radheef.info
ރަދީފު


ކުރުން
މ (1) ކަމަކަށް ޢަމަލީ ސިފަގެނައުން (2) ކަމެއްހިންގުން
ރަނގަޅުކުރުން
މ (1) ކަމުދާގޮތް ހެދުން (2) ރީތިކުރުން (3) ހެޔޮކުރުން (4) ޞައްޙަކުރުން (5) ފުރިހަމަކުރުން (6) ކުށްފިލުވުން
ރަނިކަންކުރުން
މ (1) ރަނިކަމުގެ ވާޖިބު އަދާ ކުރުން (2) ރަސްކަލެއްގެ އަނބިކަނބަލެއްގެ ވާޖިބުތައް އަދާކުރުން
ރާވާތައްޔާރުކުރުން
މ (1) ނޫހެއްގައި ނުވަތަ މަޖައްލާއެއްގައި ހިމަނަންޖެހޭ ލިޔުންތައް ތަރުތީބުކޮށް ހަމަޖެއްސުން (2) ކަމެއް ނުވަތަ ކަންތައްތަކެއް ކުރަންވީގޮތް ހަމަޖެއްސުން (3) ކަމަކަށް ފަށައިގަތުމުގެ ކުރިން ކުރަންޖެހޭ ކަންތައްތައްކޮށް ނިންމުން މިސާލު: ޖަލްސާއަށް ތައްޔާރުވުމުގެ ގޮތުން ކުރަން ހުރި ކަންތައްތައްކޮށް ގަސްދުކުރެވިފައިވާގޮތަށް ހުރިހާ ކަމެއްރާވައި ނިމިއްޖެއެވެ
ރާމާކުރުން
މ ކަމީރުކުރުން
ރާތީބުކުރުން
މ ރާތީބު ލަވަކިޔަމުން ލެނގުން
ކަރާކަރުޖަހާ ސަލާންކުރުން
މ ކޮނޑާއި ކޮނޑު ޖައްސައި ސަލާމްކުރުން
ކަރާކަރުޖައްސައިސަލާންކުރުން
މ ކަރާކަރުޖަހައި ސަލާމްކުރުން
އަވަދިކުރުން
މ (1) ކަމެއްކޮށް ނިންމުން (2) ހަލާކުކުރުން (3) ދެރަހާލެއްޖެއްސުން
އަވަސްކުރުން
މ (1) ހަލުއިކުރުން (2) މުއްދަތަށްވުރެ އިސްކުރުން (3) މުއްދަތު ކުރުކުރުން
އަވާނިވާކުރުން
މ މަލާމާތްކުރުން
ހޮޅިކުރުން
މ )ސ ( ލިޔެފައި ހުންނައެއްޗެއް އަނެކަކަށް ކިޔަން ނޭގޭގޮތަށް އޭގެ މަތީ އެގޮތް މިގޮތަށް ކުރެހުން
ހޯދަރުކުރުން
މ )ސ ( ހަދާފައިހުރި އިމާރާތެއްގެ އެތެރޭގެ ހުރިހާބައިނަގައި އެއްހޯލެއްގެ ގޮތުގައި ތަންބޮޑުކުރުން
ހޯޖާކުރުން
މ (1) ކާސިކުރުން (2) "ހޯޖާ" ބަލާ!
ނަންނޯޓުކުރުން
މ ހަނދާން ބެހެއްޓުމަށްޓަކައި ނަންލިޔެފައި ބެހެއްޓުން
ނަންކުރުން
މ މީހެއްގެ ނުވަތަ އެއްޗެއްގެ މޮޅުކަމުގެ ވާހަކަ ގިނައިން ދެއްކުން
ނަކަލުކުރުން
މ (1) އަސްލާ އެއްގޮތަށް އެއްޗެއް ހެދުން ނުވަތަ ލިއުން (2) ލިޔެފައިވާ ލިޔުމެއް އެހެން އެއްޗަކަށް ނެގުން (3) ހެދިގެން އުޅުން މިސާލު: އޭނާ އުޅެނީ އަހަރެން ނަކަލުކޮށްގެންނެވެ
ނަމާދުކުރުން
މ ޚާއްޞަވެގެންވާ ޝަރުތުތަކަކާއި ލައިގެން ތަކުބީރަކުން ފެށޭ ސަލާމް ދިނުމަކުން ނިމޭކަންތައްތަކަކާއި ދުލުންކިޔޭ ކިޔުންތަކެއް ހިމެނިގެންވާ އަޅުކަމެއްކުރުން
ނަފާކުރުން
މ ފައިދާ ހޯދުން
ނަފީކުރުން
މ (1) ނުވާކަން ނުވަތަ ނެތްކަން ނުވަތަ ނޫންކަން އަންގައިދިނުމަށް ބޭނުންކުރެވޭ އަކުރެއްގެ ބޭނުން ކުރުން (2) ބާޠިލުކުރުން
ނަފުރަތުކުރުން
މ ނުރުހުން