radheef.info
ރަދީފު


ހަރުގެ
ނ (1) އޮޑިދޯނިފަހަރު ލައިފައި ބަހައްޓާގެ (2) މީހުން އާދަކޮށް ނުއުޅޭ އެކިއެކި ޢާންމު ބޭނުމަށްޓަކައި ޚިޔާކޮށްފައި ހުންނަގެ
ކީއްތާނި
ނ (1) ނައުފަހަރާއި ބޯޓުފަހަރުގެ ރިޔާ ކަނޑާބޯފޮތި ވިޔާން ވަކަ ނަގާ ގަސް (2) މިބާވަތުގެ ވަކައިން ވިޔާ ފޭރާން
ކީތު
ނ އޮޑިފަހަރުގެ ދެތާދޭތެރޭ ކުނބުން ދިރުބަލުގައި ހުންނަގޮޅި
ކުނބުން ދިރުބަ
ނ އޮޑިދޯނިފަހަރުގެ ކުނބު އިންނަފަތުން ފެށިގެން ކުރީކޮޅު
ކުނބުންކޮޅުފަސް
ނ އޮޑިދޯނިފަހަރުގެ ކުނބުން ފެށިގެން ފަހަތް އޮޑިދޯނިފަހަރުގެ ފިއްފަތުން ފެށިގެން ކޮޅުފަސް
ކުނބުކަފި
ނ އޮޑިދޯނި ފަހަރުގެ ކުނބުތިރިކޮށް ބާއްވާން ކޮޅުފަސްކޮޅުގައި ކޮޅަށް ޖަހައިފައި ހުންނަ ކަފިގަނޑު
ކުނބުކޮށި
ނ އޮޑިދޯނިފަހަރުގެ ކުނބު ނެގުމަށްޓަކައި ކުނބުވަތުގެ ދެތަލުގެ ދޭތެރޭ މެދުގައި ކުނބު އިންނަފަތާއެކު ތިން ފަރާތުގައި ފިލާޖަހައިގެން ހަދައިފައި ހުންނަކޮށި. މިއީ ކުނބުގެ ފޫ ވަނޮޅަށް ފައްތައި ކުނބުނަގާއިރު ފަރާތް ފަރާތަށް ކަސިޔާރުވެގެން ދިޔަ ނުދިއުމަށްޓަކައި ހަދައިފައި ހުންނަ އެއްޗެކެވެ
ކުނބުކޮޅު
ނ (1) ހަންޖާލައްވާ ފުރޮޅުހަރުކުރާން ކުނބުކޮޅުގައި ހުންނަ ބުރިވަރު (2) ނާފަހަރުގެ ފަރުމާނުތަކުގެ ވާވެލާވެލި
ކުނބުކޮޅުގޮވުން
މ ރިޔާނަގާ އުޅަނދު ފަހަރުގެ ކުނބުކޮޅުން ވައިމަޑުއިރަށް ކުރުކުރު އަޑުކިއުން
ކުނބުދަނޑި
ނ އޮޑިދޯނި ފަހަރުގެ ދެކުނބު ދޭތެރޭ ނުވަތަ ކުނބާއި ކަތްޕާއި ދޭތެރޭ ހަދައިފައި ހުންނަ ދަނޑިހަރު
ކުނބުސާރި
ނ )ސ ( އޮޑިދޯނި ފަހަރުގެ ވަނޮޅުމަތީބެރި
ކުންދާން
ނ ނައުފަހަރުގެ ކުނބު ދިގުކުރާން ކުނބުގެ މައްޗަށް ގުޅުވަމުން ނަގާ ބުރިބުރި
ކުރަފަތިވަކިގަނޑު
ނ މަސްއޮޑިފަހަރުގެ ކުރަފަތް ފިލާގައި އަޅާ ކުރެހުން
ކުރަފަތް
ނ (1) އިސްތަށި ބާލަން ގެންގުޅޭ އާލާތެއް މިއީ މިޔަ ތޫނުކޮށް ކެފޭގޮތަށް ހުންނަ އެއްޗެކެވެ (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރިއެއް
ކުރަފަތްބުރި
ނ (1) ސަތަރު ކުރަހާ ގުޑީގެ ފިންދުނީގެ ކޮޅުގައި ޖަހާ ފަތެއް (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރި
ކުރުސި
ނ (1) އާޔަތުލް ކުރުސި. (2) ނާފަހަރުގެ ގާވިޔާ ކުންދާނާއި ސަފަރުކުންދާ ނާއިދޭތެރޭ އޮންނަ ކާލިގަނޑު
ކުރެދި
ނ (1) ކީލިހިމުން ގަދަފަދަ ތަތްލަކުޑިއެއް. މި ގިނައިން ބޭނުންކުރަނީ ބިމަށްޖަހާށާއި އޮޑިދޯނި ފަހަރުގެ އިލި ޖަހާށެވެ މިގަސް ހެދެނީ ރަށްރަށުގެ ގޮނޑުދޮށުގައެވެ (2) ހަނޑަސްބުރީގައި ވަޅުޖަހަން ކުރެދިން ހަދާފައި ހުންނަ އެތިގަނޑު
ކުޑަހިޔާ
ނ ދަތުރުއޮޑިޔާއި ބައްތެލިފަހަރުގެ ކުނބުން ކޮޅުފަހުގައި ދެފުރާޅަށް ކޮށްފައި ހުންނަހިޔާ
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑައޮނިފަރާތް
އޮޑިދޯނިފަހަރުގެ ދިރުނބާކޮޅަށް އެބުރިހުންނައިރު ވާތްފަރާތް
ކުޑަވަނިފަރާތް
ނ އޮޑިދޯނި ފަހަރުގެ ދިނރުބާކޮޅަށް މޫނުލައިގެން ހުންނަ މީހާގެ ވައަތްފަރާތަށް ވާ ފަރާތް