radheef.info
ރަދީފު


އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
ބަރުވެލި
ނ ކަކުނީގެ ފާޑަށް ދަތްގަނޑާއި ފައިތައް ހުންނަ ބިމުގައި ކޭއްތެމުން ދުވެއުޅޭ ދިރޭ އެއްޗެއް މިއީ އޭގެ ފޫޅުގަނޑު ނިވާކުރުމަށް އެކިބާވަތް ބާވަތުގެ ތޮށިގަނޑުގަނޑަށް އެރިގެން އުޅޭ އެއްޗެކެވެ
ބަބުރުހަނދި
ނ ފަނިހަނދީގެ ބާވަތެއް މިއީ މުޑަހަންޖާ ވައްތަރު ގަދައަޅިކުލައިގެ މަހެކެވެ މިމަހުގެ އަނގައިގެ މަތީ ތަލީގައި ދެބަރިއަކަށް ދަތްހުރެއެވެ އެއީ ކޮޅަށް އޫކޮށް ވަރުގަދައަށް އުފެދިފައި ހުންނަ ދަތްބަރިއަކާއި އޭގެ އެތެރޭން ހުންނަ ކުދި ދަތްބަރިއެކެވެ ތިރީބައިގައި ހުންނަނީ ގަދަފަދަ ދަތްބަރިއެއް އެކަންޏެވެ މިމަހަށް "ކަޅަހަނދި" ވެސް ކިޔާއުޅެއެވެ
ބަޅެއްގެ ނަގޫ ސަންފާ އޮނަކަށް ލައިފައި އޮތަސް ތެދެއް ނުވާނެއެވެ
(މުސްކުޅިބަހެއް) ނުބައި އާދަތައްހިފި އަޚުލާގު ނުބައިވެފައި ހުރިމީހަކަށް ނަޞޭހަތެއް ދިނަސް، ކިތައްމެ ނަމޫނާއެއް ދެއްކިއަސް އެއާދަތަކަކާ ވަތްކެއް ނުވެވޭނެއޭ ބުނުމަށް ބުނެއުޅޭ ބަހެއް.
ބަކަރި
ނ ބަނޑުއަޅާވިހާ ޖަނަވާރެއް މިއީ ހަތަރު މޮށްގަނޑުޖެހި ޖަނަވާރެކެވެ މީގެ ކެހެރިތައް ހުންނާނީ ކުރުކޮށް ފަންކޮށެވެ މިއީ އޭގެކިރާއި މަހުގެ ބޭނުމުގައި ކާންދީ ބޮޑުކޮށްގެން ގެންގުޅޭ ޖަނަވާރެކެވެ މިޖަނަވާރުގެ ފިރިހެން ޖިންސުވަކިކުރަން ބޭނުންނަމަ ކިޔައިއުޅެނީ "ގިތެޔޮ" މިހެންނެވެ
ބައިންވަޅުމާ
ނ ގުޑި ތެލަނގަ މަޑި ވައުފަދަ ތަކެތި އަރުވާއިރު އޭގައިވާ ބައިނުގެ ރޮދިފަށް އައްސާ ދިމައިގައި ހިއްޕައިފައި ހުންނަ މާ
ބައިސިކަލު
ދެފުރޮޅުލީ ދުއްވާ އެއްޗެއް މިއީ އޭގެ މައްޗަށް އަރައިގެން ދުއްވާ އެއްޗެކެވެ މިދުއްވަނީ ފުރޮޅު އަނބުރަން ހަދައިފައި ހުންނަތަން ފައިން އަނބުރައިގެންނެވެ
ބަފައެކޭ ހަމަކުރުން
މ އަނބިމީހާ ފިރިމީހާޔާ ދިމާޔަށް "ތިޔައީ ތިމަންގެ ބަފައޭ" ނުވަތަ "ކަލޭ ތިމަންގެ ބަފައެކޭ އެއްފަދައޭ" ބުނުން
ބަދަލި
ނ (1) ތުނިކޮށްވަށައި އޭގެމަތީގައި ދުލިހިއްޕައި އަޅިބޮނޑި އަޅާޒާތުގެ ތަތްބޭހެއް (2) ބާވަތަކުމަހެއް
