radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
ދިއްލައިއެޅުން
މ (1) ތަނެއްގައި ބައްތިއާއި ބޮކިފަދައެއްޗެހި މާގިނައިން ދިއްލައިފައި ބެހެއްޓުން (2) އަލިކޮށް ހުޅުދާންކޮށްފައިއޮތުން
ދިއްލުން
މ (1) އަލިކުރުމަށް ބޭނުންކުރާ ބައްތިއާއި ބޮކިފަދަ ތަކެތިން އަލިވާނެގޮތް ހެދުން މިސާލު: )ހ( ބައްތިދިއްލުން )ށ( ބޮކިދިއްލުން (2) އަލިކޮށްލުން
ދިވަރު
ނ (1) ފަންރިޔަލުގެ ބޭރުން ހުންނަ ވަލެއް. (2) ލޮރީއާއި ކާރާއި މޮޓޯސައިކަލް ފަދަ ތަކެތީގެ ފުރޮޅުގެ ބޭރުރަބަރާއި ވޮއްޓާދޭތިވަކިކުރަން މަތާޖަހަން ގެންގުޅޭ އެއްޗެއް މިހަދައިފައި ހުންނަނީ ދަގަނޑުންނެވެ މީގެ އެއްކޮޅު ހުންނަނީ ފަތިކޮށްފައެވެ
ދިވެހިއާދަކާދަ
ނ ދިވެހީންގެ ތެރޭގައި ހިނގައިފައި ހުންނަ އާދަތައް
ދިވެތި
ނ ރަސްކޮލީގެ ތެރެއިން ރަދުން ދެއްވާ ރަންރިހީގެ މިންވަރެއް )ރަސްކަމަށް ކޮލިލީމާ ރަދުންގެ ފަރާތްޕުޅުން ދެއްވަންޖެހޭ އާދައެއް
ދިމާވުން
މ (1) ބައްދަލުވުން (2) ފެނުން މިސާލު: މިއަދު އޭނާއާ ދިމާވިއެވެ (3) ސީދާވުން (4) ލައްވައިލުން (5) ބުނިގޮތާއެއްގޮތްވުން (6) އެނގުން
ދިދަބިބީ
ނ ބިބީއާ ވައްތަރުގޮތަށް ހުންނަ ހުދުކުލައިގެ ކުޑަ ފަރުމަހެއް މިމަހުގެ އަރިމަތީގައި އަޅިކުލައިގެ ދެރޮނގު ހުންނާނެއެވެ އަދި މަތީކޮތަރިބައިގެ މެދުގައި ދިގުނަރުވައެއް ހުންނާނެއެވެ
ދިދަމަސްބިބީ
ނ ބިބީއާއިލާގެ މަހެއް މިމަހުގެ ބުރަކަށިމަތީ ކޮތަރީގައި ދިގުނަރުވައެއް ހުރެއެވެ މީގެކުލައަކީ ހުދުކުލައެވެ މަހުގެ ހުރަހަށް ކަތިކޮށް ވަރަށްފުޅާ ކަޅުކުލައިގެ ދެރޮނގު ހުރެއެވެ މަހުގެ ކަންފަތާއި ނިގޫފަތާއި އަދި މަތީ ކޮތަރިބައިގެ ކުލައަކީ ރީނދޫކުލައެވެ ބަނޑުދަށް ފަރާތުގެ ހަރުކަށިތައް ހުންނަނީ ކަޅުކުލައިގައެވެ
ދިލަ
ނ (1) ކެރުމާއި ހޫނު އެކުލެވިފައިވާ ވޭނެއް (2) އަލިފާނުގެ ދުމާއެކު އަރާއާވި (3) ސިލިނބުގައި އަލިފާން ގިނަވުމުގެ ސަބަބުން ދުންގަނޑުގެ ރަހަޔަށް އަންނަ ބަދަލެއް (4) މަޖާޒު: އަސަރު
ދިލައެރުން
މ އާވިއެރުން
ދިލައެރުވުން
މ އާވިއެރުވުން
ދިގުމަގުނެގުން
މ (1) ޢީދުދުވަހު ރަދުން ޢިއްޒަތުގައި ގަނޑުވަރަށް ވަޑައިގަންނަވާއިރު އެމަގުމަތީގައި ކޮށިކޮށީގެ މީހުން ފުއްޕާހެދުން އަޅައިގެން ތިބެ ބޮންތިއާއި އައްޑަނަ ހިފައިގެން ކުޅިޖަހަމުންެދާދިއުން (2) ގާއޮޑިލަވަ ކިޔާމީހުން އެއްތަނުން އަނެއްތަނަށް ދާއިރު މަގުމަތީގައި ލަވަކިޔަމުން ނަށަމުން ދާދިއުން
ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
ދިޔައެރުން
މ (1) އޮޑިދޯނި ފަހަރުގެ ބަނޑުފިލައިގެ ތަނަކަށް ލިބޭ ގެއްލުމަކުން އާދަޔާ ޚިލާފަށް ފެން އެރުން (2) އޮޑިދޯނި ފަހަރު ދަތުރުކޮށްފައިދާއިރު މަތިކަން މަތިން އެތެރެއަށް ލޮނުއެޅުން
ދިޔެ
ނ (1) އަންހެން ދަރިންނަށް ކިޔާނަމެއް (2) އކ އަންހެހުންގެ ނަމުގެ ފަހަތަށް އިތުރުކުރާ އަކުރެއް މިސާލު: އާމިންދިޔެ
ދުނިކީސް
ނ ދަގަނޑުފަދަ ތަކެތި ކީހުމަށް ތިލަބަދަލުކުރެވޭ ގޮތަށް ހަދައިފައި އޮންނަ އާލަތެއް
ދުނިޔެދަތުން
މ (1) ޢާއްމުކޮށް ދުނިޔޭގައި ހިނގާ ކަންތައްތައް އެނގުން (2) އާޖުފާޖު އެނގުން
ދުންހެދުން
މ (1) މާވަހަރާއި ބޮކަރާއި ލާދަނާއި ކަޅަނގާރިއާއި ކުމުންޒާންޏާއި ހިކިއުނިމަލާއި ގޮށް ކުޅަނދުރާ އެއްކޮށް ތަޅައިގެން ހަދާކުނޑިއެއް ހެދުން މިތަކެތީގެ ތެރެއިން ބައެއްތަކެއްޗަށް އުނިއިތުރު ގެނެސްގެންވެސް މިކުނޑިހަދައެވެ (2) ދުންތެޅުން
ދުންބޯޓް
ނ އާގުބޯޓް
ދުންމާރި
ނ ރާގުފުމުމަށް ގެންގުޅޭ އާލަތެއް މީގެ ކިތަންމެ ވައްތަރެއް ހުރެއެވެ މިސާލު: )ހ( ކަފުލޯދުންމާރި މިހުންނަނީ ދުންމާރީގެ މެދުތެރޭގައި ލޯވަޅުބަޔެއް ހުންނަގޮތަށް ފަހަތުކޮޅުގެ އަނގަމަތި ބޮޑުކޮށް ތުންކޮޅު ހިމަކޮށް ފިތެއް ހަރުކޮށްފައެވެ )ށ( ފަންދުންމާރިއާއި ކެޔޮފަތުދުންމާރި މިހުންނާނީ އެއްކޮޅަށް ހިމަކޮށް އަނބުރައިފައެވެ