radheef.info
ރަދީފު


ކަހަލަ
އ (1) ޒާތް (2) ބާވަތް (3) ވައްތަރު (4) ފަދަ
ކުދިބަތް
ނ ގޮވާމުގެ ބާވަތެއް. މިގަންނަނީ ނާބަންނަހުއީގެ މާގަނޑުކަހަލަ ރީތި އެއްކޮޅަކަށް ހިމަކުރާ ގަނޑެއް ގައެވެ
ކުދިލުނބޯ
ނ ކަށިގިނަގަހެއްގައި އަޅާވަކެއް މިއީ ގަހުގެ ފަތްވަޅުން ނުކުންނަ ވަށްކޮށް ހުންނަ ކުޑަކުޑަ ވަކެކެވެ. ދޮންނުވާއިރު ބޭރުތޮށިގަނޑު ހުންނަނީ ގަދަ ފެހިކުލައިގައެވެ. މިކަހަލަ ގިތި ކުދިލުނބޯ ގެ ދިޔަ ތެރަހަށް ބޭނުންކުރެއެވެ. ކުދިލުނބޯ ދޮންވުމުން ހުންނަނީ ގަދަ ރަތްކުލައިގައެވެ. މީގެ ދިޔަފޮނިވާނެއެވެ. ދޮން ކުދިލުނބޯ ކައިވެސް އުޅެއެވެ. މިގަހުގެ ލަކުޑިޔަކީ ކީލި ހިމުން އާރުލާ ރީތި އޮފެއް ހުންނަ ލަކުޑިއެކެވެ
ކެޔޮޅުރޮއްވި
ނ ފަރުމަހުގެބާވަތެއް މިއީ ދިގުކޮށްހުންނަމަހެކެވެ މިމަހުގެ މަތީތުންގަނޑަށްވުރެތިރީތުން ދިގުވާނެއެވެ މަހުގެކުލައަކީ ނޫއަޅިކުލައެވެ މިކުލަހުންނަނީ ވައިލެޓުކުލައާއި ގާތްކުރާކަހަލަ ކުލައެއްގައެވެ ކަރުތާފަތުގެ ކުރީބައިގެ ކައިރިފަށް ހުންނަނީ ކަޅުކުލައިގައެވެ
ކޮރޮފިރޮނޑޮ
ނ )ޏ ( ރޮނޑުގެ ބާވަތެއް މިވައްތަރުގެ ރޮނޑުގެ ކަރުތާފަތްގަނޑުގެ ތެރޭގައި ކުރަތްޕެއް ކަހަލަ ކުދިކުދި ދިރޭ އެއްޗެހިތަކެއް ހުރެއެވެ ބާނާއިރު ބައެއް އެއްޗެހީގެ ކަރުތާފަތްގަނޑުން ބޭރުގައި މަރުވެގެން ތަތްވެފައިވެސް ހުރެއެވެ ކުލައަކީ ކަޅުކުލައެވެ ވައްތަރުވާނީ ކަޅު ރޮނޑާއެވެ
ކޮޅުދާލި
ނ (1) ވަޑާން ކުރާއިރު އެއްޗެހި ހަދައިފައި އިތުރުވާ ލަކުޑީގެ އެތިއެތިކޮޅު (2) ބައެއްކަހަލަ އެއްޗެހިން ހަދައިފައި އިތުރުވާ ތަކެތި މިސާލު: ކޮޅުދާލި ކަރުދާސް
ކޮއްބޯވިލާ
ނ )މ.( ފަށަލަ ފަށަލައަށް ބޯކޮށް ހުންނަ ވިލާ މިކަހަލަ ވިލާތަކުގެ ކައިރިފަށް ހުދުވާނެއެވެ މިއީ ވިއްސާރައެއް ގާތްވެއްޖެކަމުގެ ނިޝާނެއް ކަމުގައި ބުނެއެވެ
އަށިގެ
ނ ގޭގެ ބޮޑުމިނަށް އައްޓެއް ލައިފައި ހުންނަގެ މިއީ އިހުގައި ފިރިހެނުން މަޖިލިސްކުރުމާއި އަންހެނުން ނަމާދުކުރުން ފަދަ ބޭނުމުގައި ހަދައިއުޅުނު ގެއެކެވެ ރަށްފުށުގައި ފަރުދޭސީން ނިދާންވެސް މިކަހަލަ ތަންތަންހުރެއެވެ
އަރިޖެހުން
މ )ސ ( (1) އެއްފަރާތަށް އަރިވުން (2) އަރިޔަށް ކޮނޑުންކޮއްޕުން (3) ބަނބުކެޔޮ ކަހަލަ އެއްޗެއް ފަޅައިލައިފައި ފޮތި ފޮއްޗަށް ކެފުން
އަރޮޅި
ނ އޮށް ބޭހުގެ ބާވަތެއް. މިއީ އެތެރޭގައި ހަރު އޮށެއް އޮވެފައި އޭގެ އެތެރޭގައި ކަނަމަދެއް ކަހަލަ މަދެއް އޮންނަ ބޭރުގައި ބޯތޮއްޓެއްވާ އެއްޗެކެވެ މީގެ ދެތިން ބާވަތެއް ހުރެއެވެ
