radheef.info
ރަދީފު


އެކި
ނއ އެކެއް މިސާލު. އެކިމީހުން އެކިގޭގެ އެކި ރަށްރަށް
ކުފީރު
ނ (1) ދަތިތަންތަން ސާފުކުރާން ބޮނބިނަރުން ބަނދެގެން ގެންގުޅޭ ފިހި (2) އެކިއެކ ބޭނުމަށްޓަކައި ބަނދެފައި އޮންނަ ފިހިގަނޑު
ކުދުފުއްލާ
ނ )ސ ( ފޫއެނބުރީގެ ބާވަތެއް މިއީ ހިމަކޮށް ގާތްގަނޑަކަށް 6 އިންޗި 4 އިންޗި ހާދިގު ކޮށް ބަދަބަދައަށް ހުންނަ ފޫއެނބުރިއެވެ މީގައި ރީތި ކުރެހުމެއް ހުރެއެވެ އެކި ތަންތަނުގައި ހުންނަނީ އެކިކުލައެވެ
ކުޑަގެ
ނ އެކިއެކި ބޭނުމުގައި ގޯތިތެރޭގައި އަޅައިފައި ހުންނަ ކުޑަވަރެއްގެ ގެއެއް ގިނަ ގޭގޭގައި މިއީ ކާގެއެވެ
ކެއްޓުބާރު
ނ (1) އެކިއެކި ބާވަތްބާވަތުން ކުރިމަތިވާ ބޮޑެތި އުނދަގޫ (2) ޖެހޭ ބޮޑެތި އާފާތް
ކެވެލި
ނ (1) އަތްފައިގައި އަޅަން ހަދައިފައި ހުންނަ ގަހަނާއެއް. މިއީ މަޢުދަނަކުން ނަރުދަމައިގެން އެނަރުން ގަތައިފައި ނުވަތަ ބޮޅު އަމުނައިފައި ހުންނަ އެއްޗެކެވެ (2) ގަހަނާއެއްގެ ގޮތަށް ނޫނަސް އެކިއެކި ބޭނުންތަކަށް ފަތިކޮށްނާއި ހަތަރު އަރިއަށް ނުވަތަ އެނޫން ސިފަސިފައަށް ތައްޔާރުކޮށްފައި ހުންނަ ހިމަފަށް (3) ފަންގިވިންނަ ކަނިވަޅު (4) )ހ ( ކޭލި
ކެލާޖެހުން
މ (1) ފަންޑިތަވެރިކަމުގެ ގޮތުން ކެލާ ގާނައިގެން އެކިގޮތްގޮތަށް ގައިގައްޔާއި އެއްޗެހީގެ ތަންތަންކޮޅުގައި ހޭކުން (2) ކިޔަވާ ފިލާ ދޮވެ މަށިލުމަށްފަހު އެ ފިލައިގެ ތަންތަންކޮޅުގައި ކެލާ އުނގުޅުން މިއީ އީދާ ނުވަތަ ރޯދަޔާ ދިމާކޮށް އާދަކާދައިގެ ގޮތުން ކުރާ ކަމެކެވެ
ކޭކު
ނ ފުށާއި ހަކުރާއި ބަޓަރާއި ބިހާއި އެއްކޮށްގެން ފުފޭގޮތަށް ފިހާ ފޮނިކާއެއްޗެއް މި އެކިވަރުވަރަށް އެކި ސިފަސިފައަށް ހަދައެވެ
ކޮށި
(1) އެއްޗެއް ދިރުވައިލެވޭ ގޮތަކުން ނޭވާދަތިވެގެން އަންނަ ކެއްސުމެއް. (2) ގެރިބަކަރި ފަދަ ދިރޭ ތަކެތި ގެންގުޅުމަށް ނުވަތަ އެ ތަކެތި ބަންދު ކުރާން ހަދައިފައި ހުންނަތަން ނުވަތަ އެތި. (3) ގަސްއިންދުމުގެ ބޭނުމުގައި ވަށައި ފުޅަށް އަޅައިފައި އޮންނަތަން. (4) އިހުގައި އެކި ބާވަތުގެ ހެވިކަން ކުރުމަށާއި ބަޑިބޭހުގެ މަސައްކަތް ކުރުމަށް ސަރުކާރުން އުޖޫރަ ދެއްވައިފައި ތިބޭ އެކިއެކި ޖަމާއަތް. (5) އިހުގައި ހެވިކަން ކުރުމަށާއި ބަޑިބޭހުގެ މަސައްކަތް ކުރުމަށް ސަރުކާރުން ކަނޑައަޅުއްވާފައިވާ ބިން. މިސާލު: ބަންޑާރަކޮށި ތުރުކީކޮށި. (6) އަމިއްލައަށް ނުއިނދެވޭވަރުގެ ޅަކުދިން ރައްކާތެރިކޮށް ބޭންދޭގޮތަށް ހަދައިފައި ހުންނަ އެއްޗެހި. (7) ރަޙިމު. (8) އަނދެގެން ހުރި އެއްޗެއް ނުވަތަ ލައިފައިވާ ލިބާހެއް މައްޗަށް އުފުލައިލައި ބޮނޑިކޮށްލާ ކޮށްލުން. (9) ދަމައިފައިވާ ފޮތިގަނޑެއް އެއްފަރާތަކަށް ކަހައިލާ ކަހައިލުން )01( ދިރޭއެއްޗެހިތަކެއް އެއްތާކަށް ބޮޑިވެގަންނަގަތުން (11) ނއ ތޫނު ނޫން (21) ނއ މަޖާޒު: ވިސްނުންދެރަ )31( ނއ ނުފަރިތަ )41( ކޮށައިފައި ހުރި މިސާލު: ކޮށިފޯއް )51( ކއ ފަރުމާނާ ކައިރިއަށް ރިޔާ ޖައްސައިލާ ޖައްސައިލުން )61( ކއ ކައިރިކައިރީގައި ހުންނަ މިސާލު: ގެތައް ހުންނަނީ ވަރަށް ކޮށިކޮށް )81( )ޏ ސ ( ރާއްޖެތެރޭގައި ކުށްވެރިން ބަންދުކޮށް އުޅުނު ތަންތަން )91( "ކޮށުން" މިބަހުގެ ނިމިނިމުނުކަން
