radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ކޮނޑުމައު
ނ (1) ފުރަތަމަ ޤާނޫނު އަސާސީ ފާސްވެގެން ވަޒީރުން ތުރުކުރެއްވި ކިނާރީއެޅި ހެދުންކޮޅުގައި ކޮނޑުމަތީގައި ހުންނަ މަޚުމާފަށް ކިލެގެބޭކަލެއްނަމަ މަޚުމާފަށުގެ މެދުގައި ރަންކުލައިގެ ތަރިއެއްހުރެއެވެ މިއީ ރަތުލޮއިން ހަދައިފައިހުންނަ އެއްޗެކެވެ ކިލެގެބޭކަލެއްނޫންނަމަ ހުންނަނީ ހަމައެކަނި މަޚުމާފަށެވެ (2) ސިފައިންގެ ޔުނިފޯރމުގައި ކޮނޑުމައްޗަށް އަރާފައި ހުންނަ ނިޝާން
ކޮންނަބޯޓު
ނ ތަންތަންކޮނެ ފުންކުރަން ބޭނުންކުރާ މެޝީން ހަރުކޮށްފައި ހުންނަ އުޅަނދު
ކޮންމެ
ނއ (1) ގިނަ އެއްޗެހިތަކެއްގެ ހުރިހައި ތަކެތި ވަކިވަކިން ބުނެދިނުމަށްޓަކައި ބޭނުންކުރާ ބަހެއް މިސާލު: ކޮންމެ ފޮތެއްގައި ނަންބަރުޖަހާށެވެ (2) ގިނަ ބައެއްގެ ތެރެއިން ހުރިހައި މީހުން ވަކިވަކިން ބުނެދިނުމަށްޓަކައި ބޭނުންކުރާބަހެއް މިސާލު: ކޮންމެ ކުއްޖަކީ ފަތަން ދަންނަ ކުއްޖަކަށް ވާންވާނެއެވެ
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮންޕިއުޓަރ
ނ ކަރަންޓުގެ ބޭނުންކޮށްގެން ވަރަށް ހަލުއިކޮށް ހިސާބުހަދާ މެޝިނެއް. މިމެޝިނަކީ އެއަށް މަޢުލޫމާތު ލެވޭނެގޮތަށާއި މަޢުލޫމާތު ރައްކާ ކުރެވޭނެ ބަޔަކާއި ވިޔަހަދާ ބަޔަކާއި މަޢުލޫމާތު ބޭރުކުރެވޭނެ ބައެއްގެ މައްޗަށް އެކުލެވޭ މެޝިނެކެވެ މީގެ ވަރަށް ގިނަ ބާވަތްތައް ހުރެއެވެ
ކޮރޮފިރޮނޑޮ
ނ )ޏ ( ރޮނޑުގެ ބާވަތެއް މިވައްތަރުގެ ރޮނޑުގެ ކަރުތާފަތްގަނޑުގެ ތެރޭގައި ކުރަތްޕެއް ކަހަލަ ކުދިކުދި ދިރޭ އެއްޗެހިތަކެއް ހުރެއެވެ ބާނާއިރު ބައެއް އެއްޗެހީގެ ކަރުތާފަތްގަނޑުން ބޭރުގައި މަރުވެގެން ތަތްވެފައިވެސް ހުރެއެވެ ކުލައަކީ ކަޅުކުލައެވެ ވައްތަރުވާނީ ކަޅު ރޮނޑާއެވެ
ކޮބާ
އކ (1) ނުފެނިގެން އުޅޭ އެއްޗެއް ވީތަނެއް އެނގޭތޯ ނުވަތަ ކަމެއް އޮޅުން ފިލުވާން ސުވާލުކުރުމަށް ބޭނުންކުރާ އަކުރެއް. މިސާލު: )ހ( މަގޭރުމާ ކޮބާ؟ )ށ( ކަލެއާ ޙަވާލުކުރި ކަންތައް ކޮބާ؟ (2) މީހަކު މިވެނި ގޮތަކަށް ކަމެއް ވެދާނެޔޭ ބުނެފައި އޮއްވާ އަނެކަކު އެބަސް ނާހައި އެކަންތައް ކޮށްގެން ކުރީގައި ބުނިމީހާ ބުނިގޮތަށް ކަންތައްވީމާ އެކަމެއް ކުރިމީހާއާއި ދިމާއަށްބުނެ އުޅޭ ބަހެއް މިސާލު: ކޮބާ މަބުނިގޮތަށް ނޫންހޭވީ (3) ނިކަން މިސާލު: ކޮބާދީބަލާ
ކޮޅަލި
