radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ދެބެއިން
ނ (1) އެއްބަނޑު އެއްބަފާ ނުވަތަ އެއްބަނޑު ނުވަތަ އެއްބަފާ ނުވަތަ ގާތްތިމާގެ ދެމީހުން ނުވަތަ ދެކުދިން (2) )ޏ ސ ( އެއްބަނޑު އެއްބަފާ ނުވަތަ އެއްބަނޑު ނުވަތަ އެއްބަފާ ނުވަތަ ގާތްތިމާގެ ދެފިރިހެނުން ނުވަތަ ދެފިރިހެން ކުދިން
ދެކުނުފަރާތް
ނ (1) އިރުމައްޗަށް މޫނުލައިގެން ހުންނަމީހާގެ ކަނާތް ފަރާތް. (2) އިރުހިނގާ ދަނޑިން ނުވަތަ ރަށެއްގެ ނިސްބަތުގައި ދެކުނަށް އޮންނަތަން (3) މަޖާޒު: އިހުގައި ގޭގޭގައި އަންހެނުން އުޅޭ ފަރާތް
ދެކުނުދަނޑި
ނ އިރުހިނގާ ތިންމަގުން )ދަނޑިން( ކުރެ އެންމެ ދެކުނަށް އޮންނަމަގު
ދެކޮޅުންކާވެން
ނ މަޖާޒު: (1) އަންހެނުންނާވެސް ފިރިހެނުންނާވެސް ޖިންސީގުޅުން ބަހައްޓާ ފިރިހެނާ (2) ދެފަރާތުން ފައިދާނަގާ މީހާ
ދެކޮޅުވެރި
ނއ (1) ޙަސަދަވެރި (2) އެއްބައިވުމެއްނެތް (3) ދެބަސްވާ (4) ނޭއްގާނި
ދެކޮޅުވެރިކަން
ނއނ (1) ބައެއްގެ ކިބައިގައި ނުވަތަ މީހެއްގެ ކިބައިގައި ހުރި ނޭއްގާނިކަން (2) އެއްބަސްނުވާކަން (3) ދެބަސްވާކަން (4) އެއްބައިވުމެއްނެތްކަން (5) ހަސަދަވެރިކަން (6) ނޭއްގާނިކަން
ދެއަތަށްދޭތިއެއްލައެއްލައިހުރުން
ގބ ރިޔާނަގާ އެއްޗެހީގައި ދެއަތަށް އަނބުރައަނބުރައި ހުރުން
ދެވުން
މ (1) ކައިވެނިކުރުވުން ނުވަތަ ކޮށްދިނުން (2) އަލިފާނުގެ ހޫނުން ހަނާކުރުން (3) ދިއުން މިބަސް އިޚްތިޔާރަކާނުލައި ކުރެވުނީމާ ބުނާގޮތް (4) ގާ ނުވަތަ އަކިރި އަންދައި އުވަޔަށް ހެދުން
ދެމުރިނގު
ނ އަރާމުރިނގާއި އޮއްސޭ މުރިނގު
ދެފަށްހުޅި
ނ ހުޅިޖަހާއިރު އިސްތަށިގަނޑު އޮޅައިލުމަށް ފޮތިން ހަދައިފައި އޮންނަ އެއްޗެއް މިއީ ގާތްގަނޑަކަށް ހަތަރު އިންޗި ފުޅާމިނުގެ ހަނިދިގު ފޮތިކޮޅެއް ބާރަށް އޮޅައިލައިގެން ހަދައިފައި އޮންނަ އެއްޗެކެވެ މިގޮތަށް ހުޅިޖަހަނީ އިސްތަށިގަނޑު ކުރުވީމައެވެ
ދެފުށަށްކެނޑުން
މ މަޖާޒު: އެއްކަމަކާ ބެހޭގޮތުން ދެމީހެއްގެ ގާތުގައި ދެގޮތަށް ވާހަކަ ދެއްކުން
ދެފޫދޯރި
ނ (1) މަހުފުލަށް ފޭލިއަނދެފައި ހުންނައިރު ހުންނަގޮތް (2) މަޖާޒު: އެއްވާހަކައެއް ދެމީހެއްގެ ގާތުގައި ދެގޮތަށް ދައްކައި އުޅޭ މީހާ
ދެލިއިންޖީނު
ނ ބޯޓުދެލި އަންދައިގެން ހިންގާ އިންޖީނު
ދޮންކަމަނަ
ނ (1) ދިވެހިއަންހެނުންނަށް ކިޔާނަމެއް (2) މަޖާޒު: ދިއްގާމަލުގެ ކަރުގަނޑު
ދޮންއައިސާފުޅު
ނ (1) )ޅ ( މަހުގެ ބާވަތެއް މިއީ ބޭރުމަތީގައްޔާއި ފަޅުތެރޭގެ ބައެއް ގާގަލުގައިއުޅޭ ވަރަށް ރީތިމަހެކެވެ (2) އަންހެނުންނަށް ކިޔާ ނަމެއް
ދޮސްމޮހޮރު
ނ ލޮލުންނަގާ ބައްޔެއް
ދޯޅު
ނ (1) މުޑިކާށީގެ މުޑީގެ ބޭރުގައްޔާއި ކާށީގެ އެތެރޭގައި ހުންނަ ކާށިތެޔޮ މިހުންނާނީ ގަނޑުވެފައިހުންނަ ކިރުހެންނެވެ (2) ވަގު ކަމާއި ސިހުން ފިލައިގެންވާ ގާތް
ދޯދިނުން
މ މީހެއްގެ ތާއީދުހޯދުމަށް އެމީހެއްގެ ގާތުގައި ދޯއޭ އަހައިލުން
ދޯޕައްޓާ
ނ ޕާކިސްތާނު ހެދުމުގައި ކޮނޑުމައްޗަށް އެއްލައިފައި އޮންނަ ހަނިދިގު ތުނި ފޮތިގަނޑެއް މިބުރުގާއެއްގެ ގޮތުގައިވެސް ބޭނުން ކުރެއެވެ
ތަނުއެޅިކުނަލެއްހެން
މަޖާޒު: (1) މީހަކު ބަލިހާލު ބޮޑުވެގެން މާގިނަ ދުވަހު ތަންމަތީގައި އޮވެ ހިކި އަނަރޫފަވުމުން ބުނެއުޅޭ ބަހެއް (2) ގެއަކަށްވަދެ ގަދަކޮށްގެން އަބަދުހެން އެގެއެއްގައި އުޅެން ފެށުމުން ބުނެއުޅޭ ބަހެއް (3) ޖިންސީ ގުޅުން ހިންގާއިރު އަންހެނަކު ހިސާބަށްވުރެ ލޮނު މަޑުވުން ބުނެއުޅޭ ބަހެއް