އަދަރާދަގޮނޑި
ނ އިށީންނަށް ހަދައިފައި ހުންނަ މަޝްހޫރު ގޮނޑިއެއް މިގޮނޑި ދެއަތް ބާއްވަން އަތްގަނޑުލައިފަޔާއި އަތްގަނޑު ނުލައިހުރެއެވެ މިކަހަލަ ގޮނޑީގައި ލެގޭއަތްގަނޑު ހުންނާނެއެވެ
އަތްގަނޑުލީގޮނޑި
ނ (1) އަތްބާއްވާތަން ހުންނަ އަދަރާދަ ގޮނޑި (2) ދެކޮޅުގައިއަތް ބާއްވާކަހަލަ ދެތަންލާފައި ހުންނަ ދިގުގޮނޑި
އަލަނާސި
ނ ޅަބޯކެޔޮގަހެއްކަހަލަ ގަހެއްގެކުރިން ނުކުންނަ ރަތްކުލައެއްގެ ފޮނި މޭވާއެއް މިހުންނާނީ ބޮޑެތި އުންތަކެއް ފަޅައިފައެވެ މިމޭވާގެމަތީކުރިވެސްދާނީ ހެދެމުންނެވެ ނަމަވެސް އެކުރިޔަކު ދެނެއް މޭވާއެއްނުގަންނާނެއެވެ މީވަރަށްމީރު އަދި މީރުވަސްދުވާ މަޝްހޫރު މޭވާއެކެވެ
އަލިގަނޑުމަސް
ނ ބޮލުގައި އިލިގަނޑެއް ކަހަލަ އެއްޗެއް ހުންނަ ފަރުމަހެއް
އަލީބޮޚާރި
ނ ކުންނާރަކަށްވުރެ ތަންކޮޅެއްބަޑު ފޮނިމޭވާއެއް މީގެ އޮށުތެރޭގައި ބަދަނެއްކަހަލަ އޮށެއް އޮންނާނެއެވެ މިގިނައިން ގެންގުޅެނީ ހިއްކައިގެންނެވެ ރާގުންޑާއަށްވެސް މިހެންކިޔައެވެ
އަސޭޒަމްބިޔާ
ނ (1) ދެފަރާތަށް މިޔައެޅި ޚަންޖަރެއް ކަހަލަ ހަތިޔާރެއް (2) މަޖާޒު: ދެފަރާތަށް ހެޔޮވަރުގޮތުގައި އުޅޭމީހާ
އާމަނަކަ
ނ ގަހެއްގެ ނަން މީގެ އޮށުން ހާނާތެލަކީ ވަރަށް މޮޅު ޖުއްލާބެކެވެ މީގެ ފަތް ހުންނާނީ ފަޅޯފަތް ހުންނަކަހަލަ ގޮތަކަށް އެއަށްވުރެ ކުދިކޮށެވެ
އިރިއިރިލުން
މ (1) ޝަހުވާނީ އެދުންގަދަވެގެން ފަރުޖު ހިރުވާކަހަލަ ގޮތެއްވުން (2) ހިމޭނުން ނީނދެވިގެން އުޅުން
އުނބުގަނޑު
ނ (1) ފޫނުލައި ބިއްލޫރިން ދެކޮޅު އެއްވަރުކަހަލަ ގޮތަކަށް ހަދައިފައި ހުންނަތަށި. މިގެންގުޅެނީ ފަނި ކަނދިފަދަތަކެތި އަޅާށެވެ (2) އުނބަށް ވުރެ ހަނގު ބޮޑުކޮށް ހުންނަނާށި ގަނޑު
އުވަގަށާފަލި
ދޭފަތެއްގެ ސިފައިގައި އުވަގަށަން ހަދައިފައި އޮންނަ އެއްޗެއް މިއޮންނާނީ ފަރަންޖީން ގެންގުޅޭ ކަހަލަ ދިގު އޮޑިފައްޔެއްހެނެވެ
އެއްޗަކަށްހެދުން
މ (1) އެއްވެސް ކަމަކަށް ބޭނުން ނުހިފޭނޭހެން ހީވާ އެއްޗަކުން ބޭނުން ހިފާކަހަލަ އެއްޗެއް ހެދުން (2) އެއްވެސް ތަރުބިއްޔަތެއް ނެތި ހުރި މީހަކު ކޮންމެވެސް ކަމެއްގައި ބޭނުން ހިފޭނެގޮތް ހެދުން (3) ބޭނުމެއް ނުހިފިފައި ހުރި މީހަކު ކަމެއްގެ ތެރޭގައި ގެންގުޅޭން ފެށުން (4) މީހަކު އެއްވެސް މަޤްޞަދެއްނެތި ބުނެލި ބަހަކުން ނުވަތަ ކުރިކަމަކުން ރަނގަޅުގޮތުގައި ނުވަތަ ނުބައިގޮތުގައި އަނެކަކު އޭގެ ނަތީޖާ ނެރުން ނުވަތަ ނެރޭން އުޅުން