radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ރަތްކިރުޅިރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ދަނބުކުލައަކަށްދާ ކިރުޅިކުލައެކެވެ ކަންފަތްމަތީގައި ތިނެސްކަނަށް ްހުންނަ ހުދުކުލައިގެ ލަފެއް ހުރެއެވެ މިމަހުގެ ބުރިކަށިމަތީގެ ކޮތަރިބައިގެ ކަށިތަކުގެ ދެކަށިދޭތެރޭގެ ދުލިފަށުގައި ހުންނަނީ މަޑު ރަތްކުލައެވެ
ރަތްކޮށްލުން
މ (1) ތެލުގައި ނުވަތަ ގިތެލުގައި ފިޔާކޮޅު ރޯފިލަންދެން ހޫނުކޮށްލުން (2) މާޖާޒު: ރުޅިއަރުވާލުން
ރަތްކޮތަރިރައިވެރިމަސް
ހށ ރައިވެރިމަހުގެ ބާވަތެއް މިމަހުގެ ކުލައަކީ ރިހިކުލައެވެ މިރިހިކުލައާއެކު ރަތްކުލަިއގެ ދަޅައެއް މަހުގައި ހުރެއެވެ ނިގޫފަތް ހުންނާނީ މަޑުރަތްކުލައިގައެވެ
ރަތްއޮނުގަނޑުތޮޅި
ނ ތޮޅީގެބާވަތެއް މިއީ ނިގޫފަތުގެ މެދުގައި ދިގުނަރުވައެއް ހުންނަ އަނޮގަކުޑަ މަހެކެވެ މިމަހުގެ މަތީބައިގެ ކުލައަކީ ރަތްމުށިކުލައެވެ ބަނޑުދަށް ފަރާތް ހުންނަނީ ރިހިކުލައިގައެވެ
ރަތްވިލާ
ނ އިރުއޮއްސޭއިރު ހުޅަނގު ފަރާތު އުދަރެހުން ކުލަކުލައިގައި ފެންނަވިލާ
ރަތްވިލާއޮއްސުން
މ އިރުއޮއްސޭއިރު ހުޅަނގު ފަރާތު އުދަރެހުގައި ހުންނަ ކުލަތައް ފިލައިގެން ދިޔުން
ރަތްވިލާލުން
މ އިރުއޮއްސޭއިރު އުދަރެހުގައި ހުންނަވިލާތަކަށް ކުލަކުލައެރުން
ރަތްވިލާސާޓަނު
ނ ދިވެހި އަންހެނުން އިހުގައި ލިބާސް ކަނޑައިއުޅުނު ފޮއްޗެއްގެ ނަން
ރަތްމަސް
ނ ފަރުމަހުގެ ބާވަތެއް މިއީ ހުޅުނބުގިނަ ރަތްކުލައިގެ މަހެކެވެ މިމަހުގެ ދެއަރިމަތީގަިއ ރިހިކުލައިގެ ދެލައްހުރެއެވެ މިފާހަގަ ބޮޑަށް ފާޅުކޮށް ފެންނަނީ ކަނޑުގައި އުޅޭއިރުއެވެ
ރަތްމުރަނގަ
ނ )މ ( މުރަނގައިގެ ބާވަތެއް މީގެފަތަުގެ ތަނޑުތައް ހުންނާނީ ރަތްކުލައިގައެވެ
ރަތްމުރަކަ
ނ މަޑުރަތްކުލައެއްގައި ހުންނަ މުރަކައެއް މިއީ ވަރަށް ބޮޑެތިކޮށް ހެދޭމުރަކަ އެކެވެ މިމުރަކަ ނަގަނީ ކަނޑުންނެވެ މިމުރަކައިން ގަހަނާ ހަދައެވެ މިއީ ދުނިޔޭގައި ވަރަށް އަގުބޮޑު އެއްޗެކެވެ
ރަތްފަށަލަ
