radheef.info
ރަދީފު


ކުޑި
ނ )ސ ( ކުޅިރަހަ
ކުނބުއެޅުން
މ ލަކުޑިގަނޑު ކޮށައި މަށައިގެން ކުނބަކަށް ހެދުން
ކުރެދި
ނ (1) ކީލިހިމުން ގަދަފަދަ ތަތްލަކުޑިއެއް. މި ގިނައިން ބޭނުންކުރަނީ ބިމަށްޖަހާށާއި އޮޑިދޯނި ފަހަރުގެ އިލި ޖަހާށެވެ މިގަސް ހެދެނީ ރަށްރަށުގެ ގޮނޑުދޮށުގައެވެ (2) ހަނޑަސްބުރީގައި ވަޅުޖަހަން ކުރެދިން ހަދާފައި ހުންނަ އެތިގަނޑު
ކުދިލުނބޯ
ނ ކަށިގިނަގަހެއްގައި އަޅާވަކެއް މިއީ ގަހުގެ ފަތްވަޅުން ނުކުންނަ ވަށްކޮށް ހުންނަ ކުޑަކުޑަ ވަކެކެވެ. ދޮންނުވާއިރު ބޭރުތޮށިގަނޑު ހުންނަނީ ގަދަ ފެހިކުލައިގައެވެ. މިކަހަލަ ގިތި ކުދިލުނބޯ ގެ ދިޔަ ތެރަހަށް ބޭނުންކުރެއެވެ. ކުދިލުނބޯ ދޮންވުމުން ހުންނަނީ ގަދަ ރަތްކުލައިގައެވެ. މީގެ ދިޔަފޮނިވާނެއެވެ. ދޮން ކުދިލުނބޯ ކައިވެސް އުޅެއެވެ. މިގަހުގެ ލަކުޑިޔަކީ ކީލި ހިމުން އާރުލާ ރީތި އޮފެއް ހުންނަ ލަކުޑިއެކެވެ
ކުދެހި
ނ (1) ބިޔަކޮށްހެދޭގަހެއް މިއީ ލަކުޑި ދެރަގަހެކެވެ މިގަހުގެ ފަތް ހުންނާނީ މޫނިމާގަހުގެ ފަތްހެން އެއަށްވުރެ ދިގުކޮށެވެ (2) މިގަހުގެވައް
ކެލާ
ނ (1) ވަސްމީރު ކީލިހިމުން ލަކުޑިއެއް މީގެ ތިންބާވަތެއް ހުރެއެވެ. އެއީ ހުވަނދުކެލާ އަގަލިކެލާ ރަތްބަބުރުކެލާ މިއެވެ (2) ހއ އަތޮޅުގެ ރަށެއް
ކޮށާވަޅި
ނ ލަކުޑިއާއި ނާށި ފަދަ ތަކެތި ކޮށައި މަށަން ގެންގުޅޭ ތުނޑު ތޫނު އަތްމަތީ ވަޅިޔެއް. މީގެ ތިލަ ހުންނާނީ ބޯކޮށް އެއްފަރާތުގައި މިޔައަޅައިފައެވެ މުށްގަނޑު ވަށްވާނެއެވެ އޮންނާނީ މެދަށް ހިމަކޮށް ފުލަށް ފަލަކޮށެވެ
ކޮރުނެގުން
މ (1) ކޮންނަ ރޮންދާއަކުން ލަކުޑިގަނޑެއްގެ ހަނިއަރީގެ މެދުތެރޭން ހަނިދިގުކޮށް ކޮނުން. މިއީ ދޮރުފަތްފަދަ އެއްޗެހި ޖެހުމުގައި ފިލާ ލެއްވުމަށް ކުރާ ކަމެކެވެ. (2) ކުޅި ޖެހުމުގައި އެއްފައިތިލަ އަނެއް ފައިގެ ކުޑަކަޅުވާމަހުގައި ކާއްތަމުން ދޯނތްގާ ހަމައަށް ނަގައިފައި މައްޗަށް ފުންމައިގަތުން (3) ރުޅި އައިސްގެން އެއްޗެހިގޮވުމުގެ ތެރޭގައި ވައްތަރު ޖައްސަމުން އެގޮތް މިގޮތަށް ފުމުން (4) ބާވަތެއްގެ ފުމުމެއް މިއީ ފަންޑިތަ ހެދުމުގައި އަޖިދައަށް ޖައްސާ ވައްތަރެކެވެ މިވައްތަރަށް އަޖިދައަށް ކޮރުނެގުން ވެސް ކިޔައެވެ
