radheef.info
ރަދީފު


އެން
ނ (1) މަސްބާނަން އައިނަށްއުކާ ކުދިމަސް (2) މަސްބާނަން ބުޅީގައި އަޅާ ވަދުނޫން އެހެން އެއްޗެތި
ރާއްދެމަޑި
ނ )ސ ( (1) އެންމަޑީ މިއިީ ފުންކަނޑުގާ އުޅޭ މަޑިއެކެވެ (2) މަޖާޒު: ގޮވިޔަސް ފަހަތަށް ނޭނބުރި ކުރިޔަށްދާ މީހާ
ކޯފާ
ނ "ރުޅި" މިބަހުގެ އެންމެ މާތްގޮތް
ކޯފާއިސްވުން
މ އެންމެ މާތްބަހުގައި ރުޅިއައުން
ކޯފާވުން
މ (1) އެންމެ މާތްބަހުގައި އެއްޗިހިގޮވުން (2) އެންމެ މާތްބަހުގައި ރުޅިވުން
އައްޑިހަޔަށްއެރުން
މ މަޖާޒު: އެންމެ ގަދަޔަށް ރުޅިއައުން
އައްޓަށްއެރުން
މ ހަނގުބޭކަލުން ދަމުއަށްޓަށް ދުރުވެ ދަން ބަލައިގަންނަ މީހަކަށް ނުވަތަ ދަމުރޭގެ މީހަކަށް ތިމާ ދިޔަކަން އެންގެވުން
އަވަހާރަ
އ (1) ގަނޑުވަރުތެރޭ ބޭފުޅުންގެ ބައެއް އެއްޗެހިކޮޅު ގެންދާއިރު އެކަން އެންގުމަށް ބުނާ ބަހެއް (2) ބަޑިބޭހާއި އަލިފާނުގެ ތަކެތި ގެންދާއިރު އެއަށް ރައްކާތެރިވުމަށް ބުނާބަހެއް (3) ނ މބ މަރު (4) ނިދި
އަވަށުތަންޑުވަ
ނ އަވަށުތެރޭން ކޮންމެ ވަރަކުން ހަތަރުމީހުން މަގުން ތިބޭ ބަޔެއް. މިމީހުންގެ މަސައްކަތަކީ އެވަރަކަށް މަސައްކަތު ގޮވާން ވެއްޖެނަމަ ބުރުޒު ބަނޑޭރީން އެންގީމާ އެވަރެއްގެ ބޭކަލުންނަށް މަސައްކަތު ގޮވުމެވެ މިއިން މީހަކަށް އޮންނާނީ ފޭލި ދެއްވާ ދުވަހު އިތުރަށް ބަޔެކެވެ
ވޮޑިގަތުން
މ )ބދ ( (1) ތަޚުތުގައިވުން (2) އިށީނުން މިބަހުގެ އެއްމެ ޢިއްޒަތްތެރިގޮތް (3) ވުން މިބަހުގެ އެންމެ ޢިއްޒަތްތެރިގޮތް
މަހަށްފަރަށްއަރުމާޒަށް
މަޖާޒު: ކަލާސީންގެ އެންމެންނަށޭ ބުނުމުގެ ބަދަލުގައި ބުނެއުޅޭ ބަހެއް. މިސާލު: މަހަށް ފަރަށް އަރުމާޒަށް ސައްކަރަންޏާ ދޮރޯށްޓަށް. މީގެ މާނައަކީ މަހަށްވެސް ނުގޮސް ފަރަށްވެސް ނުގޮސް މަސައްކަތްކުރަން ނުކުންނާށޭ މިއެވެ
ހޯޑު
ނ އެންދަމާ ދަލުގެ ހިޔަނި
ނަނުއުކުނު
މ ގޮނޑުދޮށުގައި ނުވަތަ ތޮށި މަތީގައި ހުރެގެން މަސްބާނަން ނަނުއެއްލުން. މިކަން ކޮށްއުޅޭގޮތަކީ މުގޫކޮޅު ހަރުކޮށް ބަހައްޓައިގެން އެންގަނޑު އޮންނަކޮޅު އެއްލަނީއެވެ
ނައިބުފަތް
ނ (1) ނާއިބުކަން ރަށްރަށުގެ މީހުނާ ހަވާލުކުރާއިރު މަހުކަމަތުއް ޝަރުޢިއްޔާއިން ދޭފަތް މިފަތް އެރަށްރަށުގެ ރައްޔިތުންނަށް ކިޔައިދިނުމީ ލާޒިމް ކަމެކެވެ (2) އިހުގައި ކޮންމެ އަހަރެއްގެ ރަޖަބުމަހު 6 ވަނަ ދުވަހު ފަޑިޔާރު މަނިކުފާނުގެ ފަރާތްޕުޅުން ދީނީ އަމުރު މަޢްރޫފު ހިންގުމަށް އަންގަވާ އެންގެވުން ލިޔެފައިވާ ކަރުދާސް
ނައުވެއްދުން
މ )ޅ ( ކޮންމެވެސް ބިރެއް ދެކެގެން އެންގަނޑު ދަލުތެރެއަށް ވަނުން
ނަވަރަންނަސަރަވާމަށަ
ބދ އެންމެން މައްޗަށް އިތުރުކަން
ނަގޫހުދުމަޑި
ނ ނަގޫ ހުދުކޮށް ހުންނަ މަޑިއެއް މިއީ ތިލަފަޅުފަޅާއި ފަރުބޭރުގައި އުޅޭ މަޑިއެކެވެ މީގެ އެންމެ ޚާއްޞަ ސިފައަކީ ނަގޫ ހުދުކަމެވެ ބުރަކަށި ފަރާތް ހުންނާނީ ކަޅުކުލައިގައި ހުދު ތިކިތަކެއްޖަހާފައެވެ މަޑީގެ ނިގޫ ގާތްގަނޑަކަށް އޭގެ ހަށިގަނޑާ އެއްވަރުވާނެއެވެ
ނަސްލީއިމްތިޔާޒު
ނ (1) ޢާއިލާއަށް ބަހައްޓާ ޚާއްޞަގޮތް (2) ނަސްލު މަތިވެރިކުރާ ކުރުން (3) ދަރިކޮޅަށް މޮޅުގޮތް ހޯދައިދޭ ހޯދައިދިނުން (4) މަޖާޒު: އެންމެންނަށް ލިބެންޖެހޭ ހައްޤުތަކެއް ވަކިބަޔަކަށް ލިބޭގޮތަށް އޮންނަ އޮތުން
ނާނެއިފުޅުފިއްލެވުން
މ ފެންވެރުން މިބަހުގެ އެންމެ މާތްގޮތް
ނާނެފިއްލެވުން
މ ފެންވެރުން މިބަހުގެ އެންމެމާތްގޮތް
ނާރުތަކާބެހޭނިޒާމު
ނ ހަށިގަނޑުގެ އެންމެ ހިމަހިމަ ނާރުތަކުން ފެށިގެން ސިކުނޑީގެ ނާރުތަކާއި މައިކަށީގެ މަދާއި ހަރަކާތް ކުރުމަށް މެސެޖުގެނެސް ގެންގޮސްދޭ ހުރިހާ ނާރުތައް ހިމެނޭބައި