radheef.info
ރަދީފު


ނުން
އ (ޏ، ސ) (1) ނޫނޭ (2) ނޫންތަ؟
އެންމެ
އތ ކޮޅުނެތްކޮޅު. އެބަހީ ނިހާޔަތެވެ. މިސާލު: އެންމެދެރަ އެންމެ ރީތި ބައެއްތަންތާގައި އެކައްޗެއްގެ ބަދަލުގައިވެސް މިބަސް ބޭނުން ކުރެއެވެ މިސާލު: އެންމެ ދުވަހަކު އެންމެ ފޮތެއް
އެންދުވުން
މ (1) މީހަކުލައްވާ އަލިފާންގަނޑެއް އެންދުން (2) މީހަކު ލައްވާ މުންޑުފޮށާފަދަ ތަކެތި އަނުން
އެންދެވުން
މ މީހަކުލައްވައި މުންޑުފޮށާ ފަދަތަކެތި އަނުން
އެންގުން
މ (1) ދުލުން ނުވަތަ ގަލަމުން ނޫނީ ލިސާނަކުން ދޭހަކޮށްދިނުން (2) ޚަބަރު ދިނުން
އެރުން
މ (1) އޮއްސުމުގެ އިދިކޮޅު (2) އުދަވުން (3) ތިރިން މައްޗަށް ދިއުން (4) މޫދުން އެއްގަމަށް އައުން (5) އެއްޗެއްގެ ތެރެއަށް އަނެކައްޗެއް ވަނުން (6) އަތިރިމައްޗަށް ފޭބުން (7) އަތިރިއަށް ދިއުން (8) އަތިރިމަތީން އެއްގަމަށް އައުން (9) މޫދަށް ނުވަތަ އެހެންވެސް ފެންގަނޑަކަށް ފޭބުން )01( ރަސްމީ ބައެއް ކަންތަކާއި އޮޅިމެދުގައިނަމަ އެކަމެއްގައިވުން
އެޅުން
މ (1) އެއްޗެއްގެ ތެރެއަށް އެއްޗެއް އޮއްސުން މިސާލު: ކުރަޔަށްފެން އެޅުން (2) އެއްޗެއްގައި އެއްޗެއް ބެހެއްޓުން މިސާލު: ތައްޓަށްބަތްއެޅުން (3) ކާށިކުރުނބާފަދަ ތަކެތި ރުކުން ބިނުން (4) އެކަތި އަނެކައްޗަށް ފުށުއަރައި ނިވައުވުން (5) ފުރާދުއްވާ އެއްޗެތި ބަނދަރެއްގައި ނުވަތަ ފަޅެއްގައި ދުރަށް ނުދާނޭގޮތަށް ހަރުކުރުން (6) ގަސްގަހާގެހީން މަލާއި މޭވާނުކުތުން (7) އެއްޗެއްގެ ބައެއް އަނެކައްޗެއްގައި ޖެހި ހަރުލާނޭގޮތްވުން (8) ބޭސްފަދަތަކެތި ގައިގާ ބޯކޮށް ތަތްކުރުން (9) އަދުންފަދަ ތަކެތި ލޮލުގެ ރަވައިގާ ކާއްތައިލުން )01( ތަވީދުފަދަ ތަކެތިގައިގާ ބަނުން (11) ހަށިގަނޑުގެ ގުނަންތަކުގައި ގަހަނާ ފަދަ ތަކެތި ހަރުލާގޮތް ހެދުން (21) ހެދުން ގަޔަށްލުން )31( ތާކިހާ ރުމާފަދަ ތަކެތި ބޮލުގައި ބެހެއްޓުން )41( ފާފަވެރިވާ ގޮތުން އެކަކު އަނެކަކާ ޝަހުވާނީ އެދުމުގައި ކަމެއް ކުރުން މިބަސް ގިނައިން ބޭނުންކުރާނީ އެއްޖިންސްގެ ދެމީހުން މިބާވަތުގެ ކަމެއް ކުރީ މައެވެ
އެކިއެކި
