radheef.info
ރަދީފު


ވަހަ
ނ )ގ ( (1) ޢިމާރާތެއްގެ ނުވަތަ ގެއެއްގެ ފުރާޅުގެ ވަސް (2) ތަކެތީގައި ދުވާ ވަސް (3) އުނދޯލި އެލުވާ ވަސް
މީރުވުން
މ ވަހަކުން ނުވަތަ ރަހައަކުން ނުވަތަ ކަމަކުން ހިތަށް އަރާމެއް ލިބުން
މުރަނަ
ނއ (1) ހިކިގެންގޮސް ފަސޭހައިން ފުނޑުފުނޑު ވެގެންދާގޮތް ހުންނަ (2) އަވަހަށް ބިނދޭގޮތް ހުންނަ (3) މަޖާޒު: ރުޅި އިސް ހަރުކަށި
މޭހެޔޮކުރުން
މ (1) ވަހަކުން ނުވަތަ ރަހަޔަކުން މެއަށް ތާޒާކަން ލިބިގަތުން (2) ހޮޑުލަވާގޮތް ކުޑަކުރުން (3) މޭނުބައިކަން ކުޑަކުރުން
މޭހެޔޮވުން
މ (1) ވަހަކުން ނުވަތަ ރަހަޔަކުން މެއަށް ތާޒާކަން ލިބުން (2) ހޮޑުލަވާގޮތް ކުޑަވުން (3) މޭނުބައިކަން ކުޑަވުން (4) މަޖާޒު: ކަމަކާ މެދު ގެންފައިވާ ބިރު ކުޑަވުން ނުވަތަ ކެނޑުން
މޭލަންފަތި
ނ )ސ.( ކޮކާލުގެ ބާވަތެއް. )މިއީ އަވަސް އަވަހަށް ފިޔަޖަހާ މުށިކުލައެއްގެ ކޮކާލެކެވެ
ފަހަރު
ނ (1) ދަނޑިވަޅު. (2) ތަންވަޅު. (3) ދުވަސްވަރު. (4) ކަމެއްކުރި ނުވަތަ ކުރަންވީ ނުވަތަ ކުރާނެ ޢަދަދާ ގުޅިގެން ބޭނުންކުރާ ބަހެއް. މިސާލު: )ހ( ތިންފަހަރު ބޭސްބޮއިފި. )ށ( ކޮންމެ ދުވަހަކު އެއްފަހަރު އެގެއަށް ދާންވާނެ. )ނ( ދުވާލަކު ދެފަހަރު އޭނާ އަންނާނެ. (5) އަދަދެއްގައި އަނެއް އަދަދެއް ހިމެނިފައިވާ ބާރު. މިސާލު: ހައެއްގައި 2 ހިމެނިފައިވާ ފަހަރުގެ އަދަދު. (6) އުޅަނދު ގިނަކުރުމަށް ބޭނުންކުރާ ބަހެއް. މިސާލު: އޮޑިފަހަރު ދޯނިފަހަރު
ޑަބިޔާޖެހުން
މ ފަރިއްސާއި ރައިވަރު ފަދަ ތަކެތި ކިޔާއިރު ޑަބިޔަލެއްގައި ލަވަހަމަކޮށް ތެޅުން
ފަރިތަކުރުން
މ (1) ކަމެއް ކުޅަދާނަކަމާއެކު އަވަހަށް ކުރަން ދަސްކުރުން (2) ތަމްރީނުކުރުން (3) ފިލާވަޅުތައް މުޠާލިޢާކުރުން
ފަރިތަކުރުވުން
މ (1) ކަމެއް ކުޅަދާނަކަމާއެކު އަވަހަށް ކުރަން ދަސްކުރުވުން (2) ތަމްރީނު ކުރުވުން (3) ފިލާވަޅުތައް މުޠާލިޢާ ކުރުވުން
ފަސްމައިގަނޑުވިޔަ
ނ ހިސާބު ހެދުމުގައި ބޭނުންކުރާ ގޮތަކަށް ކިޔާނަމެއް. މިސާލު: ހަތަރު މީހަކަށް ހަތަރު ދުވަހަކުން ދުއިސައްތަ ރުފިޔާ ލިބޭނަމަ ފަސްމީހަކަށް ދެދުވަހުން ލިބޭނީ ކިހާވަރެއްތޯ ބަލަން ކުރާ ހިސާބު
ފާނަބަސަނދު