ބަދުރުހަނގުރާމަ
ނ "ބަދުރު" އޭ ކިޔާ ވަޅުގެ ކައިރީގައި މައްކާގެ މުޝްރިކުންނާ ރަސޫލުﷲގެފާނު ކުރެއްވި މަޝްހޫރު ހަނގުރާމަ
ބަތްޖެހުން
މ ހަނޑުލު ބޮނޑިބަތް ފޯލިކޮށް އޮޅައި މިލުވައިފައި ހުންނަ ކެޔޮފަތަށްލައި އޭގެ ދެކޮޅު ބަންދުކޮށްލުން މިކަން ކުރަނީ ބަދިގޭ މީހުންނާއި މެދުރި މީހުންނެވެ މިއީ ރަސްމީ ގޮތުން އޮލީ ކިޔަވާއިރު ކައްކާ ބޮނޑިބަތެކެވެ
ބަލިކަލޯ ބޮލަށް ދެތުޅާ
މބ ބަޔަކު މީހުންނަށް ލިބޭންވީ ހުތުރެއް އޭތެރޭހުރި އެންމެ ދެރަމީހާޔާ މަތިކުރުމުން ބުނެއުޅޭބަހެއް
ބަޔޭބަޔޭ
އ ބައޭ ބައޭ
ބާއްވާ! ބާވަ
އ ޝައްކާ އެކުގައި ކުރެވޭ ސުވާލުގެ އަކުރެއް މިސާލު: )ހ( އޭނާ ހިނގައްޖެބާވަ؟ )ށ( އެވަޒީފާ ލިބޭނެބާވަ (2) އމ )ޏ ސ
ބިއްލި
ނ ސޯބު އެނބުރުމަށްޓަކައި އޭގައި ހިފައިގެން އެނބުރޭ ދަނޑިބުރި
ބިލެތްދަފިނެގުން
މ ފިރިހެނުން ކުޅެއުޅޭ ކުޅިވަރެއް މިއީ ބިލެތް އަޅައިފައި ހުންނަ ދަތްޕެއް ތިރިގޮނޑި އެއްގައި ބަހައްޓައި އޭގެވަށައިގެން ފިރިހެނުން ތިބެލަވަކިޔައި ނަށަމުން އެނެށުމާ ހަމަވާގޮތަށް އެދަފިނަގައި ކޮންމެވެސް އެކެއްގެ ބޮލުގައި ބަހައްޓައިގެން ނަށާ ނެށުމެކެވެ ޢާއްމުކޮށް މިދަފިނަގައި އުޅެނީ ގާއޮޑި ލަވަކިޔާއިރު އަންބާބެރަށް ފެށުނީމާ އޭގެ ހަމައަށް ނަށަމުންނެވެ
ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބިސްތާނަ
ނ މަހާނަ ވަށައިގެން ރާނައިފައި ހުންނަ ފާރާއި އޭގެ އެތެރެ
ބީ
ނ (1) ގެއްލޭ ގެއްލުން. (2) ވަކިވަކިވުން. މިސާލު: އޭނާރަށުން ބީވެއްޖެއޭ އެގުރާ އަހަރެން އަތުން ބީވެހިނގައްޖެއޭ މިބަސް ބުނެއުޅެނީ އަނބުރާ ނުލިބޭ ފަދަ ގޮތެއްގައި ގެއްލުމަށެވެ (3) ކިރު ހިއްޕި (4) )ސ ( ބޮއިފި
ބުންބާއަލަ
ނ ގޮބޮޅި އަލައިގެ ބާވަތެއް މިއީ އޭގެ އެންމެ ކުދި ވައްތަރެވެ އިހުގައި މި ގެނެސް އުޅެނީ ބުންބާ މީހުންނެވެ މިހެންވެ ބުންބާ އަލަކިޔުނީއެވެ
ބުރަކެޓު
ނ (1) ލިޔެކިޔުމުގެ ނިޝާނެއް މިއީ ލިޔުމުގައި ބޭނުން ކުރާ ބަހެއްގެ އިތުރު ތަފުޞީލު އޭގެތެރޭގައި ލިޔުމަށް ބޭނުންކުރާ ނިޝާނެކެވެ (2) ޤައުސު