radheef.info
ރަދީފު


އެތެރެ
ނ (1) ބޭރުގެ އިދިކޮޅު (2) އެއްޗެއްގެ ނިވައި ފަރާތް (3) ނިވައިތަން
ކަޓާރިބޮލި
ނ )މ ( ބޮލީގެބާވަތެއް މީގެތުންފަތުގެ އެތެރެކައިރި ހުންނާނީ ކަޅުކޮށްނެވެ ދެފަރާތުގެ އަރިމަތީގައި ކުރެހުމެއްހުރެއެވެ ބޮޑުމިނަކީ ގާތްގަނޑަކަށް 3 އިންޗި ނުވަތަ 2/1 2 އިންޗިއެވެ
ކާފޫރުމެޓާ
ނ އެތެރެއަށް ކާފުރު ތޮޅިއޮށެއްކަހަލަ އޮށެއްލާފައި ބޭރުގައި އުންހުންނަ ލާގުޅައެއްވަރުގެ މެޓައެއް މިގެނެސް އުޅުނީ ބަންގާޅުންނެވެ
ނޯށުންނާއި ކަރުތެރޭން ނުކުންނަ އަޑެއް ކިނބިހި
ނ ނޭފަތުގެ ތެރެއަށް ވާގޮތަކުން އެތެރެއިން އަންނަ ބާރަކާއެކު
ކިބާވަރު
ނ ރޮށިދަމަން ހަދައިފައި ހުންނަ އެއްޗެއް މިހުންނާނީ ލަކުޑިން އެތެރެއާއި ބޭރު ވަށްކޮށް ލިޔެ މަތި ކުޑަކޮށް ފުއްޕާލާފައެވެ
ކިލެގެބުރުޒު
ނ މާލޭގައި އިހުގައި ހުރި ބުރުޒުތަކުގެ ތެރެއިން އެތެރެކޮއިލު ބުރުޒު
ކީމިޔާ
ނ (1) މާއްދާއެއް އެކިގޮތްގޮތަށް ބަދަލުކޮށްގެން އޭގައިވާ ޚާއްޞަ ތަބީޢަތް ހޯދަން އެނގޭ ޢިލްމު (2) ހެދިކާގެބާވަތެއް މިއީ ފުށްގަނޑު މޮޑެ އެތެރެޔަށް މަސް އަޅައިގެން ތެލުލައިފައި ހުންނަ ކުޅި ހެދިކާ އެއްޗެކެވެ
ކުދިރުވާލި
ނ ފީނިކޮށް ދަނޑިތައް ވަކިވަކިން ވާކޮށްހެދޭ ގަހެއް މީގެ ދަނޑިވަރަށް ވަރުގަދަވާނެއެވެ މިގަހުގެފަތުގައި ވަރަށްނުބައި ހިތިވަހެއް ހުންނާނެއެވެ މާހުންނާނީ އުނިއޮށެއްގެ ބޮޑުމިނުގައި އެތެރެހުސްކޮށެވެ މަލުގެ ސިފައަކީ އާފަލެއްގެ ސިފައެވެ ކުލައަކީ ފެހިކުލައެވެ މީގެވަކި ލަބަރިބަންނަން ބޭނުންކުރެއެވެ މީގެފަތަކީ ބޭހަށް ބޭނުންކުރާ އެއްޗެކެވެ
ކުދިބޭކަލުން
ނ ރަސްމީ ޢިއްޒަތުގެ ކަންތަކުގައި ރަސްގެފާނާ އެންމެ އަރިހަށްތިބޭ ޚާދިމުން މިއީ އެތެރެކޮއިލުގެ އެތައްކަމެއް ކުރާން ބަތާ ދެއްވާފައިތިބޭ ރަސްމީ ބައެކެވެ
ކުދިކިޔެވެނިން
ނ ކަނބާ ޒިޔާރަތުގެ ފަސް ކިޔެވެނިންނާއި އެތެރެ ކޮއިލު މިސްކިތު ޒިޔާރަތުގެ ފަސް ކިޔެވެނިން
ކުޑަބަދިގެކޮޅު
ނ އިހުގައި ގަނޑުވަރުތެރޭ ބޭފުޅުން ތިއްބަވާ ތަންތާނގައި އަންހެން ބޭފުޅުން އަމިއްލަފުޅަށް އެއްޗެހި ކައްކަވައި ހައްދަވާން އެތެރެ ފަރާތުގައި ހަދައިފައި ހުންނަ ބަދިގެ
ކުޑަދޫ
ނ މަތީތަލީގެ އެތެރެކޮޅުން ކަރުތެރެޔަށް އެލިފައި ހުންނަ މަސްކޮޅު
ކެއުން
މ (1) ކާއެއްޗެހި ހަފައިގެން ނުވަތަ ނަހަފާ އަރުން އެތެރެކުރުން (2) ފަޅުރަށްރަށާއި ގޮއިފާލައްބަ ފަދަ ތަންތަން ވަރުވާއަށް ލިއުއްވައިގެން ގެންގުޅުން (3) ހެފުން މަޖާޒު: (4) އެހެން މީހެއްގެ މުދަލުގައި ސިއްރުން ޖެހުން (5) ވަކިވައްތަރެއްގެ ތަކެތި ޤަބޫލުކުރުން މިސާލު: )ހ( ރިޝްވަތުކެއުން )ށ( ރިބާކެއުން
