radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ބޮޑުޒާތުކުޅިގަނޑު
ނ އޮށްވަޅު ގޮނޑީގައި ކުޅޭ ކުޅިގަނޑެއް މިކުޅިގަނޑު ކުޅުމަށްގޮސް ހިނދޭނީ ކުޅޭ ފަރާތުގެ 6 ވަނަ ވަޅަށެވެ ހިނދުމުން އެވަޅާ ދިމާވަޅު ބޮވުނީއެވެ އެވަޅާ ދިމާވަނީ އަނެއް ފަރާތުގެ ތިންވަނަ ވަޅާއެވެ އޭރު އެންމެ ބޮލި ގިނަވާނީ އެވަޅުގައެވެ މިކުޅިގަނޑުގައި ހިލަންޖެހޭނީ ފަންސަވީސް ވަޅެވެ
ބޮޑުޞަލަވާތް
ރކ (1) ބޮޑުލަވައިގެ ދިގުރާގެއްގައި ކިޔާ ޞަލަވާތް (2) މާބޮޑު ބިރުވެރިކަމެއްފެނިގެން އެއްހާސްފަހަރު ހަމަކޮށް ކިޔާ ތުންޖީނާ ޞަލަވާތް
ބޮޑެތިމީހުން
ނ (1) ކޮންމެ ބައެއްގެ ތެރޭންވެސް އިސްމީހުން (2) ބަސްވިކޭ މީހުން (3) ކުޑަކުދިންނޫން މީހުން
ބޯހިކޭވަރުވުން
މ މަޖާޒު: (1) ދަރަނިވެރިވެފައިވާ މީހަކު އެކަމުން ކިރިޔާ ސަލާމަތްވުން (2) ކޮންމެ ދަތިކަމަކުން ނަމަވެސް ކިރިޔާ މިންޖުވުން
ބޯހިމެނުން
މ (1) ރަށެއްގައި ތިބި މީހުންގެ އަދަދު ބެލުން. (2) މީހުންގެ އަދަދާއި ޖިންސާއި ޢުމުރާއި ކުރާ މަސައްކަތާއި ތަޢުލީމާއި މިބާވަތުގެ ހުރިހާ ކަމެއް ތަފްޞީލުކޮށް ބެލުން
ބޯހުރިމަޑި
ނ )މ ( މަޑީގެ ބާވަތެއް މިއީ ބުރިކަށިމަތި ކަޅުކޮށް ބަނޑުދޮށް ހުދުކޮށް ނަގޫކުރުކޮށް ހުންނަ މަޑިއެކެވެ މީގެ ނަގޫ ހުންނާނީ ދެފަރާތުގެ ފިޔަގަނޑާ ގުޅިފައެވެ މިއީ ވަރަށްފުނުގައިއުޅޭ ފުމޭ މަޑިއެކެވެ މިމަޑީގެ ބޯ ހުންނާނީ އެހެންމަޑިތަކާ ތަފާތުކޮށް ކުރިޔަށް ނުކުމެފައެވެ
ބޯނށިފިއަ
ނ )ޏ ( ހިބަރުގައި ހުންނަ ތަނެއް މިތަން ހުންނާނީ ފޫޅާއި ނިގުލާއި ގާތު ހުންނަ އުރަހައާއި ދެމެދު- ބަނޑައިދުލުގެ މިސާލުގައެވެ މަހުގެ މިތާނގައި ތެޔޮގިނަވުމުގެ ސަބަބުން ބައެއް މީހުނަށް އެހެންތަންތަނަށްވުރެ މީރެވެ
ބޯނަސް
ނ ޢާންމުކޮށް ނުވަތަ ކޮންމެހެންދޭންޖެހޭ މިންވަރަށްވުރެ އިތުރަށްދެވޭ ކޮންމެ އެއްޗެއް
ބޯނުބައިވުން
މަޖާޒު: (1) ބުއްދިކޮށިވުން (2) ދިމާވިކަމަކުން ސިކުނޑިއަށް އުނދަގޫވުން (3) ކަމެއްގެ ސަބަބުން އެވަގުތަށް ވިސްނުން ކޮށިވުން
ބޯބޯމަތިން ނެގުން
މ އެންމެންގެ އަތުން އެއްޗެއް ނެގުން
ބޯކަން
