radheef.info
ރަދީފު


ތަން
ނ (1) ޖާގަ (2) މަންޒިލު (3) އެޑްރެސް
ދޭހަ
ނ (1) އެނގޭ އެނގުން (2) ބދ ފެންނަހައިތަން (3) މޭރުންވާ މޭރުންވުން (4) )ގ ( ހޯގުޅާ
ދޭވާނި
ނ (1) ތަޢުޒީރުކުރާ މީހާ (2) އިހުގައި ސަރިއަތް ކުރާތަންތާނގައި ޕިޔޯނެއްގެ ވަޒީފާ އަދާކުރާ މިހާ
ދޭތެރެ
ނ (1) ދެމީހެއްގެ ނުވަތަ ދެއެއްޗެއްގެ ނުވަތަ ދެވަގުތެއްގެ ނުވަތަ ދެކަމެއްގެ ދެމެދު (2) މީހަކާ ނުވަތަ ކަމަކާ ނުވަތަ ތަކެއްޗަކާ ބެހޭގޮތުން މިސާލު: )ހ( އޭނާއާދޭތެރޭ )ށ( އެކަމަކާ ދޭތެރޭ (3) ހިނދު (4) ތަންވަޅު (5) ދަނޑިވަޅު
ދޭތެރެބެލުން
މ (1) ތަންވަޅުބެލުން (2) ދަނޑިވަޅު ބެލުން
ދޮންދޫނިލޯފިނދު
ނ ލޯފިނދުގެ ބާވަތެއް މިލޯފިނދު ބަބުރު ލޯފިދަށްވުރެ ތަންކޮޅެއް ކުޑަވާނެއެވެ
ދޮންދޮނާ
ނ (1) ފަރުމަހެއް މިއީ ރާބުޅަ ފާޑަށް ތަންކޮޅެއް ދިގުކޮށް ދޮންކުލައިގައި ހުންނަ މަހެކެވެ (2) އަންހެނުންނަށް ކިޔާނަމެއް
ދޮރު
ނ (1) ތަންތަނަށް ވަދެނިކުތުމަށް ހަދައިފައި ހުންނަ ތަން (2) މިފަދަ ތަންތާނގައި ލަކުޑި ނުވަތަ މަޢުދަނީ އެއްޗަކުން ހަދައިފައި ހުންނަ ފުރޭމު (3) އިންސާނުންނާއި ހައިވާނުންގެ ކުޑަކަމުނަޖިހާއި ބޮޑުކަމުނަޖިސް ނުކުންނަތަން (4) އިންސާނާގެ އެތެރެހަށްޓަށް އެއްޗެއް ވަދެނުކުމެވާ ކޮންމެތަނެއް މިސާލު: )ހ( އަނގަ )ށ( ނޭފަތް )ނ( ކަންފަތް މަޖާޒު: (5) މަގު (6) ގޮތް
ދޮރުފާރަވެރިޔާ
ނ (1) ދޮރުވާނު (2) ޢިމާރަތްފަދަ ތަންތާގެ ދޮރުމަތީގައި ފާރަޔަށް ތިބޭމީހުން
ދޮރުދަނޑިގަނޑު
ނ ތަންޑު ދަނޑިގަނޑު
ދޯނިނެގުން
މ (1) އަޅައިފައިހުންނަ ދޯނިފަހަރު އޮންނަތަން ނޫން އެހެން ތަނަކަށް ގެންދިއުން (2) އަރިކޮށްފައި އޮންނަ ދޯންޏެއް ތެދުކުރުން
ދޯނިކޮޅު
ނ (1) އިހުގައި ސަރުކާރުގެ އެކިއެކި ކަންކަމުގައި ތަންތަނަށް ދާން ބަނދެފައި ހުންނަ ފަލިޖަހާދޯނި މިދޯނީގައި ހުންނާނީ ރިއްސެއުފަށް ދަމައިފައެވެ (2) ދޯންޏަށް އެންމެ މާތްކޮށް ކިޔާގޮތް
ތަށިވަތް
ނ (1) ލަކުޑިއާއި އުވައިން ހަދާ ބައެއް ފާޑުގެ ތަނބުތަނބު ގައްޔާއި ބައެއް ދޮރުކަނީގައި އަޑިކޮށް ނަގައިފައި ހުންނަ ފަށްފަށާއި ބައެއް ތަންތަން (2) ބޮލުގެ ނާށިގަނޑު
ތަށިމަތި
ނ (1) ސުފުރާމަތި (2) ކާން ތައްޔާރުކޮށްފައި ހުންނަތަން (3) އެއްބަޔަކު ކައިނިމިފައި ހުންނަތަން
ތަށިމަތިބެލުން
މ (1) ބަޔަކު މީހުންނަށް ކެއުމަކަށް ދަޢުވަތުދީގެން އެބަޔަކުއައިސް ކާވަގުތު ތަކެތި މަދުވޭތޯ ބަލައި މަދުވާއެއްޗެއް ގެނެސް އެތަން ރަނގަޅަށް ބެލެހެއްޓުން (2) ސުފުރާމަތި ބެލެހެއްޓުން
ތަށިމުށި
ނ (1) ބަތްކާތައްޓާއި ޖޯޑުފަދަ ތަކެތި ތެޅުނީމާ ހުންނަ އެތިއެތި ކޮޅު (2) ފާރާއި ތަޅުންފަދަ ތަންތާނގައި ތަތްކުރާން ހަދައިފައި ހުންނަ މުށީގެ ހަތަރެސްކަން ފޮތި
ތަށިމުށިޖެހުން
މ ތަޅުންގަނޑު ނުވަތަ ފާރުފަދަ ތަންތާގައި ތަށިމުށި ތަތްކުރުން
ތަނޑި
ނ (1) އަތުގައި އަޅަން ބޭނުންކުރާ ގަހަނާއެއް މިއީ ހިމަކޮށް ވަށްކޮށް ހުންނައެއްޗެކެވެ (2) ގަހަނާގެ އެކަތި އަނެކައްޗާ ގުޅުވަން ނުވަތަ އޭތި އެހެން އެއްޗަކާ ގުޅުވަން އިތުރުކުރާ ބޮޅެއްހެން ހުންނަ ތަންކޮޅު (3) ގަސްގަހާގެހީގެފަތް ނުވަތަ އޭގައި އަޅާތަކެތި ގަހުގައި ހަރުލުމަށް ހުންނަބައި (4) ނަގިއްޔާއި ލޮތާރީގެ މައިދަގަނޑު (5) ބައިސްކަލުގެ ފިޔަވަޅު ހަރުކުރާތަން
ތަނޑިވަޅު
ނ ތަނޑިހުރިތަން
ތަނުއެޅިކުނަލެއްހެން
މަޖާޒު: (1) މީހަކު ބަލިހާލު ބޮޑުވެގެން މާގިނަ ދުވަހު ތަންމަތީގައި އޮވެ ހިކި އަނަރޫފަވުމުން ބުނެއުޅޭ ބަހެއް (2) ގެއަކަށްވަދެ ގަދަކޮށްގެން އަބަދުހެން އެގެއެއްގައި އުޅެން ފެށުމުން ބުނެއުޅޭ ބަހެއް (3) ޖިންސީ ގުޅުން ހިންގާއިރު އަންހެނަކު ހިސާބަށްވުރެ ލޮނު މަޑުވުން ބުނެއުޅޭ ބަހެއް
ތަނުވެޑުވުން
މ ކުއްޖަކު ދުނިޔެއަށް އައުމުން އެންމެ ފުރަތަމަ ތަންމައްޗެއްގައި ބޭއްވުން