radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ފޫފަތާތެލި
މ ފޫހަމައަށް ހުންނަތެލި
ފެހުން
މ (1) ދިރޭ އެއްޗެހި ކައިރިއަށް އަޔަނުދީ ދުރަށްލުން (2) ތިނޯހާއި އިލިފަދަ ތަކެތީން ރޮދި ނުވަތަ އެނޫންވެސް އެފަދަ އެއްޗެއް ބޭނުންކޮށްގެން ދެއެއްޗެއް ގުޅުވުން (3) އެއްޗެއް ހިފުމުގެ ނުވަތަ އަތުލައިގަތުމުގެ ބޭނުމުގައި ފަހަތުން ދުވުން
ފެނަށްއެރުން
މ (1) ކަސްއަޅައިފައި ތިބޭ މީހުންނާއި ގައިގައި ބޭސްގަނޑު ހިއްޕާފައިވާ މީހުން އެތަކެތި ފޫދުމަށްޓަކައި ފެންއަޅައިފައި ހުންނަ އެއްޗަކަށް އެރި ފޫއްދުން. (2) މާބަނޑުމީހަކު ފަރުވާއަށްޓަކައި ބޮޑެތި އެއްޗިއްސަށް ފެން ނުވަތަ ލޮނު އަޅައިގެން އެއަށް އެރި އޮތުން (3) ފެންގަނޑަށް ފޭބުން
ފެނަށްލުން
މ (1) ހަށިގަނޑުގެ ބޭރުގައި ހަލާކުވާ ތަންތަން ސާފުކުރުމަށާއި އެފަދަ ތަންތާ އަޅާ ބޭސް ނެއްޓުމަށް ފޫއްދުމަށްޓަކައި ފެނުގެ ތެރެއަށް ބޭނުން. (2) މާމެލާ މެލިފަދަ ތަކެތި ވަޅޯވިއަ ނުދިނުމަށްޓަކައި ފެނުގައި ބެހެއްޓުން. (3) އެއްޗެހި ފޯކުރުމަށްޓަކައި ނުވަތަ ސާފުކުރުމަށްޓަކައި ފެނަށް އެޅުން ނުވަތަ ފެނުގައި ބެހެއްޓުން
ފެނާޖެހުން
މ ވަޅުކޮންނަމުންގޮސް ފެން ހުންނަ ހިސާބާ ހަމައަށް ކޮނެވުން
ފެނުން
މ (1) ލޮލަށް އިހްސާސްވުން (2) ސިކުނޑިއަށް ނުވަތަ ހިތަށް އެއްޗެއް ނުވަތަ ކަމެއް ސިފަކުރެވުން (3) ކުރިން ހުރިކަން އެނގިފައި ނުވާ އެއްޗެއް ހުރިކަން އެނގުން މިސާލު: ތެޔޮ ފެނުން (4) ގެއްލިފައިވާ އެއްޗެއް ނުވަތަ މީހެއް ހުރިތަން ނުވަތަ އޮތްތަން އެނގުން (5) ބުއްދިއަށް ލަފާކުރެވުން
ފެނުޖެހުން
މ (1) ދަގަނޑުން ހަދައިފައި ހުންނަ އެއްޗެއްސަށް ހަރުކަން ގެނައުމަށްޓަކައި ދޮންކޮށްފައި ވަކިގޮތަކަށް ފެނުގައި ޖެއްސުން. (2) ބާރަށް ކުރިއަށްދާ އެއްޗެއް ފެންގަނޑުގެ މަތީގައި ނުވަތަ ބިމުގައި ޖެހިފައި ނައްޓާލައިގެން ކުރިޔަށް ދިއުން
ފެންހިންދާވަޅުގަނޑު
ނ (1) ވަޅުގަނޑެއް ކޮނެ އާނުކަނޑައި ވަށައިގެން ރާނައި މައްޗާ ހަމަކޮށް އަޑިއަށް އަކިރި އަޅައިފައި ހުންނަ ވަޅު (2) ތިލަކޮށް ކޮނެލައިފައި އަކިރި ނުވަތަ ގައު އަޅައިފައި ހުންނަ ތަން
ފެންނިވުން
މ ހޫނުފެނުގެ ތެރެއަށް ހިހޫފެން އަޅައި ބޭނުންކުރަން ކެރޭ ވަރަށް ހޫނު މަޑުކުރުން
ފެންރޮދި
ނ )ސ.( ކުއްޖާއަށް ހަތްދުވަސް ވާ ދުވަހު ފަންޑިތަ ވެރިޔަކު ކިޔަވައި ގޮށްތަކެއްޖަހައި މެތުރި ފެންތައްޓަކަށް ލައިތެންމައިފައި އެކުއްޖާގެ ކަރުގައި އަޅުވާ ރޮއްޖެއް
ފެންބޮކި
ނ (1) އެތެރެއަށް ވައިވަދެގެން ފެނުން ހެދިފައި ހުންނަ ބަޑި (2) އެތެރެއަށް ފެންއަޅައިފައި ހަންކޮޅަކުން ހަދާބަޑި (3) ފެންއަޅައިފައި ހުންނަ ބޮކި
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންކުޅީގެރި
ނ އިހުޒަމާނުގައި ފެންކުޅި ފެށުމުގެ ކުރިން ކިޔަވާ ޞަލަވާތް ފާތިޙާއަށް ކަތިލާގެރި މިގެރި ކަތިލާނީ ރަދުން ވަޑައިގެން ހުންނަވައިގެންނެވެ
ފެންކެނޑުން
މ (1) ވާރޭހުއްޓުން. (2) ގައިގެ ދެހަން ދޭތެރެއަށް ފެން އަރައި ހަންގަނޑު ކެނޑުން. (3) )ޏ.ސ.( ފިރިހެނެއްގެ ކިބައިގައިވާ ހީވާގިކަމާއި ކެރުމާއި މުރާލިކަން ހުރުން
ފެންއަތްގޮށި
ނ އަތްގޮނިކޮށްގެން އަތުގެ އެތެރެއަށް އަޅައިފައި ހުންނަ ފެން
ފެންއުކުން
މ (1) މަސްބާނާއިރު ބުޅިއަށް ފެންލުން. (2) ފެން ދުރަށް ބުރުވައިލުން
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފެންއޮހުން
މ އެއްޗަކުން ނުވަތަ ތަނަކުން ގިނަ މިންވަރަށް ފެން ނުކުމެގެން ތިރިއަށް ފޭބުން
ފެންފިޔަފާޅި
ނ ވިހޭގެތެރެއަށް ބޭނުންވާ ފެން ހޫނުކުރުމަށް ޖަހައިފައި ހުންނަ ފިޔަފާޅި ނުވަތަ އަރިހިޔާ
ފެންފޮޅިދޮލަނގު
ނ ބާރަ މާލޫދު ކިޔާރޭ ރަސްމީގޮތުން މާލޫދުހަރުގެއަށް ގެންދާ ކޭމެއް. މިދޮލަނގުގައި ހުންނާނީ ފެންފޮޅިއާއި ކިރާއި ހިކިރިހައެވެ