ނ ހަމުގެ ބައްޔެއް. މިއީވަރަށް އަވަހަށް ފެތުރޭ ބައްޔެކެވެ. މިބަލީގެ ފަނި ހަށިގަނޑަށް ވަންނަތާ 11 ދުވަހާ 81 ދުވަހާ ދޭތެރޭގައި ގަދައަށް ހުން އާދެއެވެ. ހުން އަންނަތާ 42 ގަޑިއިރުގެ ތެރޭގައި ރަތްކުލައިގެ ބިހިތަކެއް ނަގައެވެ. މިބިހިތައް ބޮޑެތިވެ ފޮޅުތަކަކަށް ބަދަލުވެ ކުރަމަގާލިލައި 21 ދުވަސް ފަހުން ކުރަމަގާލިތައް ނެއްޓިދެއެވެ
ފާރުކުރުން
މ މަތިބެދި އަޑިނުބައިވެފައި ހުންނަ ފާރުގަނޑު ބޭހެއްއަޅައިގެން ސާފު ފާރުގަނޑަކަށް ހަދައިލުން މިއީ ފާރުގަނޑު އަވަހަށް ފަސޭހަ ކުރުމަށްޓަކައި ކޮށްއުޅޭ ކަމެކެވެ
ފާތިޙާތަށީގެފެންޖެހުން
މ އިހުގައި ފާތިޙާ ކިޔަވާއިރު "ޔަރުޙަމުއްﷲހުއްމަ" ދުޢާ ކިޔަން އަތްނެގީމާ ފާތިޙާޔަށް އަޅާފައި ހުންނަ ތަށީގައި ބަތްހުރިނަމަ އެބަތް އަވަހަށް ހުސްކޮށްލައިފައި އެތަށި ނުދޮވެ އެތައްޓަށް ފެންފޮދެއް އަޅައިފައި ބޮޑުއަށި ތަންދޮށަށާއި ގޯތިތެރެޔަށް އުކައިލުން މިހެން ހަދާނީ ތިން ފަހަރުއެވެ
ފާތިޙާޔަށްނަންގަތުން
މ ފާތިޙާ ދުވަހު ފާތިޙާޔަށް ކެއްކޭގޮތް ނުވީމާ ސައިފޮދެއް ދީގެން ނަމަވެސް މީހަކުލައްވައި ފާތިޙާ ކިޔަވައިފައި ދެން ފާތިޙާޔަށް ކެއްކޭ ދުވަހަކަށް ފަސްކުރުން
ފޮތްމަތިންނިޔާކުރުން
މ އަވަސް އަވަހަށް ޚަތިމުކޮށްލުން
ފިނިމޮޑުން
ނ ޅަކުދިން އަވަހަށް ހިންގުވުމަށްޓަކައި ފަތިހު ފިނިފައިބައިފައި ހުންނަ ވެލި ކުއްޖާގެ ފައިގައި މޮޑުން
ފިލިވަހަށް އައުން
މ (1) މޫދުތެރެއަށް ފިލިޖަހައިލީމާ އޭގެ ވަހަށް މަސްތައް ނުވަތަ އެންތައް އެތަނަކަށް ޖަމާވުން (2) މަޖާޒު: ތަނެއްގައި ތިމާ ގަޔާވާ ކަމެއް ހިނގާކަން އެނގުމުން އަވަސް އަވަހަށް އެތަނަކަށް ދިއުން
ފުރާ
ނ (1) އުމުރުގެ ދައުރެއް. މިސާލު: ޅަފުރާ މުސްކުޅިފުރާ (2) އމ "ފުރުން" މިބަހުގެ އަމުރު މިސާލު: މިރުނބާ އަބަހަށް ފުރާށެވެ (3) ވކ "ފުރުން" މިބަހުގެ ވާކަން މިސާލު: ކޮންމެ ދުވަހަކު އޭނާ މަހަށް ފުރައެވެ (4) )ބދ ( ހިސާބު
ފެންދިއްގާ
ނ ފަތުގައި ފެހިކުލަގަދަ ފަތުގެ ތަނޑު ރަތް އަދި ފަތުގައި ކުރަނުލާ ހުންނަ ދިއްގާ. ދިއްގާ އާއިލާގައި ހިމެނޭ ކަށިދިއްގަލާއި މާދިއްގަލާއި ވެޔޮ ދިއްގަލާ ޚިލާފަށް ފެންދިއްގާ ވަރަށް ހަލުއިކޮށް އަވަހަށް ހެދިގަންނާނެއެވެ
ފެންތިލަ
ނއ (1) ބިންމަތި ކޮނެލީމާ ވަރަށް އަވަހަށް ފެނާޖެހޭ (2) "ފެންފުން" މިބަހުގެ އިދިކޮޅު