ކޮސް
ނ (1) ތާކުންތާކުނުޖެހޭ މީހާ (2) ތާކުންތާކުނުޖެހޭ ވާހަކަ (3) ތާކުންތާކުނުޖެހޭ ކަންތައް (4) އޮޅުފަށް ފާވެފައި ހުންނަ އެއްވެސް ކަމަކަށް ކަމުނުދާ ލަކުޑިގަނޑު
ކޮޑި
ނ (1) ރޮންދާގެ ތިލަޖަހާން ހަދައިފައި އޮންނަ ލަކުޑިގަނޑު. (2) އޮޑިފަހަރުގެ ތުންމަތީރިޔަލުގެ މައްޗަށްނަގާ ކަތިރިޔާ. މީގެ މޯރާކޮޅު އޮންނާނީ ތޫނުކޮންނެވެ. (3) ދިގުމިނާއި ފުޅާމިނާއި އުސްމިން ބޭނުންކޮށްގެން އަޅާމިނެއް. (4) ދިގުމިނާއި ފުޅާމިނާއި އުސްމިން އެއްވަރު
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އަބު
ނ (1) ލަކުޑީން ނުވަތަ މަޢުދަނުން އެއްކޮޅު ފަތިކޮށް ހަދައިފައި އޮންނަ އެއްޗެއް މިޖަހައި އުޅެނީ ކިހާއެއްޗެތި ނުވަތަ ފަޅާލަކުޑި ގަނޑެއް ދުރުކުރުމަށެވެ (2) ބައެއް ބައެއްތަކެތި ފޭކުރާން ނުވަތަ ބާރުކުރާން ޖަހާއެތި ކޮޅު މިސާލު: އިލީގެ ކޮޅަށްޖަހާއަބު
އަކުޑިފިލުން
މ (1) އަކުޑިކަން ފިލުން (2) ރަށްވެހިވުން (3) މުހައްޒަބުވުން
އަވިރެނދު
ނ ލަކުޑިއަށް އަވިދިނީމާ އަޅާ ކުދިކުދި ރެސް
އަގަލުކެލާ
ނ ހުވަނދުކެލާ ކުލައިގައި ހުންނަރީތި ހަރު ލަކުޑިއެއް
އާވަނިގަނޑާ
ނ ) ގ( ލަކުޑިމުށްލީ ދާވަނި
އުނި
ނއ (1) ގިނަމިނުންމަދު (2) ފުރިހަމަނޫން (3) ނ މީރުވަސް ދުވާ ހުދުކުލައިގެ އަށްފިޔަ މަލެއްއަޅާ ރާއްޖޭގެ މަޝްހޫރުގަހެއް (4) މިގަހުގެ ލަކުޑި
އުޅައް
ނ (1) އެއްޗެތީގައި ހިފާންހުންނަތަން. މިސާލު: ޖޯޑުއުޅައް މޭޒު ވައްގަނޑުގެ އުޅައް (2) އޮޑިދޯނިފަހަރުގެ ހުންގާނު އަޅާން މައްޔަލުގެ ތިރީގައި ލަކުޑިން ހަދައި ހަރުކޮށްފައިހުންނަ އެއްޗެއް
އުއިޖެހުން
މ ވަޑިންލަކުޑިގަނޑު ކޮށާން އުއިން ފާހަގަލުން
އުއްކަ
ނ )ސ ( އުކުޑި
އުއްކަޖެހުން
މ )ސ ( އުކުޑިކޮއްޓުން