ނއނ (1) ތުނިކަން މިބަހުގެ އިދިކޮޅު (2) އެއްޗެއްގެ ދެފުށުގެ ދެމެދުގައި ހުންނަ ދުރުމިނުގެ ފުޅާކަން
ބޯކަފި
ނއ ބޮލުގެ މެދަށް އަޑި އަދި ދެމުލި ނުކުމެފައިވާ
ބޯކިބާ
ނ ފުށަށް ކާށިކިރު ނުވަތަ ހުނިއަޅައިގެން ފޮނިކޮށް ނުވަތަ ލޮނުކޮށް ފިހާ ހެދިކާއެއްޗެއް މިފިހަނީ ކޮންމެވެސް ކަންވާރަކަށް އަޅައިގެންނެވެ
ބޯކޮޅުބެލުން
މ މަޖާޒު: ކަމަކާމެދު ޝައްކުކުރެވިގެން މީހަކު ނުވަތަ ބަޔަކުގޮސް އުޅޭ ތަންތަނާއި ވަދެއުޅޭ ތަންތަން އެމީހަކަށް ނުވަތަ އެބަޔަކަށް ނޭނގޭގޮތަށް ބެލުން
ބޯވަ
ނ (1) ފަރުފަރާއި ފަޅުފަޅުގެ ބޭރުމަތީގައްޔާއި ތިލަފަޅުމަތީގައި ދިރިއުޅޭ އެއްޗެއް މި ދިރިއުޅެނީ ހަރުގައެވެ މީގައި އަށްފައި ހުރެއެވެ މިފައިގައި ހުންނަ އުންތަކުގެ ބާރުން ތަންތާނގައި ތަތްކޮށްލައެވެ މީގެ ކުލައެސޮރު އުޅޭ މާހައުލާ ގުޅުވައިގެން ބަދަލުކޮށް ހަދައެވެ (2) ބޯވައެއްގެ ސިފައިގައި އަޅާކުރެހުމެއް (3) ހުދުހަމުގައި ދުޅަވާ ބަލިކަމެއް
ބޯވަޅު އެޅިބޮޑުރިޔާނެގުން
މ (1) އިހުގައި އޮޑިކޮޅުގައި ރަސްމީ އިއްޒަތުގައި ދަތުރަކުދާއިރު ބޯަވައެޅި ރިޔާނެގުން (2) މަޖާޒު: އޮތް އެންމެ ޒީނަތްތެރި ހެދުންލުން
ބޯވައެޅިރިޔާ
ނ (1) އޮޑިކޮޅުގައި ރަސްމީ އިއްޒަތުގެ ދަތުރަކުވަޑައިގަންނަވާއިރު އެއޮޑިކޮޅުގައި ނަގާ އުޅުނު ރިޔާ (2) މަޖާޒު: އޮތް އެންމެރީތި ހެދުން
ބޯވަޖެހުން
މ އަތްތިލައިގަޔާ ފައިތިލައިގެ ބަނޑުފުށުގެ މެދު ގަނޑުލައިފައި ދުޅަވުން މިގޮތަށް އަޑީގައި ގަނޑުލައިފައި އޮންއިރު އޮންނާނީ ބޯވައެއްގެ ސިފައަށެވެ
ބޯވިއްދާ
ނ ވަރުގަދަ އިންޖީނެއް ލައިފައި އޮންނަ ކުޑަ އާގުބޯޓެއް މީގެ މަސައްކަތަކީ ބޮޑެތި ބޯޓުފަހަރުގައި މައްޔާ ވިއްދައިގެން އަނބުރައިލުމާއި ބޮޑެތި އެއްޗެހި ކަފުޖަހައިގެން ގެންދިއުމެވެ
ބޯފޮޅިޔަށް ވަޑައިގަތުން
މ ބޯފޮޅިދުވަސް ދުވަހުގެ ހަވީރު ނުވަތަ ރޭގަނޑު އެތެރެކޮއިލު މިސްކިތްތެރެޔަށާއި މެދު ޒިޔާރަތް ދޮށަށް ހުކުރުމިސްކިތްތެރެޔަށާއި ދަންނަ މުޙައްމަދު ރަސްގެފާނު މިސްކިތްތެރެޔަށް ފާތިޙާ ވިދާޅުވަން ރަދުން ނުވަތަ ރަދުންގެ ބަދަލުގައި ޢިއްޒަތަށް ވަޑައިގަންނަވާ ބޭފުޅަކު ރަސްމީ ޢިއްޒަތުގައި ވަޑައިގަތުން