radheef.info
ރަދީފު


ކާރު
ނ ދުއްވާމީހާގެ އިތުރަށް ދެތިން ހަތަރުމީހަކަށް އިށީނދެތިބެގެން ދުއްވާ ގޮތަށް ހަދައިފައި ހުންނަ ހަތަރުފުރޮޅުލީ އިންޖީނުލީ އެއްޗެއް
ގޭބަންދުކުރުން
މ ސަރުކާރުގެ ފަރާތުން މީހަކު ގޭގައި ހައްޔަރު ކުރުން
ޑައިނަމޯ
ނ (1) ބައިސްކަލުގައި ހަރުކޮށްފައި ހުންނަ ފުޅިއަނބުރައިގެން ދިއްލާ ބައްތި (2) ކާރުލޮރީފަދަ އެއްޗެހީގައި ކުރިއަށް އަލި ފޮނުވަން ހުންނަ ބައްތި
ޑައިނު
ނ (1) ބޭކާރު އަނގަތަޅުވާ މުސްކުޅި އަންހެނާ (2) ދެބަ ކުޓުވަން އެތަން މިތަނަށް ހިނގާ އަންހެނާ
ފަޅުރަށްކެއުން
މ ސަރުކާރުން ނުވަތަ ރަށްވެރިޔާގެ އަތުން ވަރުވާ އަކަށް ފަޅުރަށެއް ލިއުއްވައިގެން އެރަށް ބަލަހައްޓައި ލިބޭ އެއްޗެއް ބޭނުންކޮށް އުޅުން
ފަޅުކޮއްތު
ނ (1) ދަތުރުކުރާ އުޅަނދެއް ބަނދަރުކޮށްގެން އޮންނައިރު ފަޅު ވެރިންނަށް އެއުޅަނދުން ދޭ ކެއުން (2) ސަރުކާރުގެ އުޅަނދު ފަހަރު ބަނދަރުގައި އޮންނަ ދުވަސްވަރު ފަޅުވެރިންނަށް ދޭ ކާޑު
ފަތްފޮނުވުން
މ އިހުގައި ސަރުކާރުން އެކިއެކި މީހުންނަށާއި ތަންތަނަށް ފޮނުވާ ރަސްމީ ލިޔުން ފޮނުވުން
ފަތްތޫރަހިންގުން
މ (1) ކަންއޮތްގޮތް ބުނެދީ ބަޔާންކޮށް ފައުޅުކޮށް ހެދުން (2) ސަރުކާރުން ރާއްޖެ ތެރެއަށާއި މާލެއަށް އަންގާ ޢާއްމު އެންގުންތައް އެންގުން
ފަތްތޫރާ
ނ )ބދ.( (1) ކަންއޮތްގޮތް ބުނެދީ ބަޔާންކޮށް ފައުޅުކޮށް ހަދައި ހެދުން (2) ސަރުކާރުން ރާއްޖޭގެ އެންމެންނަށް އެންގުމަށް ނެރޭ އަމުރުތަކާއި އެންގުންތައް
ދެންނެވުން
މ (1) އެންމެމާތްކޮށް މުޚާޠަބުކޮށް ވާހަކަ ދައްކަންޖެހޭ ފަރާތެއްގައި އެއްޗެއް ބުނުން )ނ ( (2) ގިނަފަރާތްތަކަކަށް ކަމެއް އެންގުމުގެ ގޮތުން ފޮނުވާ ނުވަތަ ބަހައްޓާލިޔުމަކަށް ކިޔާނަމެއް (3) ސަރުކާރުގެ އޮފީސްތަކުން ޗާޕުކުރައްވައިފައި ނެރުއްވާ އެންގުމެއް
ފާސްކުރިހެދުން
ނ (1) ނަންބަރުހެދުން. (2) ދިގު ހެދުން. މިއީ ދެވަނަ ބޮޑު ހަނގުރާމައިގެ ދުވަސްވަރު ދިވެހި އަންހެނުން ލައި އުޅުނު ކަސަބު ބޯވަޅު ހެދުމުގެ ސާމާނު ނުލިބިގެން ސަރުކާރުން އުފެއްދެވި ޚަރަދު ކުޑަ ހެދުމެކެވެ މީގެ ތިން ނަންބަރެއްގެ ހެދުން އުފެއްދެވިއެވެ މިތަނުން މިހާރު ބޭނުންކުރަނީ އެކި ނަންބަރު އެއްކޮށްލައިގެން ހަދާފައިވާ ހެދުމެކެވެ
