radheef.info
ރަދީފު


ކާ
ނ (1) ކާފިޔާ ހަމަކޮށް ހަދައިފައި ހުންނަ ވަޒަން ބަހުރުވައިގެ ބާވަތެއް މިއީ ހަބަސް ރައިވަރުގެ ކުރީ ހަތަރުބަހާ އެއްގޮތަށް އެއްވަޒަނަކަށް ހަތަރު ބަހުން ފިލިކޯޅި ހަމަކޮށް ހަދައިފައި ހުންނަ އެއްޗެކެވެ މީގައި ހަބަސް ރައިވަރުގެ ކުރިން ފެށޭ ބަސްނެތިފައި އަނެއް ތިން ބަހުގެ ވަޒަނަށް ހަދައިފައި ހުންނަ ބާވަތެއްވެސް ހުރެއެވެ (2) ބިލެތުވައް (3) ބައްތެލިފަހަރާއި ނާފަހަރުގެ ކަވަރުނާތަކުން ބޯރުދުވަށް އަރައިފައި ހުންނަތަން
ހަވަރުހުއްޓިލެއްވުން
މ ހަވަރުގެ ފަރާތުން ރަދުންގެ އަރިހުގައި ރަސްމީގޮތުން ކޮންމެވެސް ބޮޑުކަމަކާމެދު އެއްޗެއް ދެންނެވުމަށްޓަކައި ގުޅަކުޅޭ ފަސްގަނޑަށް ހަވަރު އެއްވުން މި އެއްވުން ގިނަ ފަހަރަށް އެއްވަނީ ހުކުރުދުވަހު ހުކުރުން ފޭބުމަށް ފަހުގައެވެ
ހަވަރުތުންފުހި
ނ (1) ހަވަރު ގޮވާލުން ކޭންބައްލަވައިގެން ހަވަރު އަތްފުއްސަވާން އެލުވައިފައި ހުންނަ ފޮތިގަނޑު (2) މަޖާޒު: ޝަހްވާނީގޮތުން ތިމާގާތަށް އައިކޮންމެ ފިރިހެނަކާ ޤަބޫލުވާ އަންހެނާ
ހަވާދު
ނ (1) ރިހަކައްކާއިރުއަޅާ ދިރި ދަވިއްގަނދު ކޮތަނބިރި ފިޔާ ލޮނުމެދު މިރުސް ފަދަ ރިހަޔަށްލާން ބޭނުންކުރާ ބާވަތްތައް (2) އަތްކަންކުރާމީހުން ރަނުގެ ބަޔެއް ގަހަނާގެ ކުރެހުމުގެ ތެރެއަށް އަޅާ ކަޅުކުލައިގެ އެއްޗެއް (3) ފޮނިތޮށި ހަވާދު
ހަވާދުލުން
މ (1) ރިހަކައްކާ ބާވަތަކާއި ހަވާދާ އެއްކުރުން (2) ފޯއްކޮށައި ފޮނިތޮށި ހަވާދާ އެއްކުރުން
ހަވާލު
ނ މީހަކާ ކަމެއް ނުވަތަ އެއްޗެއް މަތިކުރާ ކުރުން
ހަވާލުޖެއްސުން
މ އެއްފިހާރައެއްގައި އޮތް މީހެއްގެ ހިސާބު އަނެއް ފިހާރައަކާ ޙަވާލު ކުރުން
ހަވީރުކުރުން
މ ޅެމަކާމެދު ނުވަތަ ޅެންވެރިޔަކާމެދު އަދަބީ ގޮތުން ވާހަކަ ދެއްކުން
ހަމަހިމޭން
ނއ (1) ޙަރަކާތެއް އަޑެއްނެތް (2) އަޑުބަޑުމަޑު
ހަމަހިމޭންކަން
ނއނ (1) ޙަރަކާތެއް އަޑެއްނެތްކަން (2) އަޑުބަޑު މަޑުކަން
ހަމަހިމޭންވުން
މ (1) ޙަރަކާތެއް އަޑެއްނެތުން (2) އަޑުބަޑު މަޑުވުން
ހަމަފައިޖެހުން
މ (1) އިސްކޮޅު ނުކާތާކުން ފައިޖެހޭ ހިސާބަށް އާދެވުން (2) މަޖާޒު: ހަމަނުޖެހޭ އުޅުމަކަށްފަހު ހަމަޖެހޭ އުޅުމަކަށް އައުން
ހަމްލު
ނ (1) ޙަމްލު (2) ޙަމްލު ރާހީގެ ފުރަތަމަ ރާހި މިރާހި ފެށޭނީ މާރިޗުން އެކާވީސް ނުވަތަ ބާވީސް ވަނަ ދުވަހުއެވެ
ހަފޮޅުން އެތެރެވެއްޖިއްޔާ ބަޔެއް އޮންނާނެ
(މުސްކުޅިބަހެއް) އެއްވެސްކަމެއް ނުވެވުނަސް މަހަށް ދިޔައީތީ ބައިދޭ މީހުނާމެދު ބުނެއުޅޭ މިސާލެއް މިސާލުދީ އުޅެނީ ކޮންމެވެސް ބައެއްގެ ތެރޭގައި އުޅޭ އެބަޔަކަށް ލިބޭ އެއްޗެއް ލިބިމެ އެއްވެސް ބޭނުމެއްނެތް މީހަކާ ދިމާއަށެވެ
ހަދަނޑިވަޅުލަވަ
ނ (1) ސަމާތާރައިގައި ޖަހާލަވަޔަކާއި ކިޔާލަވައެއް (2) ދަނޑިބެރުގައި ޖަހާކުޑަލަވައެއް
ހަދްޔު
ނ މައްކާގެ ޙަރަމްފުޅަށް ހަދިޔާ ކުރެވޭ ނަޢަމްސޫފި
ހަތަރުބޯފޮޅި
ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.
ހަތަރުއުދަރެސްފެނުޖެހުން
މ (1) ހިކިފަސްތަނެއް ފެންނާންނެތުން (2) މަޖާޒު: ކަމަކާމެދު ފިކުރުކޮށްކޮށް ގޮތެއްނުފެނުން
ހަތަރުމަލާއިކަތުން
ނ ޖިބްރީލު މީކާއީލު އިސްރާފީލު ޢިޒްރާއީލު
ހަތަރެސް
ނއ އެއްޗަކާ ގުޅިފައިވާ ހަތަރު ބަޔަކަށް ދަލީލުކުރާ ބަހެއް. މިސާލު: ހަތަރެސްކަން ހަތަރެސްފައި
ހަތައިވަރަ
ނ ޤައުމީ އުފެއްދުންތެރިކަމުގެ މިންވަރު. މީގައި ބަލަނީ ވަކި މުއްދަތެއްގެ ތެރޭގައި )މިސާލަކަށް އަހަރު ދުވަހަކަށް( ތަނުގައި އުފައްދާ ހުރިހާ އެއްޗަކާއި ދޭ ޚިދުމަތާއި ތަނުގެ މީހުން ބޭރުގައި ކުރާ ޚިދުމަތަށް ލިބޭ އަގުގެ ޖުމްލައިން ބޭރަށްދާންޖެހޭ ހުރިހާ ޚިދުމަތެއްގެ އަގު ކެނޑީމާ ނުކުންނަ އަދަދެވެ