radheef.info
ރަދީފު


ބަރު
ނއ (1) ލުއިގެ އިދިކޮޅު (2) ވަޒަނުން އިތުރު (3) ބައެއްގަޑި ހިނގާއިރު އެލިފައި ހުރެގެން ދެފަރާތަށް ހެލިހެލި ހުންނަ އެތި (4) ނ ކަރުދާސް ވަޔާ ހިނގައިދާނެތީ އޭގެ މަތީ ބަހައްޓާން ގެންގުޅޭ ތަކެތި (5) ނ ސަންޑޯކުރާ ބަރު އުފުލަން ގެންގުޅޭ އެކި ވަރުގެ އާލާތް (6) ނއ މަސައްކަތް ބޮޑު
ބުރަވެލުން
މ (1) ބުރަވުމުގެ ލުއިގޮތް (2) ބަރުޖެހިލުން
ބުރަދަން
ނ ބަރުދަން
ބުރެކިރަބަރު
ނ އާންމުކޮށް ބައިސްކަލުގައި ބުރަކިޖެއްސުމަށް ބައިސްކަލްގެ ފުރޮޅުގެ ވޮށީގައި ޖެހެން ހުންނަ ރަބަރު
ބޫޓު
ނ ފައިތިލަ އެކީ ނިވައިވާ ގޮތަށް ހަދައިފައި ހުންނަ ފައިވާނެއް މިއީ އާއްމުގޮތެއްގައި ހަމުން ނުވަތަ ރަބަރުން ހަދައިފައި ހުންނަ އެއްޗެކެވެ
ބެލޫނި
ނ ގޭސް ނުވަތަ އަލިފާނުގެ ވައިން ފުއްޕައިގެން މައްޗަށް އަރުވާއެއްޗެއް މި ގިނައިން ހަދައިއުޅެނީ ފޮތިން ނުވަތަ ރަބަރުންނެވެ
ބޮނޑި
ނ (1) ފޮތިފަށްތަކެއް އޮޅައިގެން ހަދައިފައި އޮންނަ ހަރު ގުޅައެއް. މިއީ ގަނޑު ފިއްލާކުޅޭއިރު ފޮރުވަން ހަދައިފައި އޮންނަ އެއްޗެކެވެ. (2) ބޮނޑިކުޅުމަށް ގެންގުޅޭ ރަބަރު ބޯޅަ. (3) މަހުގެ ކަށިފަތިކަހައިގެން ނަގާ މަހުން ގުޅަވަށައިގެން ކައްކައިދިލަ ޖައްސާފައި އޮންނަ ގުޅަ. (4) އެއްކޮށް ބަނދެފައި އޮންނަ އެއްބާވަތެއްގެ އެއްޗެހި މިސާލު: )ހ( ބިލެތްބޮނޑި )ށ( ރޯނުބޮނޑި )ނ( ފަންބޮނޑި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނި ހެދިކާއެއްޗެއް: ޢާއްމުކޮށް މިހަދައި އުޅެނީ ގަބުޅި ހުންޏާއި ދިވެހި ހަކުރާ އެއްކޮށް ހިލައިގެންނެވެ. މިސާލު: ހުވަދޫބޮނޑި. (6) މީހުންނާއި ޖަނަވާރުގެ ގައިގައި ޖަހާ އެތިފަހަރު. (7) ލިބޭކެހި ނުވަތަ ދޭކެހި (8) ފޮނިބޯކިބާ (9) )ސ ޏ ( ބޭނޑި )01( ވެށުން
ބޮނޑިކުޅުން
މ އެތެރޭގައި ހޮއި ނޯންނަގޮތަށް ރަބަރުން ހަދައިފައި އޮންނަ ބޯޅަޔަކުން ކުޅޭ ކުޅިވަރެއް ކުޅުން. މިކުޅިވަރުކުޅޭނީ މީހުން ދެބަޔަށް ބަހާލައިގެންނެވެ. ކުޅޭނީ ބިންމަތީގައި ބޯޅަޖަހައިގެން މައްޗަށް އެރީމާ އަތުން ކަނދު ހުރަސްކޮށް ޖަހައިގެންނެވެ. މީގައި ސައްޕު ޖަހާނީ ފައިންނެވެ. އަތްމަތި ފޯލީގައި އަތް ޖެހިއްޖެނަމަ ނުބައިވެފައިތިބި މީހުން ދިރޭނެއެވެ
ބޮޑުވިއްސާރަ
