radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ވާރުތަކުރުން
މ (1) ތަރިކަ މުދާ ލެއްވުން (2) އެކަކަށް ލިބިހުރިކަމެއް އެމީހެއްގެ ފަރާތުން އަނެކަކަށް ލިބުން މިސާލަކަށް ބަލިބައްޔާއި ޢިލްމުފަދަ ކަންތައް
ވާޅު
ނ ކަމެއްކޮށްކޮށް ގިނައިރުވެގެން ގުނަވަނަކަށް ލިބޭ ކަންނެތްކަން ނުވަތަ ވަރުބަލިކަން
ވާދަ
ނ (1) ދެރަ ނުވާން ކަމަކާ ކުރިމަތިލާ ކުރިމަތިލުން (2) އެކަކަށްވުރެ އަނެކަކު ކުރި އެރުމަށް އަޅާބާރު
ވާދަކުރުން
މ (1) ދެރަނުވާން ކުރިމަތިލުން (2) އެކަކަށްވުރެ އަނެކަކު ނުވަތަ ބަޔަކު ކުރިއެރުމަށް ބާރުލުން
ވާދަވެރިކަން
ނއނ އެކަކަށްވުރެ އަނެކަކު ނުވަތަ ބަޔަކު ދޫނުކޮށް ކުރިއަރަން އެދޭކަން
ވާދަދުއްވުން
މ އެކައްޗަކަށްވުރެ އަނެކައްޗެއް ކުރިއެރުމަށް ދުއްވުން
ވާދިގުއުނދޯލި
ނ ދެފަށުން ނުވަތަ ހަތަރު ފަށުން ބައިން ޖަހައިގެން މަތީކޮޅު ދިގުކޮށް އެއްވަލަކަށް ނުވަތަ މިގޮތަށް ކޮންމެ ވަލެއް ވަކިން ނުވަތަ މިނޫންވެސް ގޮތަކަށް އެލުވާ އުނދޯލި މިއުނދޯލި އާދައިގައި އެލުވާ އުޅެނީ އުސްގަސް ގަހުގައެވެ
ވާގިއެރުން
މ (1) ބާރުއެޅުން (2) ނާރުތަކަށްޖެހޭ ބައްޔަކުން މުޅިހަށިގަނޑަށް ކުއްލި ބާރެއް އެރުން
ވިހަ
ނ އޭގެތާސީރުގެ ސަބަބުން ހަށިގަނޑަށް ނުވަތަ ގުނަވަނަކަށް ގެއްލުންދޭ ނުވަތަ މަރާލާ އެއްޗެއް
ވިނަގަނޑުބަގުޑި
ނ )މ ( (1) މޫދުގައި ހުއިގަނޑުތެރޭގައި އުޅޭ މަހަކަށް ކިޔާނަމެއް (2) މަޖާޒު: އިހުޒަމާނުގައި ގޮވައިލުމަކަށްދާ އެންމެ ދަށު ދަރަޖައިގެ މީހުން
ވިންދުފަރުވާ
ނ ހަކީމީ ފަރުވާއެއް މިއީ ފައިތިލައާއި އަތްތިލައާއި ބޮލުގެ ވަކި ތަންތަނަކަށް އޮބައިގެން ދޭ ފަރުވާއެކެވެ
(4) ވިކައިގަތުން ބަލާ! ވިކުން
މ (1) ބަދަލުގައި އަގެއް ލިބުމާއެކު އެކެއްގެ މިލްކިއްޔަތުން ކެނޑި އަނެކަކަށް ލިބުން (2) މަޖާޒު: މާބޮޑަށް ދަރައިފައިވުން (3) މަޖާޒު: މީހަކު ހެދިހައިގޮތެއް ހެދިގެން އުޅުން
ވިއްކުން
މ އަގެއްހުރި އެއްޗެއް ބަދަލުގައި އަގެއް ހިފުމާއިއެކު އަނެކެއްގެ އަމިއްލަ ކަން ކަނޑައި އަނެކަކަށް މިލްކުކޮށް ދިނުން
ވިއްދާލުން
މ އެއްޗަކަށް ބާރު ލިބޭނޭގޮތަށް އަނެކައްޗެއްގެ ކޮޅު އޭގައި ޖައްސައި ބާރުކުރުން
ވިއްދުން
މ (1) އެއްޗަކަށް ބާރުލިބޭނޭގޮތަށް އަނެކައްޗެއްގެ ކޮޅު އޭގައި ޖައްސައި ބާރުކުރުން (2) ކުއްލިކުއްލިއަށް އަރާ ރިހުން
ވިއްސައިގެންދިއުން
މ (1) ބުރައިގެން ދިއުން (2) ވައިގެ ބާރުން ނުވަތަ އެހެން ބާރަކުން ނަމަވެސް އެއްޗެއް އޮތް ތަނުން އަނެއް ތަނަކަށް ކުއްލިއަކަށް ދިއުން
ވިއްސާރަ
ނ (1) ވައިޖެހި ވާރޭވެހޭގޮތްވުމަށް ކިޔާނަން (2) ވަޔާއެކު އަންނަވާރޭ (3) ވާރޭވެހޭ ވިލާގަނޑު (4) މަޖާޒު: އެކިއެކި ގޮތްގޮތުން އުފެދިގެންގޮސް ބަޔަކަށް ގެއްލުން ލިބޭފަދަ ގަޑުބަޑު
ވިއްސާރަދުނި
ނ ވާރޭވެހޭ ވައްތަރަށް ދުނިޔެމަތި އޮންނަ ދުވަސްވަރަށް އިރު ހުންނަ ފަރާތް ނޫން އަނެއް ފަރާތުގެ އުޑުމަތީން ފެންނަ ދުންޏެއް މިއީ ފެން ތިކިތަކަށް އިރުގެ ދަޅައެޅިގެން ކުލަކުލައިގެ ފަށްތަކެއްގެ ސިފައިގައި ފެންނަ އެއްޗެކެވެ
ވިއްސާރަޖެހުން
މ (1) ވިއްސާރައިގެ ކޮޅިގަނޑެއް ޖެހުން (2) މަޖާޒް: ބަޔަކަށް ގެއްލުން ލިބޭފަދަ ގަޑުބަޑެއް ޖެހުން
ވިދާލުން
މ (1) އަލިކަން ފާޅުވެގެން ދިއުން (2) ވިއްސާރަ ވިލާގަނޑަކުން ކުއްލިއަކަށް އައްޔެއްވުން (3) މަޖާޒު: ކަމެއްގައި ކުރިއަރައިގެން ދިއުން