radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ފޭރާންކާފަނި
ނ ފޮއްޗާއި ކަރުދާސް ފަދަ އެއްޗެހީގެ ތެރޭގައި އުފެދިގެން އެއްޗެހި ހަލާކުކުރާ ފަންޏެއް މިފަނި ކަރުދާހުގައިވެސް ލޯވަޅު އަޅައި ހަލާކު ކުރެއެވެ ނަމަވެސް މިއީ ކަތުރުފަންޏެއް ނޫނެވެ
ފޭލީރިޔާ
ނ މެދު ރިޔަލަށްވުރެ ކުޑަ ކުޑަރިޔަލަށްވުރެ ބޮޑު ރިޔަލެއް މިއީ އެއްފޭލިފޮތިން ކެނޑޭ ރިޔަލެކެވެ
ފޮނިރުވާލި
ނ )ސ.( ރުކުގެ ބުޑުދޮށުގައްޔާއި ހިޔަލުގައި ހެދޭ ވިނައެއް. މިއީ ބޭހަށް ބޭނުންކުރާ އެއްޗެކެވެ
ފޮނިކުރަފި
ނ ކުރަފީގެ ބާވަތެއް މިއީ އުދުހުމުގެ ބާރު ކުޑަ އެއްޗެކެވެ
ފޮނިތޮށި
ނ ގަހެއްގެ ތޮއްޓެއް. މިއީ ބޭހަށާއި ކާއެއްޗެއްސަށްލާން ބޭނުންކުރާ އެއްޗެކެވެ މީގައި ކުޅި ފޮނިރަހައެއްދެއެވެ
ފޮނިތޮށިއާވި
ނ ފޮނިތޮށިންނަގާއާވި މިއީ ދިވެހިބޭހަށް ބޭނުންކުރާ އެއްޗެކެވެ
ފޮނިލުނބޯ
ނ މޭވާއެއް މިއީ ލުނބޮޔަށްވުރެ ބޮޑެތިކޮށް ފިތްފިތަށް ހުންނަ ހުތްފޮނި ރަހަލާ އެއްޗެކެވެ
ފޮރިކެ
ނ އިރުގައި މޫސުމަށް ރާއްޖެއައިސް އުޅޭ ދޫންޏެއް. މިއީފެންފޯއްދޫންޏާ ވައްތަރުގޮތެއް ހުންނަ ފެންފޯއްދޫންޏަށްވުރެ ބޮޑު ދޫންޏެކެވެ
ފޮޅުދުވަނި
ނ ބިހިތަކެއްހެން ނަގައިފައި ފޮޅަށްވާ ދުވަނި މިއީ ޢާއްމުގޮތެއްގައި ކުޑަކުދީންގެ ގައިގެ ތަންތަން ކުޑަކޮށް ރަތްވެފައި ނަގާ އެއްޗެއް
ފޮފަޅި
ނ މަރުޖާނުގެ ބާވަތެއް މިއީ މިނާގެ ތެރޭގައި ތަންކޮޅެއް ބޮޑެތިކޮށް މެދުގައި ލޯވަޅެއް އަޅައިފައި ހުންނަ އެއްޗެކެވެ
ފޮފި
ނ )ޏ.ސ.( ކޮލީގެ ބާވަތެއް. މިއީ ކުރުފަލަކޮށް ކަޅުރަތްކުލައެއްގައި ހުންނަ މަހެކެވެ
ފޮތި
ނ (1) ފޭރާން. (2) ރޮދިން ވިޔެފައި ހުންނަ އެއްޗެއް. މިއީ ފޭރާމަށާއި އެހެނިހެން ބޭނުންތަކަށް ގެންގުޅޭ އެއްޗެކެވެ. (3) ބޯކިބާ އަނބު ފަޅޯ ފަދަ އެއްޗެހި ކަފައިފައި ހުންނައިރު އެއިން ބައެއް. (4) މަޢުދަނަކުން ނުވަތަ ލަކުޑިން ތުނިކޮށް ވަކި ސައިޒަކަށް ހަދައިފައިވާ އެއްޗެއް. (5) މަޢުދަނަކުން ނުވަތަ ލަކުޑި ފަދަ އެއްޗަކުން ދިގުކޮށް ނުވަތަ ތުނިކޮށް ވަކިކޮށްލެވޭ ބައެއް (6) ބައެއް ތަކެތި ކައްކާ އޮލަވީމާ އޭގެ ތެރެއަށް އުނދުޅިއާއި ދޭފަތް ފަދަ އެއްޗެއްލައިފައި ނެގީމާ އެއިން ފައިބާ އެތިއެތިކޮޅު
