radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ރަދަ
ނ )ސ ( (1) ކަށްޓަކުން ނުވަތަ ތޫނުއެއްޗަކުން ކޭއްތިގެން ގައިގެ ހަމުގައި އެޅޭ ކޫރު (2) ގަސްގަހުގައި ރޮނގުގޮތަށް ހުންނަ ރެނދު
ރަދި
ނ ދޮށްދަނޑީގެ ފުލުގައި އެޅުވުމަށް ހެތުރުގައި ޖަހާމަޅި
ރަތަބަޑި
ނ ދޮންދޫނީގެ ބާވަތެއް މީގެ ހަށިގަނޑު ހުންނާނީ ކަޅުރަތްކުލައިގައެވެ ތިރީދެފިޔައިގެ ބުޑުދޮށުގައި ދޮންރަތްކުލައިގެ ލަކެއް ހުންނާނެއެވެ
ރަތަކަޅޯއް
ނ )މ ( ކަޅުއޮށުގެ ބާވަތެއް: މީގެ ނިގޫ ފަތާއި ކަންފަތާއި އުރަހައާއި ތުނބުގައި ހުންނާނީ ރީނދޫ ކުލައެވެ
ރަތާނޑާ
ނ )ގ ( ފޭއްޔާއި ކުނަލުގައި ކަޅުރަތްކުލައިގައި ހުންނަ ތަން
ރަތުރުއް
ނ ރަތްރީނދޫ ކުލައިގައި ހުންނަ އެއްޗެހި ގަންނަ ރުއް
ރަތޫ
ނ )ސ ( އިހުގައި ފޭލިވިޔެ އުޅުނު އިރު ފޭލިވިޔަން ރަތްކުލަ ޖައްސައިފައި ހުންނަ އުއި
ރަތް
ނ (1) ވިއްސާރަ ދުނީގެ ކުލަތަކުގެ ތެރެއިން އެންމެ ތިރިޔަށް ހުންނަ ކުލަ (2) ސާފުލޭގައި ހުންނަ ކުލަ (3) ބެރެބެދިމަލުގައި ހުންނަ ކުލަ މިބަސް ނަން އިތުރަކަށްވެސް ބޭނުންކުރެއެވެ
ރަތްހިނި
ނ ހިނީގެބާވަތެއް މިއީ އެންމެ ކުދި ހިންޏަށްވުރެ ތަންކޮޅެއް ބޮޑު ހިންޏެކެވެ މިހިނި ވަރަށް ބާރަށް ދާނާނެއެވެ މިއީ ރަތްމުށި ކުލައިގައި ހުންނަ ހިންޏެކެވެ
ރަތްރީނދޫމަސް
ނ އާއްމު ބައްޓަން ރީނދޫ މަހާ އެއްގޮތްމަހެއް މަހުގެ ކުލައަކީ ރަތްކުލައެވެ މަހުގެ ބުރަކަށި މައްޗާއި ދެއަރިމަތީގެ ކުލައަކީ ރަތްކުލަ ނުވަތަ ގަދަ ފިޔާތޮށި ކުލައެވެ މަހުގެ ދެއަރިމަތީގައި ދިގަށް ރީނދޫކުލައިގެ 01 ރޮނގު ނުވަތަ 21 ރޮނގު ހުރެއެވެ ކޮތަރިތައް ހުންނަނީ ރީނދޫ ކުލައެއްގައެވެ
ރަތްރުމާ
ނ ކުރީގައި ގެންގުޅުނު ރަތްކުލައިގައި ހުންނަ ފަލިޔާކާޓްރުމާ މިއީ އިހުގައި އަންހެނުން ބޮލުގައި އަޅައި އުޅުނު ޚާއްޞަ ރުމާލެކެވެ މިރުމާ ބޮކްސާ ބަނުމަށާއި ތާރަޖަހާއިރު ކަރުގައި އައްސަން ބޭނުންކޮށް އުޅުނެވެ
ރަތްބަނޑުލަނޑާ
ނ ލަނޑާގެބާވަތެއް: މިއީ ތޮށިކައިރީގައި އުޅޭ ބަނޑުދަށް ރަތް ކުލައިގައި ހުންނަ ލަނޑައެކެވެ ބުރަކަށިމަތީގައި ހުންނަނީ މަޑުރަތްކުލައެކެވެ
ރަތްބަރޮސް
ނ ބަރޮސްބަލީގެ ބާވަތެއް މިބަލީގައި ހަމުގައި ރަތްކުލައިގެ ލައްޖަހާފައި ހުރެއެވެ
ރަތްބައިން
ނ ކުނަލުގައި އަޅާ ކުރެހުމެއް
ރަތްބަގީޗާ
ނ ބަގީޗާގަހުގެ ބާވަތެއް މީގެ ފަތްތައް ހުންނާނީ ކަޅު ރަތްކުލައެއްގައެވެ ފަތުގައި ބޮޑެތިލައްތަކެއް ގޮތަށް ކުލަ ތަފާތު ވެލައިފައިހުރެއެވެ މިގަހުގެ މާ ވެސް ހުންނާނީ ކަޅުރަތް ކުލައެއް ގައެވެ
ރަތްބޭސް
ނ ބޭހުގެބާވަތެވެ މިބޭސްހުންނާނީ ރަތްކުލައިގައެވެ މިބޭސްބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭތަންތަނގައާއި މެށޭތަންތާނގައި ފާރުހިއްކުމަށްޓަކައި އުނގުޅައެވެ
ރަތްބޯ
ނ )ސ ( ހިކާގެ ބާވަތެއް މިހިކައިގެ ބޮލުން ފެށިގެން ނަގުލާ ހަމައަށް މަހުގެ ދެފަރާތުގައި ކަޅުރަތް ކުލައިގެ ދެރޮނގު ހުރެއެވެ މަހުގެ ކުލައަކީ މަޑުފިޔާތޮށި ކުލައެވެ ލޮލުގެ ކައިރި ހުންނަނީ ރީނދޫ ކުލައިގައެވެ ވަދުމަސްވެރިކަން ކުރާއިރު މިހިކާ އެމަށްވެސް ބޭނުންކޮށް އުޅެއެވެ
ރަތްކަށިމާ
ނ ކަށިމަލުގެ ބާވަތެއް މިބާވަތުގެ މަލުގައި އާދައިގެ ކަށިމަލުގައި ހުންނަ ކަހަލަ މީރު ވަހެއް ނުހުންނާނެއެވެ
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ރަތްކަޑިމަދު
ނ )ދ ( ދޮންމަދުގެ ކާބައި ވަކިކޮށްލީމާ އޮށްގަނޑު ރަންކުލައިގައި އޮންނަ މަދު