radheef.info
ރަދީފު


ރަސްމީ
ނއ ސަރުކާރުގެ
ފަސްފިޔަމާ
ނ (1) ރަސްމީ އިއްޒަތެއްގެ ނިޝާނެއްގެގޮތުން ފަސް ތުނޑަށް ހުންނަ ތަރިއެއް (2) ފަސްފިޔަ ހުންނަ މާ
ފަސްގަނޑަށްނުކުތުން
މ (1) ރަސްމީ ގޮތުން ކުޅިޖެހުމަށް ގުޅަކުޅޭ ފަސްގަނޑަށް ނުކުމެ ކުޅިޖެހުން (2) ކުޅިޖަހާ ފަސްގަނޑަކަށް ކުޅިޖަހާން ދަސްކުރަން ނުކުތުން (3) ގުޅަކުޅޭ ފަސްގަނޑަށް ހަވަރު އެއްވުން
ފެންފޮޅިދޮލަނގު
ނ ބާރަ މާލޫދު ކިޔާރޭ ރަސްމީގޮތުން މާލޫދުހަރުގެއަށް ގެންދާ ކޭމެއް. މިދޮލަނގުގައި ހުންނާނީ ފެންފޮޅިއާއި ކިރާއި ހިކިރިހައެވެ
ދާވަނިކޮޅުހިފުން
މ ރަސްރަސްކަލުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ތުރުކުރައްވާ ހެދުންކޮޅުގެ ދާވަނިކޮޅުގައި ހިފައިގެން އަރިހުގައި ދިއުން
ދިރާސީ އަހަރު
ނ ރަސްމީގޮތުން ތަޢުލީމުދޭ ދިނުމުގައި އަހަރެއްގެ ތެރޭގައި ކިޔަވައިދޭ މުއްދަތު
ދެގެދޭތެރޭމީހުން
މ ހަނގުބޭކަލުންގެ ތެރެއިން ހިމެނޭ ބައެއް މިމީހުންގެ ވަޒީފާއަކީ ރަދުން ރަސްމީ އިއްޒަތުގައި ތަންތަނަށް ވަޑައިގަންނަވާއިރު އަރިހުގައި ބަޑިހިފައިގެން ދިއުމެވެ މިމީހުންގެ ރަސްމީ ހެދުމަކީ އޮށަނިމަލު ހެދުމެވެ
ތަރުޖަމާނު
ނ (1) ތަރުޖަމާކުރާމީހާ (2) ރަސްމީ ދާއިރާއަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްސީލު ދޭން ހުންނަމީހާ
ތަރުޖަމާނުން
މ (1) އެއްބަހަކުން ލިޔެފައި ހުންނަ އެއްޗެއް އަނެއް ބަހަކަށް ބަދަލުކުރާ މީހުންނާއި އެއްބަހަކުން ދައްކާ ވާހަކަ އަނެއް ބަހަކަށް ބަދަލު ކުރާމީހުން (2) ރަސްމީދާއިރާ އަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްޞީލުދޭން ތިބޭމީހުން
ތައްގަނޑު
ނ (1) އެއްޗެއްގެ އަސްލާއެއްގޮތަށް އެއްޗެއް ހެދުމަށް ނުވަތަ ކުރެހުމަށް ބޭނުންކުރާ އެއްޗެއް މިސާލު: )ހ( މެޓާ އޮބާ ތައްގަނޑު )ށ( ހުންގާނުގެ މާދާފަދަ ތަކެތި ހެދުމަށް ވިރުވާ އަޅާތައްގަނޑު )ނ( ގަސްމުށި ފަދަތަކެތި ހެދުމަށް ސިމެންތި ފަދަ ތަކެތި ގަށައިގެންއަޅާ ތައްގަނޑު )ރ( ރަސްމީ ނުވަތަ އަމިއްލަ ނިޝާންޖަހާ ތައްގަނޑު (2) ކަނޑައި ނަގައިފައި ހުންނަ ނަމޫނާ (3) ގޮންގްރެޓް ކުރާ އިރު ގޮންގްރެޓް އެޅުމަށް ލަކުޑިން ނުވަތަ ދަނގަނޑުން ތައްޔާރުކުރާ އެތި (4) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާ ގޮތުން ތައްޔާރުކުރާ ސިއްކަ
ތަލަފަންކޮޅު
ނ ރަދުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ވާރޭވެހޭނަމަ އިސްތަށިފުޅުގެ މައްޗަށްނަގާ ކުޑަ ސަތަރިއެއްފާޑުގެ އެއްޗެއް މިހަދައިފައި ހުންނަނީ ތާރުކު ފަނުންނެވެ
