radheef.info
ރަދީފު


އަން
ނ ތިމާދޭ އެއްޗެއްގައި އަނެކާހިފާން ކުރާ އަމުރު މިއީ ކަމެއްގެ ނަމެކެވެ
ހުދުރާތް
ނ އަންހެނުންލައިއުޅުނު ފޭރާންދެރަ ލިބާހެއް މިއީ ރާއްޖޭގައި ވިޔެއުޅުނު ލިބާހެކެވެ
ހުދުފޭލި
ނ އަންނަފޮތީގެ ތާން
ހުތް
ނ (1) ލުނބޯއާއި ބިލަމަގު ފަދަތަކެތީގެ ދިޔަ (2) ލުނބޯ އާއި ނާރިނގާއި ބަނބުޅަބޮސް ފަދަ ތަކެތީގެ ތެރޭގައި ހުންނަ ފިތްނުވަތަ ބައި (3) ރުކުރާ މޭބިސްކަދުރު ދިޔަ ފަދަ ތަކެއްޗަށް ވަކި މުއްދަތެއްވުމަށްފަހު ކިޔާނަން (4) ލުނބޯ އާއި ބިލަމަގު ފަދަތަކެތީގައި ހުންނަރަހަ މިބަސްނަން އިތުރެއްގެ ގޮތުންވެސް ބޭނުންކުރެއެވެ މިސާލު: )ހ ( ހުތް އަންނާރު )ށ ( ހުތް ކުންނާރު (5) )އ ( މޫދުތެރޭގަލުގައި ހިއްޕައިގެން އިންނަ އެއްޗެއް (6) މަޖާޒު: ނުބައި ކަމަކަށް ދޭނަސޭހަތް
ހުތްއަންނާރު
ނ އަންނާރުގެ ހުތް ބާވަތް
ހުސްބުޅީގައިގަތުން
މ (1) އެންނާޅާ ބުޅީގައި މަސްގަތުން (2) މަޖާޒު: ފިރިހެނަކު ކޮށްލާ ކުޑަކުޑަ އިޝާރާތަކަށް އަންހެނަކު ޖިންސީގޮތުން އިޖާބަދިނުން
ހޫނުވައި
ނ (1) ހޫނުކަން ހުންނަވައި (2) ފަރުބަދަމަތިން ސަހަރާއަށް އަންނަ ވައި މިވައިގައި ދިލަހޫނެއް ހުރެއެވެ
ހެއިބެލުން
މ (1) ފަރަކާ ކައިރިވެގެން އަންނައިރު ވަތް ހޭލާތޯ ބެލުން (2) މަޖާޒު: ނުރައްކާތެރިކަމެއް ލިބިދާނެ ފަރާތްފަރާތަށް ވިސްނުން
ހެއްވާމީހާ
ނ (1) ހިނިއަންނަ ޒާތުގެ ކަންތައްކުރާ މީހާ (2) ހިނިއަންނަ ކަހަލަ ވާހަކަ ދައްކައި ހަދާމީހާ (3) މީހުން ހެއްވަން އުޅޭ މީހާ (4) މަޖާޒު: ކަމުނުދާމީހާ
ހެއްވުން
މ (1) ހިނިއަންނާނޭ ކަމެއްކޮށްގެން އަނެކާގެ ހުނުން ގެނައުން (2) ހެވޭނޭގޮތް ހެދުން
ހެދުން
ނ (1) އަންނައުނު (2) ތައްޔާރު ކުރުން މިސާލު: ކާން ހެދުން (3) ވަކިސިފައެއް ޖައްސައިގެން އުޅުން (4) އުފެއްދުން (5) މަޖާޒު: ޖިންސީ އެދުން ފުއްދުން
ހެޔޮރޯޅިފަށް
ނ ވައި ހިނދިފައި އޮންނައިރު ކަނޑުގައި ހިފައިގެން އަންނަ ފަހިރޯޅިފަށް
ހޭ