ނ ލޮލުގެބައްޔެއް މިބަލިޖެހެނީ ފުރަތަމަ ބޮލުގެމެދުގައި ވަރަށް ގަދަޔަށް ރިއްސާފައެވެ މިބަލިޖެހުނީމާ ލޮލުގެ ކޮއި ބޮޑުވެ މުޅިލޯ ވަރަށް ރަތްވާނެއެވެ
ރަތްފިތަލި
ނ ހަމުގެ ބައްޔެއް މިބަލިހުންނަނީ ރަތްކޮށް ބޯކޮށްނަގައިފައިހުންނަ ބިހިގަނޑުގަނޑަށެވެ
ރަތްފުރެއްދެއަލި
ނ ފުރެއްދެއަލައިގެ ތެރޭގައި ހިމެނޭ ބާވަތެއް މިއަލަގަހުގެ ފަތުގެ ތަނޑާއި ނާރުތައް ހުންނާނީ ރަތްކުލައެއްގައެވެ އަލަގަނޑުގެ ބޭރާއި އެތެރޭގައި ރަތްކުލައެއް ހުންނާނެއެވެ މީގެ ގިނައަލައިގައި ކަހާގޮތް ހުރެއެވެ
ރަތްދަނޑިސާގު
ނ މައްސާގު ވައްތަރަށް ފަތް ހުންނަ އެއަށްވުރެ ބޮޑެތިކޮށް ހެދޭރަތް ކުލައިގެ ގަހެއް މިގަހުގެ ފަތުގައި ރިހަކައްކައެވެ
ރަތްދަތިމަސް
ނ ފަރުމަހުގެ ބާވަތެއް މިމަހުގެ ކޮތަރި އާއި ބޯކޮޅުގައި ހުންނާނީ ގަދަ ރަތްކުލައެވެ
ރަތްދޭވާނި
ނ ފަނިފަކުސައިގެ ބާވަތެއް މިއީ ގޮވާމުގެ ޅަގަސްގަހުގައި އަޅާބައްޔެކެވެ މި ޙާއްޞަކޮށް ގިނައިން އަޅަނީ ގޮވާމުގެ ވައްތަރު ތަކުގެތެރޭން ބިންބި ކުދިބަތް މިދެބާވަތު ގެ ގަސްގަހުގައެވެ މިއީ ހުވަނީގެ ސިފައިގައި ރަތްކުލައިގައި ހުންނަ އެއްޗެކެވެ މިފަނިދުވަނީ ފަތުގެ މެދުތެރޭގައިވާ ފެހިބައިކަމުންނެވެ
ރަތްތިކިފާނަ
ނ ފާނައިގެ ބާވަތެއް މިމަހުގައި ގަދަރަތްކުލައިގެ ތިކިތަކެއް ހުރެއެވެ މަހުގެ ކުލައަކީ ރަތްކުލައެވެ ބަނޑުދަށް ފަރާތު ކޮތަރިބަޔާ ނިގޫފަތުގެ ކޮޅު ހުންނާނީ ވަށްކޮށެވެ މިމަހުގެ ނިގޫފަތުގައި ރަތްމުށިކުލައިގެ ފުރާރޮނގެއް ހުރެއެވެ
ރަތްލަފު
ނ އުފަންވާއިރު ބައެއްކުދިންގެ ހަމުގައި ހުންނަ ރަތްތަންތަންކޮޅު މިފުރަތަމަ ހުންނާނީ ލޭބޮތްކެއްގެ ސިފައިގަވެ ބޮޑުވިވީހެން ބޮޑަށް ފެތުރޭނެއެވެ މިތަންކޮއްޓާލައިފިނަމަ މާނާނުކުރެވޭ ވަރަށް ލޭ އަންނާނެއެވެ
ރަތްގަޅިފާނަ
ނ ފާނައިގެ ބާވަތެއް މިމަހުގެ ކަންފަތްގަނޑުކޮޅާ ނިގޫފަތުގެ ކޮޅު ހުންނަނީ ވަށްކޮށެވެ މިމަހުގެ ކުލައަކީ އޮރެންޖްކުލައެވެ ދެއަރިމަތީގައި ހުރަހަށް ގަދަރަތްކުލައިގެ ގަޅިތަކެއް ހުރެއެވެ މިގަޅިތައް ސާފުކޮށް ފެންނަން ހުންނަނީ މަހުގެ މަތީބައިގައި އެކަންޏެވެ