radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ހިތްގަދަވުން
މ (1) އަނެކާއަށްލިބޭ ހިތާމައަކުން ނުވަތަ ހާނީއްކަ އަކުން އަސަރު ކުރާގޮތްނެތުން (2) ކޮންމެފަދަ ކަމެއް ކުރުމަށްވެސް ޖެހިލުންނުވުން
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހިލޭހުރުން
މ (1) ހިމޭނުން ހުރުން (2) ވާހަކަނުދައްކާ ހުރުން (3) ޅަކުއްޖާއަށް އެކަނި ހުރެވުން (4) ތަނެއްގައި ކުއްޔެއްނުދީ ހުރުން
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަނިދާ
ނ ގޮޅިދެވަރަށް ބަންނަ އެންދަމާ ދަލުގެ ހަތަރުފަރާތުގައި މެދުތެރެއަށް ވުރެން ގޮޅި ނުވަތަ މަޅި ބޮޑުކޮށް އޮންނަބައި
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ހިޔާއެރުން
މ (1) ވިލާގަނޑުގެ ނުވަތަ ގަސްގަހާއި ގޭގެފަދަ ތަންތާނގެ ހިޔަނި އެރުން (2) ހަވީރުވެގެންގޮސް ރަށުތެރެއަށް ހިޔާ ފެތުރުން
ހީނގަތުން
މ ކުއްލިއަކަށް ގަދައަށް ހުނުން
ހީނަރު
ނ (1) އަނަރޫފަ (2) ގަސްގަހާގެހި ޅައިރު ހެދުން ދެރަވެގެން ވާ އަނަރޫފަ (3) މަޖާޒު: ކަންކަން ދާންވާ ގޮތަށް ކުރިއަށް ނުގޮސް ހުއްޓުން އަރާއެރުން
ހީނަރުވުން
މ (1) އަނަރޫފަވުން (2) ގަސްގަހާގެހި ހެދުން ދެރަވެގެން އަނަރޫފަވުން (3) މަޖާޒު: ކަންކަން ދާންވާގޮތަށް ކުރިއަށް ނުގޮސް ހުއްޓުން އެރުން
ހީކިރިލި
ނ (1) )ޅ ( މަސްއައިނުގެ ތެރެއަށް އެނބުރެމުން ތިރިވާ ކިރުދޫނި ކަހަލަ ކުޑަ ދޫންޏެއް (2) ފީކިރިލި
ހުށި
އކ ކުރާ އަމުރެއްގެ ފަހަތަށް އިތުރުކުރާ އަކުރެއް މިސާލު: ނަމާދަށްޙަރަމް ބަނުމުގެ ކުރީގައި ޤިބްލައަށް ކުރިމަތިލާހުށި
ހުށޫ
އ ހުށި މިބަސް ފަދައިން ކުރާ އަމުރެއްގެ ފަހަތަށް އިތުރުކުރާ އަކުރެއް މިސާލު: ނަމާދަށް ހަރަމްބަނުމުގެ ކުރީގައި ޤިބުލައަށް ކުރިމަތިލާހުށި ނުވަތަ ކުރިމަތިލާހުށޫ
ހުނގުގަސް
ނ އިރުމަތީގެ ޤައުމުތަކުގައި ހެދޭ ކެރެޓްއާއިލާގެ ގަހެއް މިގަހުން ނުބައިވަސްދުވާ ތަތްކިރެއް ނެގެއެވެ އެކިރަކީ ބޭހަށް ބޭނުންކުރާ އެއްޗެކެވެ އެއަށް ކިޔަނީ ހުނގެވެ
ހުނިބޮޅު
ނ ހުނިގުރާބުގެ ތެރެއަށް އިނގިލި ބާނައިގެން ދުފުމަށް ބޭނުންކުރަން ނަގާ މިންވަރު
ހުނިފުރޭނުން
މ (1) ފޮތިގަނޑަކަށް އުވައަޅައިގެން ފެންއަޅަމުން ނުވަތަ ފެންއެއްޗެއްގެ ތެރެއަށް އެލައިގެން ވަކިގޮތަކަށް ހެލުވުން (2) އުވައިން ހުނިނެގުން
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުރަހޮޅިގަތުން
މ (1) ކުރިމަތިވެގަތުން (2) ކަމަކާ ނުވަތަ މީހަކާ ބެހިގަތުން (3) ނުބެހޭކަމެއްގެތެރެއަށް ވަދެގަތުން
ހުރަގެޖެހުން
މ (1) ހުރަގެއަށްލުން (2) ޖަލަށްލުން