ނއ އެކެއް އެކެއް މިބަސް ބޭނުންކުރަނީ ގިނަބައެއްގެ ތެރައިން ނުވަތަ ގިނައެއްޗެހި ތަކެއްގެ ތެރައިން އެކަކުން ވަކިކޮށް ބުނުމަށެވެ
އެކުން
އތ (1) ހިސާބަށްވުރެ ބޮޑަށް. (2) މާ މިބަސް ބޭނުންކުރަނީ ނަފީގެ ގޮތުގައެވެ. މިސާލު: އެކުން ބާރަށް ނުހިނގާ އެކުން ގިނައިން ނުކައި
އެއްވެސް
އ (1) އެކައްޗެއްވެސް (2) އެއްކަމެއްވެސް މިބަސް ބޭނުންކުރެވެނީ ނަފީގެ ގޮތުގައެވެ މިސާލު: އެއްވެސް ކަމަކު ނޫން އެއްވެސް ތާކު ނެތް
އެއްލައިލުން
މ (1) ތިމާގެ އަތުން ނުވަތަ ފައިން ބާރުލާ އެއްޗެއް ދުރަށް ފޮނުވައިލުން (2) މަޖާޒު: ގެންގުޅޭ މީހަކު ބޭނުންނެތިގެން ނިކަމެތި ގޮތުގައި ބޭރަށްލުން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެއްގޯސްވުން
މ (1) ޤަވާއިދާ ޚިލާފަށްކަމެއް އާދަވުން (2) ކަމަކުން ބޮލަށް އުނދަގޫ ވޭވޭގޮސް ހިސާބަކަށް އެކަމަށް ހޭނުން
އެއްސުން
މ ބަނުން
އެއްޗަކަށްހެދުން
މ (1) އެއްވެސް ކަމަކަށް ބޭނުން ނުހިފޭނޭހެން ހީވާ އެއްޗަކުން ބޭނުން ހިފާކަހަލަ އެއްޗެއް ހެދުން (2) އެއްވެސް ތަރުބިއްޔަތެއް ނެތި ހުރި މީހަކު ކޮންމެވެސް ކަމެއްގައި ބޭނުން ހިފޭނެގޮތް ހެދުން (3) ބޭނުމެއް ނުހިފިފައި ހުރި މީހަކު ކަމެއްގެ ތެރޭގައި ގެންގުޅޭން ފެށުން (4) މީހަކު އެއްވެސް މަޤްޞަދެއްނެތި ބުނެލި ބަހަކުން ނުވަތަ ކުރިކަމަކުން ރަނގަޅުގޮތުގައި ނުވަތަ ނުބައިގޮތުގައި އަނެކަކު އޭގެ ނަތީޖާ ނެރުން ނުވަތަ ނެރޭން އުޅުން
އެއްޗަކަށްވުން
މ (1) ބޭނުން ނުހިފޭކަހަލަ އެއްޗެއް ބޭނުން ހިފޭގޮތްވުން (2) ތަރުބިއްޔަތު ނުވެވޭނޭހެން ހީވާ މީހަކު ކަމެއްގައި ބޭނުން ހިފޭގޮތްވުން (3) ކަމުދިއުން (4) ކުޅަސަމާސާއެއް ވިހަވުން (5) މަޤްޞަދެއްނެތި ކުޅަކަމަކުން އޭގެ ފޮނި ނުވަތަ ހިތި ނަތީޖާ ފެނުން
އެމުނުން
މ ނަރު ދަނޑިފަދަ އެއްޗަކަށް އަނެކައްޗެއް މަހައިލުން މިސާލު: ތަސްބީހަ އެމުނުން ސިޓީ އެމުނުން
އެދުން
ނ (1) ކަމަކަށް ހިތުގައި އުފެދޭ ބޭނުން މ (2) ހިތްކިޔުން
އެދުންވެރި
ނއ (1) ކަމަކަށް އެދިފައިވާ (2) ކަންތަކަށްބޮޑަށް ބޭނުންވާ
އެދުންވެރިވުން
މ ކަމަކަށް ބޭނުންވުން
އެތައްދަޅިއެއްލުން
މ )ސ ( މަޖާޒު: އެތައްގެއަކަށް ވަނުން