެއްހެންހަދައި މެދުން ލޯވަޅެއް ހަދައި ވަށައިގެން އޮޅަމުންގޮސް ދިގުފަށަކަށް ވީމައި ބުރިކޮށްލައި ދެކޮޅު ދެފަރާތަށް އޮޅައި ދެބައި އައިސް ޖެހުނީމާ އެއްފަޅިމައްޗަށް އަނެއްފަޅިލައި ތެއުޖަހައިގެން ފިހެފައި ހުންނަކާއެއްޗެއް
ފަރި
ނއ (1) ނަލަ. (2) ޗާލު. (3) ހިތްގައިމު. ނ. (4) ކުކުޅެއްގެ ކުރިމަތީގައި ހާގެންނަ އެދުންވެރިކަމުގެ ޙަރަކާތް. (5) ބައެއް ކަހަލަ ކަންތަކަށް ވާތައްޔާރު. މިސާލު: ދުއްވައިގަތުމަށް. ނުވަތަ ލާނދާ އެއްލުމަށް މީހާ ވާފަރި. (6) ކުޅިޖަހާއިރު ތިމާގެ ކުޅަދާނަކަން ދެއްކުމަށް ހަދާގޮތް ނުވަތަ ޙަރަކާތް. (7) މާކެޔޮޅުކަމު ގެންދާން ކަމުދާ ވަރަށް ކޯމަސްވާކުނި. (8) މާމެލާމެލި ފޮޅުމަށްޓަކައި ފިޔަތައް ހުޅުވޭ ހުޅުވުން. ނ. އެތެރޭގައި ފަޅެއް އޮންނަ ގޮތަށް ފަޅުގެ ވަށައިގެން ނުވަތަ ކަނޑާއި ފަޅުމައްޗާ ދެމެދު ގަލާއި މުރަކައިން އުފެދިފައިވާ ތިލަތަން
ފަރު
ނ އެތެރޭގައި ފަޅެއް އޮންނަގޮތަށް ފަޅުގެ ވަށައިގެން ނުވަތަ ކަނޑާއި ފަޅުމައްޗާ ދެމެދު ގަލާއި މުރަކައިން އުފެދިފައިވާ ތިލަތަން