radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ރައީސްކަން
ނ (1) ޖުމްހޫރީ ވެރިކަމުގެ އިސްވެރިކަން. (2) ޖަމްޢިއްޔާ ކޮމިޓީ މަޖިލިސް ފަދަ ތަންތާގެ ވެރިކަން
ރައުސްމާލު
ނ (1) ވިޔަފާރިއެއް ހިންގުމަށް ގެންގުޅޭ ފައިސާ. (2) ފަރުދެއް ނުވަތަ ޖަމާޢަތެއްގެ މިލްކުގައިވާ މުދާ
ރައްކައުކުރުން
މ (1) ސަލާމަތް ކުރުން (2) ފޮރުވުން (3) ވިއްސުމަށް މާތްބަހުންނާއި އެންމެ މާތްބަހުން ކިޔާގޮތް
ރައްކައުވުން
މ (1) ސަލާމަތްވުން (2) ފިލުން (3) ވިހެއުމަށް މާތްބަހުންނާއި އެންމެ މާތްބަހުން ކިޔާގޮތް
ރައްކައުތެރި
ނއ (1) ސަލާމަތް (2) ޙިމާޔަތްތެރި (3) ނުރައްކަލެއްނެތް
ރައްކައުތެރިކަން
ނއނ (1) ސަލާމަތްކަން (2) ޙިމާޔަތްތެރިކަން (3) ނުރައްކަލެއްނެތްކަން
ރައްކައުތެރިވުން
މ (1) ސަލާމަތްވުން (2) ޙިމާޔަތްތެރިވުން (3) ނުރައްކަލެއްނެތުން
ރައްކަލު
ނ ފިރިހެނުންނަށް ކިޔާވަނަމެއް
ރައްކާ
ނ (1) ސަލާމަތް (2) އެއްޗެއް ފޮރުވާ ފޮރުވުން (3) ފަޗިސްފޮތިގަނޑުގެ މެދުން ދެފަރާތުގައި ބުރަފަތިކޮށް ބަގިޔާޖަހައިފައި ހުންނަގޮޅި
ރައްކޯބައިން
ނ )ސ ( (1) ރިޔާ ކުނބުކުރީގައި ގެއްސުމަށް ހަންޖާވާންކުރާއިރު ދެހަންޖާއެއްކޮށް އަތްފޯރާ ހިސާބުގައި ބަންނަވާފަށް (2) ގުޅިރުއްކަނޑާއިރު ރުކާއެއްކޮށް އުނަގަނޑުގައި ބައްދާވާފަށް (3) މަޖާޒު: ބައެއްޒާތުގެ ކަންކަމުގައި ރައްކާތެރިކަމުގެ ގޮތުން އަޅާ ފިޔަވަޅު މިސާލު: މިރުސްގަސް ފަދަ ގަސްގަސް އިންދައިފައި އެތަންވަށާ ދަމާފަށް
ރައްޔިތުންގެދިދަ
ދިވެހި ދިދަޔާ އެއްގޮތަށް ކުލަތައް ހުރެފާ ހަނދުފަޅީގެ ބަދަލުގާ ހުދުކުލައިން އެއަތޮޅެއްގެ އަކުރު ޖަހައިފައި ހުރި ދިދައެއް މި ދިދަ ބޭނުން ކުރައްވައި އުޅުއްވީ އަތޮޅުވެރިން އަތޮޅު ތެރޭގައި ދަތުރު ކުރައްވާއިރުއެވެ
ރައްޔިތުގެ
ނ ރާއްޖޭގެ ރަށްރަށުގައި ރައްޔިތުންގެ ކަންތައްތައް ހިންގައި އުޅުނު ގެ
ރަވަ
ނ (1) ލޮލުގެ ކައިރިފަށް (2) އެސްފިޔަފަޅައިފައި ހުންނަތަން (3) މަސްގަނޑު ނުވަތަ އައިންތިލަވެގެން ކުރިޔަށްދާއިރު ހެދިފައި ހުންނަ ކުދިކުދިރާޅުތައް
ރަވަޖެހުން
މ (1) މަސްއައިނުގައި "ރަވަ" ހެދުން (2) މަސްގަނޑު ނުވަތަ އައިންތިލަވެގެން ކުރިޔަށްދާއިރު ހެދިފައި ހުންނަ ކުދިރާޅުތައް އުފެދުން
ރަވޯ
ނ ކުޑަކުދިންނާ ފޮށިގަންނަކަމަށް ބުނާ ދެތްވެއް މީގެ އުނދަގޫ ޖެހުމުން ކުއްޖާ ބަލިވެއުޅެން ފަށައެވެ މަތިބަލައި ރޮއިހަދައެވެ ބޮޑުވުން ހުއްޓި ކަޅުކަޅީގެ ކުލަ ހުދުވެއެވެ ބޯބޮޑުވެ ގާތުން ކިރު ނުބޯންއުޅެއެވެ މިބަލިޖެހިފައިތިބޭ ކުދިންނަށް ރަވޯ ކައިފައިތިބޭ ކުދިންނޭ ކިޔައެވެ
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ
ރަމަތަ
ނއ (1) ހިމޭން (2) ކިޔަމަންތެރި (3) މައިތިރި (4) ނ ހަމަޖައްސާ ހަމަޖެއްސުން
ރަމަތަކަން
ނއނ (1) ހިމޭންކަން (2) ކިޔަމަންތެރިކަން (3) މައިތިރިކަން (4) ހަމަޖެހޭކަން
ރަމަތަކުރުން
މ (1) ހަމަޖެއްސުން (2) ކިޔަމަންކުރުން (3) މައިތިރިކުރުން (4) ހިމޭންކުރުން