ފުނަ
ނ (1) މީރުވަހެއްދުވާ ހުދުމަލެއް އަޅާ ބިޔަކޮށް ހެދޭ ލަކުޑި މޮޅުގަހެއް. (2) ފުނަގަހުގައި އަޅާ އޮށް. (3) ރާގުގެ ހަމައިގެ އިތުރަށް ލެވޭ ދަނޑިވަޅެއް. (4) ބަސް ބުނާއިރު މާނަ ބަދަލުވާގޮތަށް ވައްދާ އިތުރު ބަސް ނުވަތަ އަކުރު. މިސާލު: ލަވަ ފައްލަވަ ކާރު ބޭކާރު
ފުނަޖެހުން
މ (1) ބެރާއި ތާރަ ފަދަ އެއްޗެހި ޖަހާއިރު މާނައިގެ ތެރެއަށް ދަނޑިވަޅެއް އިތުރުކުރުން. (2) ވާހަކަ ދައްކާއިރު ބަހުގެ ކުރިއަށް އަކުރެއް ދެއަކުރެއް އިތުރުކޮށްގެން ބަސް ބަދަލުކޮށްލުން. މިސާލު: ކާރު މައްކާރު ލަވަ ފައްލަވަ
ފުރަބަންޑާރަ
ނ ސަރުކާރު
ފެނަށްވުން
މ (1) ވިރިކެކޭ ތަކެތި ވިރިގެން ގޮސް ދިޔާވުން. (2) ގަނޑުފެން ދިޔާވުން. (3) މޫދުލޮނު ފިލްޓަރުވެ ފެނަށް ބަދަލުވުން (4) މަޖާޒު: ކުރާ ކަންތައް ތާކުންތާކު ނުޖެހި ބޭކާރުވެގެން ދިއުން
ފެންފުހި
ނ (1) ކާރު ލޮރީ ފަދަ އެއްޗެހީގެ ބިއްލޫރިގަނޑުން ފެން ފުހެދޭން ހުންނައެތި (2) ކަނޑުދަތުރުކުރާ އުޅަނދުފަހަރުގެ ހުންގާނުގައި ހުންނަ މީހާގެ ކުރިމަތީގައިވާ ބިއްލޫރިގަނޑުން ފެންފުހެދޭން ހުންނައެތި (3) ފެންހޭކެކުމަށާއި ފެންހިއްކުމަށް ބޭނުންކުރާއެތި
ފެކުޓަރީ
ނ (1) ވަކި ބާވަތެއްގެ އެއްޗެއް ނުވަތަ ވަކި ބާވަތެއްގެ އެއްޗެހިތަކެއް އެތަނަކުން އުފައްދާ ޢިމާރާތެއް ނުވަތަ ޢިމާރާތްތަކެއް (2) ކާރުޚާނާ
ދަނޑިޔާދިއުން
މ އަތޮޅު އަތޮޅަށް ވާރުބޮލިނަގަން ދިއުން. މިކަމަށް ދަނޑިޔާދިއުމޭ ކިޔަނީ ސަރުކާރުން މިކަމަށް ފޮނުއްވާ ބަންޑާރަވެރިންނަށް ލާޖަހައިފައި އޮންނަ ދަނޑިޔެއް ދެއްވައިފައި ފޮނުއްވާތީއެވެ
ދަންޑެހެލުކަން
ނ (1) ސަރުކާރުން ދެއްވާ ވަޒީފާއެއްގެ ނަން (2) ކަލާސީންގެ ތެރެއިން ބައެއްގެ ވެރިކަން (3) ނާނާފަހަރުގެ މަސައްކަތު މީހުންގެ ވެރިކަން
ދަރަނިކާޑު
ނ ދަރަނީގެ ގޮތުން ސަރުކާރުން ރައްޔިތުންނަށް ދޫކުރައްވާ ހަނޑޫ ހަކުރު ފުށް ފަދަ ތަކެތި
ދަރުމަކާޑު
ނ ސަރުކާރުން ހިލޭދެއްވާކާޑު