ނ (1) ވާނުވާ އެނގުމުގެ ބާރު. (2) ބުއްދި. (3) ދެވަނަ ފަހަރަށް ސުވާލު ކުރުމުގެ ޖުމްލައިގެ ފަހަތަށް ގެންނަ އަކުރު. މިސާލު: މިބުނި އެއްޗެއް ވިސްނިއްޖެހޭ. (4) މީހަކު ތިމާޔާ ކުޅަ ސުވާލެއް އަނެކާގާތު ބުނާއިރު ޖުމްލައިގެ ފަހަތަށް ގެންނަ އަކުރު މިސާލު: އަބްދުﷲ އަހަރެން ކުރެން އެއްސޭ އިބްރާހީމް ނާދޭހޭ (5) ހުޅަނގު މޫސުމުގެ ނަކަތްތަކުގެ ތެރެއިން ފަނަރަވަނަ ނަކަތް (6) ކަނޑުގެ އަޑި ކިރިޔަކިރިޔާ ފެންނަ (7) )ޏ ސ ( ދުރުން ކިރިޔަކިރިޔާ ފެންނަ ފެނުން (8) " އޭތް" މިބަސް އަންހެނުންނަށް ގޮވުމަށް ބޭނުންކުރާގޮތް
ހޭބެލުން
މ (1) ކަނޑު ދަތުރުކުރުމުގައި ފަރަކާ ކައިރިވެގެން އަންނައިރު ވަތްހޭލާތޯ ބެލުން (2) މަޖާޒު: ނުރައްކައުތެރިކަމެއް ލިބިދާނޭ ފަރާތް ފަރާތަށް ވިސްނުން
ހޭއެރުވުން
މ (1) ނިދާފައިވާ މިހާ ހޭލެއްވުން (2) ހޭނެތިފައިވާ މީހާ ހޭޖެއްސުން (3) ނަސޭހަތަކުން ނުވަތަ އަދަބަކުން ކަމެއްވިސްނައިދިނުން (4) ވާންއުޅޭ ގެއްލުމެއް ނުވަތަ އަންނާން އުޅޭ ނުރައްކަލެއް ކޮންމެވެސް ގޮތަކުން އަންގައިދިނުން (5) ވަތް ހޭލާ ހިސާބަށް ގެންދިއުން
ހޭއް
)ލ ( އަންހެނަކުނަމަ އޭއްޔޭ ގޮވާލާގޮތް
ހޭމަސް ހެލުން
މ (1) ކުރުމަހާއި ވޮށިމަސް ގެންނާން ހޭމަސްދޮއްޓެއްގައި ލައިގެން ކަނޑުގައި ކޭއްތުން. (2) މަޖާޒު: އަންހެނުން ހިތް ޖެއްސުމަށްޓަކައި ޖިންސީ ގުނަވަން ކަހައި ގޮތްގޮތް ހެދުން
ހޭތް
މ )ލ ( އަންހެނުންނަށް ގޮވާގޮތް
ހޭލާފަށް
ނ ކަނޑުގައި ދަތުރުކޮށްފައި އަންނައިރު ރަށެއްގެ ނުވަތަ ފަޅެއްގެ އަޑި އެނގެންފަށާ ހިސާބު
ހޭލެއްވުން
މ (1) ނިދައިފައި އޮތް މީހަކު ނިދީން ވަކިކުރުން (2) ތަންދޮރު އަންގައި ދިނުން (3) ކަމަކާމެދު ވިސްނައި ދިނުން
ހޮނިހިރުބަތްޕެން
ނ ހޮނިހިރު ދުވަހު ކައްކާގޮތަށް އަނެއް ހޮނިހިރު އަންނަންދެން ހުސްވިޔަނުދީ ބަހައްޓާ ބަތްޕެނެއް މީން ބަތްޕެން އުނދުޅިއެއް ނަގައިފިނަމަ ފެންއުނދުޅިއެއް އަޅާނެއެވެ މިއީ ބ އޭދަފުށީ މީހުން ކައްކައި އުޅުނު ބަތްޕެނެކެވެ