radheef.info
ރަދީފު


އަންހެނުން
ނ (1) އިންސާނުންގެ ދަރިމައިވާ ބާވަތުގެ ގިނަމީހުންނަށް ކިޔާނަން (2) އަނބިމީހާ
ކާމަސްތުރަ
ނ އަންހެނުންގެ ވަކި ބާވަތްތަކެއް އެނގޭ ޢިލްމެއް
ކިރުހިއްޕި
ނ އަންހެނުންގެ އުރަމަތި ރީތިކޮށް ހިފެހެއްޓުމަށްޓަކައި ހަދައިފައި އޮންނަ އެއްޗެއް މި ކިތަންމެ ގޮތަކަށް ހަދައެވެ
ކިރުމައިން
ނ (1) މީހުންގެ ޅަކުދިންނަށް ތިމާގެ ގާތުން ކިރުދީއުޅޭ މީހުން (2) ގިނައިން ކިރުހުންނަ އަންހެނުން
ކުނިހުދުފަށް
ނ އަންހެނުން ކަރުގައި އަޅާ ފަށްޓަރު ބައިގެ އެއްނަރުން ގަތައިފައި ހުންނަފަށް
ކުރިމަތިފަރާތް
ނއ (1) މޫނާދިމާ (2) ކުޑަކަމުދާ ދޮރާ ބެހޭ ހިސާބު (3) ފިރިހެނުންގެ ޒަކަރު (4) އަންހެނުންގެ އިސްމަތި
ކުޅަނދިލި
ނ އަންހެނުންގެ ފަރުޖުގެ ރެނދުގެ މަތީކައިރީގައި ހުންނަ މަސްކޮޅު
ކުޅިބަލާގެ
ނ (1) އިހުގައި އަންހެނުން މަގުމަތި ބަލާން އަރައި ތިބުމަށް މަގުމަތީ ފާރުކައިރީގައި ތަންކޮޅެއް އުސްކޮށް ހަދައި ހިޔާކޮށްފައި ހުންނަތަން (2) ކުޅިބެލުމަށްޓަކައި އިށީނދެ ތިބުމަށް ހަދައި ހިޔާކޮށްފައި ހުންނަތަން
ކުޑަދޮޅި
ނ ބުރުގާއަޅާ މީހުންނާއި އަންހެނުން ނަމާދުކުރާއިރު ބޮލުއިސްތަށިތައް ހިފެހެއްޓުމަށް އަޅާ ދޮޅިޖެހި ފޮތިކޮޅު
އަހޭ
ނ އަންހެނުންނަށް ގޮވާލާގޮތެއް
އަށިގެ
ނ ގޭގެ ބޮޑުމިނަށް އައްޓެއް ލައިފައި ހުންނަގެ މިއީ އިހުގައި ފިރިހެނުން މަޖިލިސްކުރުމާއި އަންހެނުން ނަމާދުކުރުން ފަދަ ބޭނުމުގައި ހަދައިއުޅުނު ގެއެކެވެ ރަށްފުށުގައި ފަރުދޭސީން ނިދާންވެސް މިކަހަލަ ތަންތަންހުރެއެވެ
އަނހާ
އ (1) މީހަކަށް އެއްޗެއް ދައްކައިލުމަށްޓަކައި ބުނާ އަކުރެއް (2) ވީ ހައިރާންކަމަކުން ނުވަތަ ލިބުނު ހިތާމަވެރި އަސަރަކުން ބުނެވޭ އަކުރެއް (3) )ގ ( އަންހެނުންނަށް ގޮވާ ގޮތެއް
އަނމާބަނޑު
އ އަންހެނުން ސިހުނީމާ ބުނެއުޅޭ ބަހެއް
އަންހެންކަން
ނ (1) އަންހެނެއްގައި ހުންނާންވީ ސިފަތައް (2) އަންހެނުންގެ ވައްޓާފާޅި (3) އަންހެނުންގެ ޝަހުވާނީ ބާރު
އަންބަލަންގެ
ނ މޮޅުމީހުންގެ ގޭގޭގެ ދެކުނު ފަރާތުގައި އަންހެނުން އެކިއެކި މަސައްކަތް ކުރުމަށާއި ބޭރުން އަންނަ އަންހެނުންނާއި ބައްދަލުވެ އުޅުމަށް އަޅައިފައި ހުންނަ ކުޑަމަރިޔާދުގެއެއް. މިގެއަށް އޮންނާނީ ދޮންވެލިލައިފައެވެ
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަރިހުބޭކަނބަލުން
ނ މަހު އެއްޗެތިކޮޅު ދެއްވައިފައި ތިއްބަވާ ގަނޑުވަރުތެރޭ އަންހެން ބޭފުޅުން އަރިހުގައި އުޅޭ އަންހެނުން
އަރުޒާނަ
ނ އަންހެނުން
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަޅިފެން
ނ އަޅިއަޅައިގެން ކައްކާފައި ހުންނަފެން މިއީ އަންހެނުންގެ ބޮލު އިސްތަށި ގަނޑުން ދައުފިލުވާން ގެންގުޅޭ ފެނެކެވެ
އައިހަ
ނ އަންހެނުންނަށް ކިޔާވަނަމެއް "އަތްހަ" ވެސްކިޔައެވެ