ކޮށިގަނޑު
ނ (1) އެކިއެކި ބޭނުމަށްޓަކައި ކޮށި އެޅުމަށް އެކިގޮތްގޮތަށް ގަތާފައި ހުންނަ ބިތްތައް. (2) އިހުގައި ކުކުޅު ހިފާން ބަނދެފައި ހުންނަ ކޮށި. (3) ރޮދުލާ މަސް ވެއްދުމަށް ކޮށިއަޅާން ގެންގުޅޭ އޮޅައިލެވޭނޭހެން ގަތައިފައި އޮންނަ ބިތް. (4) އެން ދިރުވައިފައި ބަހައްޓާން އޮނުން ބަނދެފައި ހުންނަ ކޮށި. (5) ފައިސާ ބަލައިގަތުމަށާއި މުދާ ދޫކުރުމަށާއި މަޢުލޫމާތު ދިނުމަށާއި މީހުން ބަލައިގަތުމަށް ހޮޓާހޮޓަލާއި ފިހާރަފިހާރައިގައި ހުންނަ ތަން
ކޮށީ މީހުން
ނ (1) އެކިއެކި ކޮށިކޮށީގެ މީހުން (2) މަޖާޒު: އުރަވަޅި ބޮޑުވެފައި ތިބޭ މީހުން
ކޮނެކެއުން
މ މަޖާޒު: (1) މަސައްކަތެއް ނުކޮށް އެކިމީހުން އަތުން އެކިދުވަހު ކެއުން (2) ދިރިއުޅޭނެ ޚާއްސަގޮތެއްނެތި އެގޮތް މިގޮތުން ކައި އުޅުން
ކޮޅިމޫސުން
ނ ދެމޫސުން ބެދޭ ދުވަސްވަރު. މިއީ އެކިފަހަރު އެކިދިމާއިން ވިއްސާރަ ކޮޅުކޮޅު އަންނަ ދުވަސްވަރެވެ
ކޮޅުހެދުން
މ (1) ފޮށާފަދަ ތަކެތީގެ ކޮޅުގައި ފޯގައިލައި މަޅި ގޮތްގޮތަށް ހެދުން (2) ނަނާއިވާފަދަ ތަކެތީގެ ކޮޅުހިމަކޮށްލުން ނުވަތަ އެކިއެކި ބޭނުމަށްޓަކައި ކޮޅު ނުނިއުޅޭނެހެން ހެދުން
ކޮޓަރި
ނ ގޭގެއާއި ޢިމާރާތް ޢިމާރާތުގައި ބިތްތަކަކުން ވަކިކޮށް އެކިބޭނުމަށް ޚާއްޞަކޮށްފައި ހުންނަ ގޮޅި ނުވަތަބައި
އަށި
ނ (1) އިށީނދެ އޮށޯވެހަދާން ލަކުޑީން ނުވަތަ އެހެން އެއްޗަކުން ހަތަރު ކަނަށް ހަދައިފައި ޖަހައިފައި ފަޑިނާޅާ ހުންނަ އެއްޗެއް (2) މިބޭނުމުގައި ރާނައިފައި ހުންނަ ތަންތަން (3) އެކިއެކިކަންތަކު މައްޗަށް އަރައި ތިބޭށާއި އަދިވެސް ބައެއް ބޭނުމުގައި ހަދާތަންތަން (4) މާލޭ ހުކުރު މިސްކިތުގެ ދެފަރާތު ފެންޑާޔަށް އޮންނަތަން
އަނގަހެދުން
މ އެއްޗެހި ކިޔާއިރު ނުވަތަ ކާއިރު އަނގަޔަށް ގޮތްގޮތްހެދުން މިއީ އެއްޗެހި ކިޔާއިރު އެކިއެކި މަޚުރަޖު ނެރޭންވެގެން ހަދާގޮތެކެވެ އެއްޗެއް ކާއިރުގައިނަމަ އޭގައި ދޭރަހައެއްގެ ސަބަބުން ހެދޭގޮތެކެވެ
އަނަ
ނ (1) އެކިއެކި ބޭނުމުގައި ދަނޑިއެއްގެ ކުރީގައި ކަނިފަށެއްހެން ބަންނަ ދަނޑިކޮޅު (2) ފަންޑިތަވެރިންކުރަހާ ވަކިވައްތަރެއްގެ އަޒީމަ
އަނަގަނޑު
ނ އެކިއެކި ބޭނުމުގައި ދިގު ދަނޑިއެއްގެ ކުރީގައި ކަނިފަށެއްހެން ބަނދެފައި އޮންނަ ދަނޑިކޮޅެއް
އަންބަލަންގެ
ނ މޮޅުމީހުންގެ ގޭގޭގެ ދެކުނު ފަރާތުގައި އަންހެނުން އެކިއެކި މަސައްކަތް ކުރުމަށާއި ބޭރުން އަންނަ އަންހެނުންނާއި ބައްދަލުވެ އުޅުމަށް އަޅައިފައި ހުންނަ ކުޑަމަރިޔާދުގެއެއް. މިގެއަށް އޮންނާނީ ދޮންވެލިލައިފައެވެ
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން