radheef.info
ރަދީފު


ހުންނާ
ނ )ގ ( ރާއެރިން އެތުގައިލާ އެންމެ ކުޑަ ގުޑި
ރަންބުސްތާނު
ނ ބޮޑު އޮށެއް އޮންނަ ކުޑަ މޭވާއެއް މީގެ ތޮށިގަޑުގައި ނަރު ފަޅައިފައި ހުންނާނެއެވެ މީގެ ކާން ބޭނުންކުރަނީ އޮށުގެ ބޭރުން އޮންނަ ހުތްފޮނި ރަހަލާ ހުދުކުލައިގެ ހެވާކޮޅެވެ
ރަންކާޅު
ނ )މ.( ބާވަތެއްގެ ބޮއްޔެއް. މިހުންނާނީ ވަރަށްފަނޑު ކިސުޑި ވައްތަރެއްގެ ތިކިތަކެއް ޖަހައިފައި މަޑުމުށި ކުލައެއްގައެވެ ގާތްގަނޑަކަށް ދެ އިންޗިވަރު ވާނެއެވެ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންގަނޑު
ނ މަޖާޒު: ލޯބީން ނުވަތަ ޤަބޫލުކަން ބޮޑު ވެގެން މީހުންނާ ދިމާއަށް ބުނެއުޅޭ ބަހެއް
ރަންގުކައްޓަލަ
ނ ކައްޓަލައިގެ ބާވަތެއް މީގެ އެތެރެ ހުންނާނީ މަޑު ދަނބު ކުލައެއްގައެވެ
ރަންގުފަޅޯ
ނ ފަޅޮލުގެ ބާވަތެއް މީގެ އެތެރެ ހުންނާނީ މަޑުރަތް ދަނބުކުލައެއްގައެވެ
ރަންގުފޭރު
ނ ފޭރުގެ ބާވަތެއް މީގެ އެތެރެ ހުންނާނީ ރަތް ދަނބުކުލައިގައެވެ
ރަންޏަކު ދަރިއެއް ބޮޑެއް ނުކުރާނެއެވެ.
(މިސާލުބަހެއް) ރަނިބޭކަނބަލުންނަކީ ކުދިން ބެލުމުގެ ބަރުއުފުލާ ބަޔަކު ނޫނެވެ. ތިމާ ނުކުރިޔަސް ކުށްވެރިނުވާ ކަހަލަ ތިމާކުރާންވާ ބައެއް ކަންތައް އެހެން މީހުންނާ ޖައްސާ ބައެއް މީހުންނާ މެދުގައި ބުނެއުޅޭ ބަހެއް.
ރަކި
ނ (1) މީހުންނާ ކުރިމަތިލާން ފަސްޖެހި ލަދުގަންނަ ލަދުގަތުން (2) ލަދުގަނެގެން ފާޅުވާ އަސަރު
ރަކިކުރުން
މ މީހުންނާ ކުރިމަތިލާންފަސްޖެހޭ ވަރަށް ލަދުގަނެ ދެރަވާނެގޮތް ހެދުން
ރަކިވުން
މ (1) މީހުންނާ ކުރިމަތިލާން ފަސްޖެހި ލަދުގަތުން (2) ލަދުގަތުމުގެ އަސަރު ފާޅުވުން
ރައިވަރު
ނ ދިވެހިޅެމުގެ ބާވަތެއް. މިހެދިފައި ހުންނަނީ ތިންބަހުންނާއި ހަބަހުންނެވެ މީގެކުރީން މިއަށްވުރެ ގިނަބަހުންވެސް ރައިވަރު ހަދައި އުޅެއެވެ
ރައްކައުކުރުން
މ (1) ސަލާމަތް ކުރުން (2) ފޮރުވުން (3) ވިއްސުމަށް މާތްބަހުންނާއި އެންމެ މާތްބަހުން ކިޔާގޮތް
ރައްކައުވުން
މ (1) ސަލާމަތްވުން (2) ފިލުން (3) ވިހެއުމަށް މާތްބަހުންނާއި އެންމެ މާތްބަހުން ކިޔާގޮތް
ރައްކަލެ
ނ )ގ ( ރީނދޫކުލައިގެ ކުޑަމަހެއް ދެފަރާތުން ކުރެ ކޮންމެ ފަރާތެއްގައި ކަޅުތިއްކެއް ހުންނާނެއެވެ
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ
ރަތަބަޑި
ނ ދޮންދޫނީގެ ބާވަތެއް މީގެ ހަށިގަނޑު ހުންނާނީ ކަޅުރަތްކުލައިގައެވެ ތިރީދެފިޔައިގެ ބުޑުދޮށުގައި ދޮންރަތްކުލައިގެ ލަކެއް ހުންނާނެއެވެ
ރަތަކަޅޯއް
ނ )މ ( ކަޅުއޮށުގެ ބާވަތެއް: މީގެ ނިގޫ ފަތާއި ކަންފަތާއި އުރަހައާއި ތުނބުގައި ހުންނާނީ ރީނދޫ ކުލައެވެ
ރަތުރޭރު
ނ ރޭރުގެ ބާވަތެއް މިރޭރު ހުންނާނީ އާދައިގެ ރޭރަށްވުރެ ބޮޑެތިކޮށް ބޮނޑި މަސްކޮށެވެ ބުރަކަށީމަތީ ފަތްތައް ހުންނާނީ ރަތްކުލައިގައެވެ
ރަތްބަބުރުކެލާ
ނ ކެލާގެ ބާވަތެއް މިހުންނާނީ ކަނަހަނދުނާ ގާތް ކުލައެއްގައެވެ