ފޮތިހުވަނދު
ނ ދިވެހި ބޭހަށް ބޭނުންކުރާ ބާވަތެއް. މިއީ ގަހެއްގެ އަޑިޔަށް ފައިބާ މީރުވަސްދުވާ ގޮނޑިއެކެވެ. މިހުންނަނީ ވަށްފޮށްޗަށް ކޮށައި ހިއްކާ ފައެވެ
ފޮތިލާ
ނ ލާގެ ބާވަތެއް. މިއީ ރަތްވައްތަރެއްގެ ކުލައެއްގައި ވަށްކޮށް ފަތިކޮށް ހުންނަ އެއްޗެކެވެ މިއި ގަހެއްގެ ކިރެވެ
ފޯއްގޮށް
ނ ވަލުގެ ކޮޅުގައި ޖަހާ ގޮށެއް މިއީ ވަލުގެ ކޮޅު ނިއުޅުނަ ނުދިނުމަށް ޓަކައި ޖަހާ ވަކިފާޑެއްގެ ގޮށެކެވެ
ދަށްޓަން
ނ (1) އެނދުއަށީގައި އިށީންނަން އަޅައިފައި އޮންނަ ކުނަލުގެ ދަށުގައީ އޮންނަ ކުނާ
ދަނބާ
ނ މަހެއްގެނަން މިއީ ފަޅުފަޅާއި ތިލަހިސާބުގައި ގިނަޢަދަދަކަށް އުޅޭމަހެކެވެ މިމަހުގެ ޅަދުވަސްވަރު މަސްހުންނަ ގޮތް ބޮޑެތިވީވީހެން ބަދަލުވެއެވެ މިމަހުގެ ކުލަޔަކީ މުށިކުލައެވެ މަހުގެ ބަނޑުދަށް ފަރާތުގައި ފަނޑުމުށި ކުލައެއްހުރެއެވެ ތުނބުންފެށިގެން ލޮލުގެ މަތީބަޔަށް ދެމިފައި ހުންނަ ނޫކުލައިގެ ރޮނގެއްހުރެއެވެ
ދަނބު
ނ (1) ބިޔަކޮށްހެދޭ ފަތްތައް ހިމަދިގު ލަކުޑިމޮޅު ގަހެއް (2) މިގަހުގައި އަޅާމޭވާ މިއީހުތްފޮނި ރަހަދޭ އެއްޗެކެވެ ޅަކޮށްހުންނައިރު ހުންނާނީ ފެހިކުލައިގައެވެ ދޮންވީމާ ހުންނާނީ ދަނބުކުލައިގައެވެ (3) ދަނބުކުލަ
ދަނޑިމަތިހިފުން
މ ކުޅިޖެހުމުގައި ކުރާކަމެއް މިއީ އެކަކު ހަލާދަނޑި ހިފައިގެން އަނެކަކު ބޮންތިޔާއި އައްޑަނަ ހިފައިގެން ކުޅިޖެހުމުގައި ކުރާ ކަމެކެވެ
ދަންބޮޑު
ނ ވިދުންހުރި މަޑުރަތްކުލައިގެ މަހެއް މިމަހުގެކޮތަރިތަކާއި ނިގޫ ފަތްހުންނާނީ ރަތްކުލައިގައެވެ ނިގޫފަތުގެ މަތީކައިރިއާއި ތިރީ ކައިރި ހުދުވާނެއެވެ މިއީ ރޭގަނޑުގެ ކެޔޮޅުކަމުގައި ބޭނޭމަހެކެވެ