ނ (1) މާލެއާއި މާލޭ ކައިރީގައިވާ ރަށްތަކަށް ދެދުވަސްވަންދެން ކުރި ވިއްސާރައެއް މިވިއްސާރަ ފެށުނީ 2431 ޖުމާދިލްއައްވަލު 71 ބުދަ )3291 ޑިސެމްބަރު 62 ( ވަނަ ދުވަހުއެވެ މިވިއްސާރަ އެންމެ ބޮޑަށް ކުރީ މާލެއަށެވެ އެންމެ ގަދަވީ ބުދަ ދުވަހުއެވެ އެދުވަހު ނަގޫ ރޯޅީގެ ހަތަރުރޯޅީގެ ގަދަވައިގައި ބޮޑެތި ގަސްތައް ވެއްޓުނެވެ ގަދަވަޔާ އެކުގައި އައި ކޮޅިތަކުން މުޅި ރަށުގައި ފެންބޮޑުވިއެވެ ކައްކާ ނުކެވުނު ގެތައް ބައެއް ބޯޓު ވަރަށް ގިނައެވެ ބަނދަރުގައި ހުރި ބޯޓު ފަހަރުގެ ތެރޭން އެކި ރަށްރަށުގެ ފަރަށް އަރައި ހަލާކުވިއެވެ އެއްބޯޓް ކަނޑުގެ އަޑިއަށް ފެތިގެން ދިޔައެވެ އެކަކު ގެއްލުނެވެ (2) މަޖާޒު: އައްސުލްތާނު މުހައްމަދު މުޢީނުއްދީނު )ކުޑަބަންޑާރައިން( ގެ ރަސްކަމުގައި ހިނގި ސިޔާސީ ބޮޑު ގަޑުބަޑު
ބޮޑުދުންދޭ ޒިޔާރަތް
ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް
ބޮޑުތަސްބީހަ
ނ ސުބްޙަނަﷲ ވަލްޙަމްދު ﷲ ވަލާއިލާހަ އިލަﷲ ވަﷲ އަކްބަރު ވަލާ ޙައްލު ވަލާ ޤުއްވަތަ އިލަﷲ ބިﷲ ޢަލިއްޔުލް އަޡީމް
ބޯށިފިޔަ
ނ )ސ ( ހިބަރުގެފޫޅާ ނަގުލާ ދޭތެރޭގައި ހުންނަތަނެއް
ބޯނށިފިއަ
ނ )ޏ ( ހިބަރުގައި ހުންނަ ތަނެއް މިތަން ހުންނާނީ ފޫޅާއި ނިގުލާއި ގާތު ހުންނަ އުރަހައާއި ދެމެދު- ބަނޑައިދުލުގެ މިސާލުގައެވެ މަހުގެ މިތާނގައި ތެޔޮގިނަވުމުގެ ސަބަބުން ބައެއް މީހުނަށް އެހެންތަންތަނަށްވުރެ މީރެވެ
ބޯލުން
މ (1) އޮށޯންނަތަނުގެ ކޮންމެވެސް ފަރާތަކަށް ބޯގެންދިއުން. މިސާލު: އުތުރަށް ބޯލުން އިރަށް ބޯލުން (2) ގުޑީގެ މައިދުނީގެ މަތީކޮޅުގައި އެކަށީގެންވާ މިންވަރަށް ބަރުއެއްސުން
ކަންނެތް
ނއ (1) މުރާލިނޫން (2) ކަންތައްކުރާންނުކެރޭ (3) ބަރުހެލި
ކަންނެތްކަން
ނއނ (1) މުރާލި ނޫންކަން (2) ކަންތައް ކުރާން ނުކުރޭކަން (3) ބަރުހެލިކަން
ކަންނެތްވުން
މ (1) މުރާލިނުވުން (2) ކަންތައް ކުރާން ނުކެރުން (3) ބަރުހެލިވުން
ކަރުދާސް
ނ (1) ގަސްގަހާއި ފައިބަރު ހުންނަ އެހެން ތަކެތިން ތައްޔާރުކޮށްފައި ހުންނަ ތުނިގަނޑު މިބޭނުން ކުރަނީ ލިޔާށާއި ކުރަހާށާއި ޗާޕުކުރާށެވެ (2) ސެމިނާ ފަދަ ބައްދަލުވުންތަކަށް ހުށަހެޅުމަށް ވަކި މައިގަނޑު ނަމެއްގެ މައްޗަށް ތައްޔާރުކޮށްފައިވާ ދިރާސާ
ކަބަރު
ނ ޚަބަރު
ކަބަރުބެލުން
މ ޚަބަރުބެލުން
ކަބަރުކުރުން
މ ޚަބަރުކުރުން