ތަގުޑި
ނ އިހުގައި ރަދުން ރަސްމީގޮތުން ތަނަކަށް ވަޑައިގެންފައި އެނބުރި ގަނޑުވަރަށް ވަޑައިގެން ހަތް ބަހައްޓާ ދޮރޯށި ތެރޭގައި އިރުމައްޗަށް އެނބުރިވަޑައިގެން ހުއްޓި ވަޑައިގަތީމާ ބެރުވެރިން ޖަހާބެރެއް މިއީ އެރަސްމިއްޔާތު ނިމުނީކަން އެންގުމަށް ޖަހާބެރެކެވެ
ތަގުޑިޖެހުން
މ އިހުގައި ރަދުން ރަސްމީގޮތުން ތަނަކަށް ވަޑައިގެންފައި އެނބުރި ގަނޑުވަރަށް ވަޑައިގެން ހަތް ބަހައްޓާ ދޮރޯށި ތެރޭގައި އިރުމައްޗަށް އެނބުރިވަޑައިގެން ހުއްޓި ވަޑައިގަތީމާ ބެރުދުންމާރި ތާޅަފިލިވެރިން ފާރަވެރީންގެ ދޮރޯށީގެ ބޭރުގައި ތިބެގެން ޖަހާ ބެރުޖެހުން
ގަނޑުމާލޫދު
ނ (1) މާލޭގައި ރަޖަބުމަހު އެގާރަ ވިލޭރޭ ކިޔައި އުޅުނު ރަސްމީ މާލޫދު (2) )ޏ ސ ( ބޮޑުމާލޫދު
ގަލަސް
ނ (1) )ބދ ( ރަސްކަލުންގެ ރަސްމީ އިއްޒަތުގެ ހެދުންކޮޅުގެ ކޮނޑުމަތީގައި ލާބޮނދި އެލުވައިފައި ހުންނަ ފޮތިކޮޅު (2) )ހ ( ބިއްލޫރިތަށި
ގުޅަކުޅޭފަސްގަނޑު
ނ އިހުގައި ބޮޑުގަނޑުވަރުގެ ކުރިމަތީގައި މިހާރުގެ ސަލްޓަންޕާކުގެ ކުރިމަތީގައި އެކިއެކި ރަސްމީ ބޭނުންތަކަށް ބާއްވައިފައި އޮންނަ ހުސްބިމެއް ހަވަރު އެއްވާނީ އެތަނަށެވެ
ސަލާމަތި
ނ (1) ނާ ފަހަރާއި އޮޑިފަހަރުގެ ނަގިލީގައި ޖަހާ ކެނބުގެ ބާވަތެއް. (2) ބައެއް ރަސްމީ ކަންކަމުގައި ޢިއްޒަތް ދިނުމުގެ ގޮތުން ބަޑިބެރު ފަށާއިރު ޖަހާލަވައެއް
ސަލާމަތިޖެހުން
މ ބައެއް ރަސްމީ ކަންތަކުގައި ބަޑިބެރު ފަށަން ޖަހާ ބެރެއް ޖެހުން މިސާލު: )ހ( މަޖުލިސުއްތަޝްރީފާތު ފެށޭނީ ތިންބަޑި ޖެހުމާއެކު ބަޑިބެރުން ސަލާމަތި ފެށީމައެވެ )ށ( ގަނޑުވަރު ތެރޭގެ ބޭފުޅަކު އަންހެން ބޭފުޅަކައިގެން ރައްކާވެއްޖެނަމަ ބަޑިބެރު ފަށާނީ ސަލާމަތިންނެވެ
ސިލޭހަހިފުން
މ ކީރިތި މަހާރަދުން ރަސްމީ ޢިއްޒަތުގައި ތަންތަނަށް ވަޑައި ގަންނަވާއިރު ސިލޭހަ ހިފައިގެން ރަދުންގެ ދެފަރާތްޕުޅުގައި ދެސަފަށް ތިބުން
ސިޓީލުން
މ (1) ކަމަކަށް އެދި އެކަމާބެހޭ އިދާރާއަށް ސިޓީއެއް ހުށައެޅުން (2) ރަސްމީ ފަރާތަކަށް ޝަކުވާއެއް ހުށައެޅުމަށް ސިޓީއެއް ފޮނުވުން
ޖަހާހަނގުބޭކަލުން
މ އިހުގައި ކިލެގެ ބޭކަލުންގެ ތެރެއިން ރަދުން ހޮއްވަވާ ޚާއްޞަ ބޭފުޅުން ކޮޅެއް މިބޭފުޅުންނަކީ ރަދުން މަޝްވަރާ ކުރެއްވުމަށާއި ރަސްމީ އިއްޒަތްތަކުގައި ބައިވެރިވެ ވަޑައިގަތުން ފަދަ ކަންތައްތަކަށް ޚާއްޞަކުރެވޭ ބައެކެވެ