radheef.info
ރަދީފު


ޒ
އ ތާނައިގެ 91 ވަނަ އަކުރު
އަތްފައިބިނދުން
މ މަޖާޒު: ތިމާގެބާރު ހިގަމުންއައިކަމަކަށް ޖެހުނު ކޮންމެވެސް ކަމެއްގެ ސަބަބުން ބާރުނުހިގާގޮތްވުން
އަތްފުނައުއެޅުން
މ (1) ފުނާއަޅާ ފަދައިން ބޮލުގެ އިސްތަށިގަނޑު އިނގިލިތަކުން އޮމާންކުރުން (2) މަށަން ދަތިއަޅާ ފަދައިން އިނގިލިތަކުން ހޭވުން (3) މަޖާޒު: ގެއްލިގެންއުޅޭ ކުޑަވަރަކުގެ އެއްޗެއް ހޯދާން މުޅިގޭގެ އެތަންމިތަން ހާވައި ހޯދުން
އަތްފުޅައުކުރުން
މ (1) ހިގާއިރު ޗާލޫ ކުރުމަށްޓަކައި ދެއަތް ހަށިގަނޑާ ދުރުކުރުން (2) މަޖާޒު: ބޮޑާވުން
އަތްދަށުންޖެހުން
މ (1) އޮޑިދަށުން މަސްއައިން ތިލަވުން (2) މަޖާޒު: ނުދެނެހުއްޓައި ތިމާއަށްލާބަހުރިކަމެއް ކުއްލިއަކަށް އައިސް ދިމާވުން
އަތްދަށުދޮށިއެޅުން
މ (1) ކެޔޮޅުމީހާގެ ފަހަތުގައި ހުރެގެން ދޮށިއެޅުން މަޖާޒު: (2) ވެރިއެއްގެ ދަށުން ކަންތައްކުރުން (3) މަސައްކަތެއްގައި މީހަކާ އެހީވުން
އަތްދިގު
ނއ މަޖާޒު: (1) ވައްކަންކުރާ (2) ފެންނަހާ އެއްޗެއްގައިއަތްލައި ހާވައިހަދާ
އަތްދިގުކުރުން
މ މަޖާޒު: (1) ތިމާއާނުބެހޭކަމަކަށް އަތްލުން (2) އަމިއްލަނޫން އެއްޗެއް އަމިއްލަކުރުން
އަތްގުޅުން
މ (1) އެކުވެރިކަމުގެގޮތުން އެކަކު އަތުގައި އަނެކަކު ހިފުން (2) ލިބާހު ބަދަނުގައި އަތް ހަރުކުރުން (3) މަޖާޒު: އެކުވެރިވުން
އަލަކެއުން
މ މަޖާޒު: (1) މީހަކާ ހިތާވެގެންގޮސް ޙައްދުފަހަނައަޅައި ދިއުން (2) ބޫތުގަތުން
އަލަމަލުގުރާ
ނ އަލަމަލު ތެރޭގައިޖުޅޭ މެހިޒާތުގެ ކުޑަދޫންޏެއް
އަލާކެނޑުން
މ (1) ބޭނުން ފުދުން (2) "އަލާ" ބަލާ! (3) މަޖާޒު: މީހަކު ކަމެއްކުރަން އުޅެގެން އެކަމުން ދެރައެއް ލިބުނީމާ ބުނާގޮތެއް މިސާލު: މިހާރު ހުންނާނީ އަލާކެނޑިފައެވެ
އަލިހަނޑޫބަނޑަށްދިނުން
މަޖާޒު: ތަކެތި ހުސްވެގެންގޮސް ބޭނުންނުކޮށް ރައްކައުކޮށްފައި ހުންނަ އެއްޗެހި ނަގައި ގެންގުޅޭންޖެހުން
އަލިވިލުން
މ (1) ފަތިސްވެ އަލިވިލުން މަޖާޒު: (2) ގަނޑުވަރުތެރޭ ބޭފުޅުން އަވަހާރަ ލައްޕަވާފައި ތެދުވެވަޑައިގަތުން (3) ނުފިލައިގެން އުޅޭކަމެއް އޮޅުންފިލުން
އަލިފާންއާވި
ނ ރޯވުމެއް ހޫނުވުމެއްނެތި ފިހުމާއި އެނދުމުގެ ބާރު ހުންނަ ދިޔާއެއްޗެއް. މިއީ ކައްސަނދުވާނި ބާރޯޒް އަދިވެސް މިބާވަތުގެ މަޢުދަނީ އެއްޗެހީން ނަގާއެއްޗެކެވެ
އަލިފާންވުން
މ (1) އެއްޗެއް އަނދައިގެން އަލިފާނަށްވުން (2) މަޖާޒު: މާގަދައަށް ރުޅިއައުން
އަގުނެތުން
މ (1) އަގުދަށްވުން (2) އަގުވެއްޓުން (3) މަޖާޒު: ޤަދަރުކުޑަވުން
އަގުބޮޑު
ނއ (1) ހަމައަގަށްވުރެ ބޮޑު (2) އަގުހެޔޮކަމުގެ އިދިކޮޅު (3) މަޖާޒު: މޮޅު
އަގުޅިނެއްޓުން
މަޖާޒު: (1) ބަންދުކަންފިލުން (2) ހިނގަހިނގައި އޮތްކަމެއް ބަންދުވެ އޮވެފައި އަލުން ހިނގައިގަތުން
އަގުޅިނެތްކަންނެޔޮ
މަޖާޒު: (1) ހަރުދަނާކަންކުޑަ (2) ޙަޤީގަތުގައި ޤަދަރެއްނެތް (3) ކަމެއްނުވެވޭ މީހާ
އަގުއެރުވުން
މ (1) އަގުބޮޑުވުން (2) މަޖާޒު: ޤަދަރު ބޮޑުވުން