ނ (1) ދެގަނޑެއްޗެއް ގުޅުވުމަށްޓަކައި ކަނޑާ ކެނޑުން ވަޅަށް ފައްތާން ބޭނުންވާ އެތިގަނޑުގެކޮޅުން ކަނޑަމުންގޮސް ކެންޑުންވަޅަށް ފައްތައި ހަރުލެއްވުމަށްޓަކައި ނުކަނޑައި ބާއްވާ ތަންކޮޅު (2) )ޅ ( އައްޕަތް
ކޮޅިތިލަ
ނ މުށްލައްޕައިލީމާ ކުޑަވައި އިނގިލީގެ މެދު ބަދައިގެ ބޭރު ކައިރީން ބޮޑުވައި އިނގިލީގެ ކޮޅާއި ދެމެދުގެ މިން
ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ކޮޅުހެދުން
މ (1) ފޮށާފަދަ ތަކެތީގެ ކޮޅުގައި ފޯގައިލައި މަޅި ގޮތްގޮތަށް ހެދުން (2) ނަނާއިވާފަދަ ތަކެތީގެ ކޮޅުހިމަކޮށްލުން ނުވަތަ އެކިއެކި ބޭނުމަށްޓަކައި ކޮޅު ނުނިއުޅޭނެހެން ހެދުން
ކޮޅުވެއްޓި
ނ މީހުންނާއި މުދައު އެއްތަނުން އަނެއްތަނަށް ގެންދާން ބޭނުންކުރާ އިންޖީނުލީ އުޅަނދެއް މީގެ ދިރުބާކޮޅު ހުންނަނީ ހަމައަށެވެ މިތަން ވައްޓައި ނަގާ ހެދެއެވެ
ކޮޅުފައިންޖެހުން
މ (1) އިހާނެތިކޮށްލުމުގެގޮތުން މީހެއްގެގައިގައި ފައިކުރުކޮށްފައި ފައިންޖެހުން. (2) މަޖާޒު: މީހެއްގެ ފަރާތުންލިބޭ ހެވަތާއި ލާބައަކަށް ނުބަލައި އެފަރާތަކަށް އިހާނެތިވާގޮތެއްގައި ވަކިވެގަތުން
ކޮއިބޮނޑި
ނ އިހުގައި ހަނގުބޭކަލުންގެ އަނބިން ވިހޭމާ އެމީހަކު އަށީބޭކަލުންނަށް ދޭންޖެހޭ ކެއުމެއް. ނުވަރޭ ފެނުން ނުކެނޑެނީސްދޭނަމަ ކޮންމެވެސް ކާއެއްޗެއް ދެނިކޮށް ފުދުނީއެވެ. އޭގެ ފަސްވެއްޖެނަމަ ދޭންވާނީ ހަތަރުނާޅި އަވެއްޔާއި އެޔާވާނެ އެހެން އެއްޗެއްސެވެ
ކޮއްތަކާއިހެދުމަކާލިބުން
)ގބ ( މަޖާޒު: (1) ދެރަމީހަކަށް ގެދޮރުހުރި މުއްސަނދި އަންހެނަކާ އިނދެވިގެން ބުނެ އުޅޭ ބަހެއް (2) އެއްކަމަކުން ދެބޭނުމެއް ފުދޭގޮތަށް ދިމާވާ ކަންތަކާ ބެހޭގޮތުން ބުނެއުޅޭ ބަހެއް
ކޮއްތުގުޑުގުޑާ
ނ ގޭގައިއުޅޭ ނޯކަރުން ދުންބޯން ބޭނުންކުރި ގުޑުގުޑާ ގިނައިން މިކަމަށް ގެންގުޅޭނީ ކަނާ ނޮޅިއެވެ
ކޮއްޕުން
މ (1) ކުރިއަށް ފޮނުވާން ބާރުލުން (2) ވައްޓައިލާން ބާރުލުން (3) އެއްޗެއްގެ ތެރެއަށް އެއްޗެއް ބޭނުން ނުވަތަ ވެއްދުން
ކޮއްޗޭފަތް
ނ ހުވަނދުބޭހަށް ބޭނުންކުރާ ފަތެއް މިއީ ފަތުގެ ބޭރުގައި ކުދި ކެހެރިތަކެއް ހުންނަ މީރުވަސްދުވާ ފަތެކެވެ ފަތް ހުންނާނީ ތުނޑުތުނޑުލާފައެވެ މިފަތުގެ ތަނޑު ކުރުވާނެއެވެ
ކޮވެލި
ނ ކާޅާ ވައްތަރު ދޫންޏެއް މީގެ ތުން ކުރުވެފައި ލޯރަތްވާނެއެވެ މީތި ބިސްއަޅާނީ ކާޅު ހާއްޔަށެވެ މީގެ ފިރިހެން އެއްޗެހި ތިބޭނީ ކަޅުކޮންނެވެ އަންހެން އެއްޗެހި ތިބޭނީ ހުދު ތިއްތިއްޖަހާފައެވެ
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