radheef.info
ރަދީފު


ދ
ނ (1) ތާނައިގެ ބާރަވަނަ އަކުރު (2) ދިވެހި ވިޔައަކުރުގެ ތިނެއް
ހިތްހަލާލު ހޯދުން
މ (1) ހިތުގެ ރުހުން ހޯދުން (2) ހިތުގެ ސާފު ރުހުން ލިބިގަތުން މިކަމަކީ ފިރިމީހާގެ ކިބައިން އަނބިމީހާ މައިންބަފައިންގެ ކިބައިން ދަރިން އެދުރުންގެ ކިބައިން ދަރިވަރުން ލިބިގަންނަ ކަމެކެވެ
ހިތްހިތެކޯތް!
އ (1) ހިތަށްއެރި ގޮތެއްހަދާށޭ (2) ބޭނުންމީހަކު ގެންދާށޭ
ހިތްހިތެކޯގޮވުން
މ (1) ހިތަށްއެރި ގޮތެއް ހަދާށޭގޮވައިލުން (2) ބޭނުންމީހަކު ބޭނުން ވަރަކަށް ގެންދާށޭ ގޮވައިލުން
ހިތްހުއްޓުން
މ ހިތުގެ ހިނގުން ބަންދުވުން
ހިތްހެޔޮކުރުން
މ (1) ހިތްބަރުކަމެއް ނުބޭއްވުން (2) ނުރުހުމެއް ރުޅިވެރިކަމެއް ހިތުގައި ނުބޭއްވުން (3) މަޖާޒު: ހިތުން ފިލުވައިލުން މިސާލު: އަހަރެންގެމަތިން ހިތްހެޔޮކޮށްލާށޭ މިހެންބުނެފިނަމަ އޭގެމާނައަކީ ހަނދާންނައްތާލާށޭ މިއެވެ
ހިތްނުބައި
ނއ (1) ހިތްހެޔޮކަމުގެ އިދިކޮޅު (2) މީހާގެ އެތެރެފުށްވާނުސާފު (3) ނުނިޔަތްލާ (4) ހަސަދަވެރި (5) ރުޅިވެރި
ހިތްނުބައިކަން
ނއނ (1) މީހާގެ އެތެރެފުށް ނުސާފުކަން (2) ޙަސަދަވެރިކަން (3) ނުނިޔަތްލާކަން (4) ހިތުގައި އުފެދޭ ރުޅިވެރިކަން
ހިތްނުބައިވުން
މ (1) މީހާގެ އެތެރެފުށް ނުސާފުވުން (2) ހަސަދަވެރިވުން (3) ނުނިޔަތްލުން (4) ރުޅިވެރިކަން އުފެދުން
ހިތްބަންޑުންކުރުން
މ (1) ހިތުގެ އެދުންތައް ހާމަކުރުން (2) ލޯބި ފާޅުކުރުން
ހިތްބަލި
ނއ (1) އަވަހަށް އަސަރުކުރާގޮތް ހުންނަ (2) ފިނޑި (3) ހިތްވަރު ދެރަ
ހިތްބަލިވުން
މ (1) ފަސޭހައިން ހިތުގައި ޖެހުން (2) ކިތަންމެ ކުޑަކަމުންވެސް އަވަހަށް އަސަރުކޮށް މޮޅިވުން (3) ކަންތަކާ މާބޮޑަށް ދެރަވުން
ހިތްކާފަރުކުރުން
މ މަޖާޒު: ޝަހްވާނީ ޚިޔާލު ހިތަށް ވެއްދުން
ހިތްކިޔުން
މ (1) ހިތް އެދުން (2) ޝައުޤުއުފެދުން (3) ލޯބިއުފެދުން (4) ބޭނުންވުން
ހިތްކުޑައިކުރުން
މ (1) ދެރަވުމާއެކު މޮޅިވުން (2) މޮޅިވުން
ހިތްކޮށި
ނއ (1) ހިތުދަސްކުރުމުގެ ބާރު ދެރަ (2) ހިތްގައު
ހިތްކޮށިކަން
ނއނ ދަސްކުރުމުގެ ބާރު ކުޑަކަން
ހިތްއަތުލުން
މ (1) މީހެއްގެ ހިތުގައި ތިމާގެ މައްޗަށް ލޯބިއުފެއްދުން (2) ތިމާގެ މައްޗަށް ހިތްލެންބުން
ހިތްއަލި
ނއ (1) ހިތުދަސްކުރާން ފަސޭހަ (2) މޭދާ ގަދަ
ހިތްއަލިކަން
ނއ (1) ހިތުދަސްކުރާން ފަސޭހަކަން (2) މޭދާގަދަކަން
ހިތްއަލިވުން
މ (1) ހިތުދަސްކުރާން ފަސޭހަވުން (2) މޭދާގަދަވުން