ކެވުން
މ (1) ކައިއަވަދިވުން (2) ބަނޑު ފުރުން (3) އަރުން އެތެރެއަށް އެއްޗެއްދިއުން (4) ބަޔަކުމީހުން ނުވަތަ ދިރޭ އެއްޗެހިތަކެއް އެއްފަރާތަށް އެރުން (5) ދޯންޏަށް ނުވަތަ ލަގަރިއަށް އެންދާ ހުސްކޮށްލުން (6) އެއްތާކަށް ކޮށިކުރުން (7) ފަރުމާނުގައި ހަންޖާ ބެއްދުން
ކޯ
ނ (1) ކަންކަށީ ކަށިގަނޑާ ދަތްދޮޅީ ކަށިގަނޑާ ދެމެދު (2) އަނގަޔަށް ވައިވެއްދީމާ ދެފަރާތުން ފުފޭ ހިސާބު (3) ފަރުގެ ބޭރު ކައިރިން އެތެރެއަށް ލައިފައި އޮންނަ ގޮނި (4) )ސ ( ހިނދު
ކޯރި
ނ (1) ލޮލަށް އަވިނުދޭނޭހެން ނިތާދިމާއިން ނެރެފައި އޮންނަ މައްޗަށް ހިމައެއްޗެއް މިއީ މަސްވެރިންނަށް ޚާއްޞަ އެއްޗެކެވެ (2) އެއްޗެހީގެ ކޮޅުގައި ނުވަތަ މަތީގައި އަޅުވާން ބިތްފަނުން މައްޗަށް ހިމަކޮށް ބަނދެގެން ހަދާގޮށްޓެއް (3) ފުރާޅު ފޫދުއްވާ އަރައިފައި ހުންނަ މުޑިފަދަ ތަކެތީން އެތެރެއަށް ވާރޭ ނީރައިފާނެތީ އޭގައި ފުރާޅުގެ މަތިން ބަންނަ ފަންގަނޑު
ކޯރިގަނޑު
ނ (1) އެއްޗެހީގެ ކޮޅުގައި ނުވަތަ މަތީގައި އަޅުވާން ބިތްފަނުން މައްޗަށް ހިމަކޮށް ބަނދެގެން ހަދާ ގޮށްޓެއް (2) ފުރާޅު ފޫދުއްވާ އަރައިފައި ހުންނަ މުޑިފަދަ ތަކެތީން އެތެރެއަށް ވާރޭ ނީރާފާނެތީ އޭގައި ފުރާޅުގެ މަތިން ބަންނަ ފަންގަނޑު
އަނގަ
ނ (1) ދިރިއުޅޭ ތަކެތި އެއްޗެހި ކައިއުޅޭ ގުނަވަން. (2) އެއްޗެއްގެ އެތެރެޔަށް އެއްޗެހި އަޅާން ކަނޑައިފައި ހުންނަ ތަން. (3) މުލިހި ގަނޑު ފަދަ އެއްޗެހި ފަޅައިގެންގޮސް އެތެރޭން އެއްޗެހި ނުކުންނަތަން (4) އެތެރެއަށް އެއްޗެހި އެޅޭނޭހެން ނުވަތަ އެތެރޭގައި ހުސްތަން އޮންނާނޭހެން ހުންނަ ތަކެތީގެ ތެރެޔަށް އެއްޗެހި އަޅައި ނެރެހެދޭނޭގޮތަށް ކަނޑައިފައި ނުވަތަ ކެނޑިފައި އޮންނަ ތަން
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އައިސްއަލަމާރި
ނ (1) ބައްތިއެއް ދިއްލައިގެން ނުވަތަ އިލެކްޓްރިކާ ގުޅައިގެން އެތެރެ ފިނިކޮށްފައި ހުންނަ ދަގަނޑު އަލަމާރިއެއް މިއީ ފެންފަދަ ކިރުފަދަ ތަކެތި ފިނިކޮށް ގަނޑުކުރުމަށާއި ބައެއް ތަކެތި ނުބައިނުވެ ފިނިކޮށް ބެހެއްޓުމަށް ތައްޔާރުކޮށްފައި ހުންނަ އެއްޗެކެވެ (2) ގަނޑުފެން އަލަމާރި
އައްތަވާޅި
ނ (1) ކާށި ކިބައިގެ އެތެރެ ދާރަފަށް (2) ހަތް އައްތަވާޅިން ގާނެގުމުގެ ކުޅިވަރުގައި ގައު އަޅައިފައި ހުންނަ މުގޯލި