radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ހުނގޫފަތް
ނ ބިލެތްގަނޑުގެ ހުނިޖަހާކޮޅު
ހުނިހުނގޫ
ނ ބިލެއްގަނޑުގައި ހުނިޖަހައިފައި ހުންނަތަން ހުނިޖަހައިފައި ހުންނަނީ ބިލެތްގަނޑު ހިމަކޮޅުގައެވެ
ހުނިކޮންނަ ކަށި
ނ ބިލެތްހުނި ނަގާން އެއްކޮޅު ފަތިކޮށް ހަދައިފައި އޮންނަ ކައްޓެއް
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުންގާނުކަރުވަޅު
ނ ދޯނީގެ މައްޔަލުގައި އަޅުވަން ހުންގާނުގެ މަތީކޮޅުން ކަނޑައިފައި ހުންނަތަން
ހުރައްސަލަ
ނ )ގ ( ރަގޯޔާ ފެންފިލާގެ ދިރުނބާ ކޮޅުގެ އޮޅިގަނޑުގެ މަތީގައި ގުދުކޮށްފައި އޮންނަ ބައި
ހުރަސްކުނާ
ނ ކުޑައަށީ އިރުމަތީކޮޅުގައި ހުރަހަށް އަޅައިފައި އޮންނަކުނާ ދިވެހިގޮތަށް އަޅައިފައި ހުންނަ ގޭގޭގެ އެންމެ ޢިއްޒަތްތެރި ތަނަކީމިއެވެ
ހުރަސްފިލާ
ނ އޮޑިދޯނި ފަހަރުގެ ދިރުނބާ ކޮޅުގައި ސަވާބުޅި ޖަހައިފައި ހުންނަފިލާ
ހުރަސްގަޅިލޮނދިމަސް
ނ ފަރުފަޅުގެ އުރަފަށުގައި ދިރިއުޅޭމަހެއް މީގެ ކުލައަކީ މަޑުރީނދޫކުލައެވެ މަހުގެ ބުރަކަށިމަތީގައި ކޮތަރިބައިގެ ކުރީކޮޅުން ފެށިގެން ލޯ ހުރަސްކޮށް ތިރިއަށް ގަދަމުށިކުލައިގެ ރޮނގެއް ހުރެއެވެ މިބާވަތުގެ މަހުގެ ބޭރު ހަމުގައި އާދަޔާ ޚިލާފު ވިހައެއް އެކުލެވޭ ލޮނދީގެ ފަށަލައެއް ހުރެއެވެ
ހުރުން
މ (1) ނެތުމުގެ އިދިކޮޅު (2) އެއްޗެއް ކޮންމެވެސް ތަނެއްގައިވުން
ހުޅައްފަނި
ނ )ސ ( (1) ކިލާފަނީގެ ބާވަތެއް މިހުންނާނީ ކިލާފަންޏަށްވުރެ ކުލަގަދަކޮށް އެއަށްވުރެ ތަންކޮޅެއް ފަލަކޮށެވެ ތުންކޮޅު ހުންނާނީ ހުރަހަށް ބުރިކޮށްލީމާ ހުންނަހެންނެވެ (2) ފެންހަރުފަ
ހުޅި
ނ (1) ޒީނަތަށް ބޮލުއިސްތަށިގަނޑުން ޖަހާ ގޮށް (2) ގުޅަކޮށް ހައްޔަރުކޮށްފައި އޮންނަ އިސްތަށި ގަނޑު (3) އަންހެނުންގެ ރުމާއޮޅާން ކައްޗޭ ބޯފަދަ ތަކެތީގައި ފޮތީން ބަންނަ ބޮނޑި (4) ބައެއް ދޫނީގެ ބޮޅުގައި ވަކީން އުފުލިފައި ހުންނަ ފަތްކޮޅު (5) ސިންގާ އަސްފަދަ ތަކެތީގެ ކަނދުރާމަތީގައި ވަކީން ދިގުކޮށް އޮންނަ ކެހެރިގަނޑު (6) )ޏ ސ ( ނާޅި ލާހިފަދަ ތަކެތީން މިނާއިރު އުސްތުނބަށް ހުންނަތަން (7) ރާޅު އުފުލިގެންދާއިރު ވަކީން އުސްކޮށް ހުންނަތަން
ހުޅުނބުފިލާ
ނ ފަތްޕިލާވެއްޔެއް މިއީ ވިނަހުންނަ ތަންތާ ގައި ހެދޭގަހެކެވެ މީގެ ފަތްހުންނާނީ ކޮޅުވައްކޮށް ކުދިކުދި ކޮށެވެ ފަތްބުރަނދަގޮޑީފަތާ ވަރަށް ވައްތަރުވާނެއެވެ މިފަތުގެ ދިޔަ ދުޅަވާތަންތާގައި ވަށައެވެ
ހުޅުކޮޑާ
ނ )ގ ( ފޫކޮޅު
ހުއްދަފަތް
ނ އިހުގައި ވެރިކަމުގެ ފަރާތުން އެކިއެކި ގޮތްގޮތުން މަނާވެފައި ހުންނަ ކަންތައްކުރުމުގެ އިޒުނަދެއްވުމަށް ދެއްވާ ފަތްކޮޅު
ހުވަނިކާ ދޫނި
ނ )މ ( އިރުވައިގެ ފެށޭ ކޮޅުގައި އަންނަ ކުދިކުދި ދޫންޏެއް
ހުވަރޮދި
ނ ކުއްޖާއަށް ހަތްދުވަސްވާ ދުވަހު އަތްފައިގައި ފުރަތަމަ އަޅައިދީ އުޅުނު ނުއިރޮދިކޮޅު މިކަމަށް ފައްޓަރުފަށެއް އެޅިޔަސް ކިޔަނީ މިހެންނެވެ
ހުދު
ނ (1) ކަޅުގެއިދިކޮޅު (2) ކަފައިގައި ހުންނަކުލަ ނަންއިތުރެއްގެ ގޮތުންވެސް މިބަސް ބޭނުންކުރެއެވެ
ހުދުއިށިމިޔަރަ
ނ )ސ ( އުރަހައިގެ ކޮޅު ހުދުކޮށް ހުންނަ މިޔަރު
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