radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ކަށިބުރޮޅި
ނ ބޭހަށް ބޭނުންކުރާ އެއްޗެއް މިއީ ހިކި އުނިއޮށެއް ހެން އޮންނަ އެއްޗެކެވެ މީގެ ބޭރުގައި ކަށިއުންތަކެއް ފަޅައިފައި ހުރެއެވެ
ކަށިބޯ
ނ މޫދުގައި އުޅޭ ހިޔަމަ އާއިލާގެ ފައިގިނަ އެއްޗެއް މިއީ ފަސްއިނގިލީގެ ބާވަތެކެވެ މީގެ ފައިތަކުގައި ހުންނަކަށިތަކުގެ އަދަދު ގިނަވާނެއެވެ މިއީ ރޯގަލުގެ ދިރޭ ފަށަލަ ކާލާ އެއްޗެކެވެ އެހެންކަމުން ފަޅައިގެން ގޮސްފައި ހުންނަބައި ފެންނާނީ ކަޅު ކުލައިގައެވެ އޭގެ އަޑިން ފެންނަނީ ދަނބުކުލައެވެ މީގައި 8 ފަޔާއި 12 ފަޔާ ދެމެދުގެ ޢަދަދަކަށް ފައިހުރެއެވެ
ކަށިކެޔޮލިޔާވަޅި
ނ ކަށިކެޔޮ ލިޔަން ޚާއްޞަކޮށް ހަދައިފައި ހުންނަ ވަޅި މީގެ ތިލައިގެ ދިގުމިނަކީ ގާތްގަނޑަކަށް ތިން އިންޗިއެވެ މުށްގަނޑުގައި ގާތްގަނޑަކަށް މުށެއް ހުރެއެވެ މިނޫންގޮތް ގޮތަށްވެސް މިވަޅިހަދައި ފައި ހުރެއެވެ
ކަށިކޮތަން
ނ ކޮތަނުގެ ބާވަތެއް މިއީ ގޮފި ގިނަ ގޮފިތަކުގައި ކަށިހުންނަ ގަހެކެވެ މިގަހުގެ ފަތުގެ މަތީ ފަރާތުގައި އަޅައިގަންނަ ކަހަލަ ކެހެރި ތަކެއް ހުރެއެވެ މިއީ އެއްތަނޑެއްގައި ބޮނޑިއަކަށް މާއަންނަގަހެކެވެ މީގެތެރޭގައި އެކިކުލަކުލައިގެ މާއަޅާ ގަސްހުރެއެވެ މިގަހުގެ މަލާއި ފަތުގައި ގަދަ ޒަވިވަހެއް ހުރެއެވެ
ކަށިއަރޮޅި
ނ ބޭހަށް ބޭނުންކުރާ އެއްޗެއް މިއީ އެތެރެ ބެދިފައި އޮންނަ ހަރު އޮށެއް ކަހަލަ އެއްޗެކެވެ މީގެ ކުލައަކީ ކަޅުކުލައެވެ މިއޮންނަނީ ހިކިފައިހުންނަ ބޮޑެތި މޭބިސްކަދުރާ ގާތް ސިފައެއްގައި ހިމަދިގުކޮށެނެވެ
ކަށިއޫރު
ނ ދޫނިފަތުގެ ތަނޑުކަހަލަ ކުރެހުންއެޅި ދިގު ތުނޑު ތޫނު ކަށިތަކެއް މުޅިގައިން ފަޅައިފައިވާ ކުޑަވަރެއްގެ ޖަނަވާރެއް. މީހެއްގެ އުނދަގުލެއް ފޯރައިފިނަމަ މި ފުއްޕާލައެވެ
ކަށިވިދުރި
ނ ގައިންގަޔަށް އަރާ ބައްޔެއް. މިއީ ނުރައްކާތެރި ގަދަ ހުމަކާއެކު ގައިން ބިހިތަކެއް ނަގައިފައި ޖެހޭ ބައްޔެކެވެ. މިބިހިތައް ހަފުތާއެއްގެ ފަހުން ދޮސްއަރައިފައި ހުންނަ ފޮޅުތަކަކަށް ބަދަލުވެއެވެ. މިއީ ވައިރަހެއްގެ ސަބަބުން ޖެހޭ ބައްޔެކެވެ. 7 ދުވަހާއި 02 ދުވަހާދޭތެރޭ މިބަލި ރަނގަޅުވާއިރު ދާއިމީ ގޮތެއްގައި ނުފިލާ ހުންނަ ލަކުނުތަކެއް ގައިގައި ހުރެއެވެ މިއީ މިހާރު ދުނިޔެއިން ނައްތައިލެވިފައިވާ ބައްޔެކެވެ
ކަށިމައު
ނ ބޯކެޔޮ ގަސްހެން ހެދޭ ގަހެއްގައި އަންނަ މީރުވަސްދުވާ މަލެއް މި މާ ހުންނާނީ ދިގު ކަރުގަނޑެއްގެ ވަށައިގެން ހުދުކުލައިގެ ދިގު ފިޔަތަކެއްލައިފައެވެ
ކަށިދިއްގާ
ނ ދިއްގަލުގެ ބާވަތެއް: މީގެ ތޮށި ހުންނާނީ ކުރަކިކޮށެވެ މިގަހުގެ ލަކުޑި މޮޅުވާނެއެވެ
ކަށިގޯނބިލި
ނ ބޭހަށް ބޭނުންކުރާ ކުޑައޮށެއް މީގައި ހުންނަނީ ކަށިތަކެއް ފަޅައިފައެވެ މިއީ ވެލެއްގައި އަޅާ އެއްޗެކެވެ މިވެލުގައި އަޅާ މާ ހުންނަނީ ރީނދޫ ކުލައިގައެވެ
ކަށިޖެހުން
މ (1) ދިރޭ އެއްޗެއް ކަށިހަރައިލުން. (2) ކަރުގައި ކައްޓެއް އަޅައިގަތުން. (3) ކަށިހެރުން. (4) މަޖާޒު: ކުޓުވައިގެން ނުވަތަ އޮޅުވައިލައިގެން ނުވަތަ ރާވައިގެން މީހަކަށް ބޮނޑިއެއް ނުވަތަ ދެރައެއްދިނުން
ކަށީފަރުވާ
ނ ސީނުކަރައިގެ ހަކީމީ ފަރުވާއެއް މިއީ ހަށިގަނޑުގެ ވަކި ޚާއްޞަ ތަންތަނަށް ހިމަ ކަށިތަކެއް ހަރައިގެން ދޭ ފަރުވާއެކެވެ
ކަށުވަތުރިހި
ނ މީހުން ވަޅުލުމުގެ ހުއްދަ ދިނުމަށް ކަށްބިމަށް ނަގައި އުޅުނު ލާރި
ކަށުވަތުރުއް
ނ މީހުން ވަޅުލައިފައި އެބިމަށް ދީ އުޅުނު ރުއް
ކަށުފަތް
ނ އިހުގައި ކަށުކަމާ ކެމީގެ ކަންތަކަށް ޖަމާއަތްތެރީންނަށް ދޭ ލާރީގެ ހިސާބު ލިޔެފައި އޮންނަ ކަރުދާސްކޮޅު
ކަށް
ނ (1) މަރުވެފައި އޮތް މީހާ (2) މުޅަ
ކަށްބިން
ނ (1) މީހުން ވަޅުލާބިން (2) ޤަބުރުސްތާނު
ކަށްޑަނަޖެހުން
މ މީހުން ގިނައިން މަރުވާ ދުވަސްވަރަށް ގަބުރަސްތާނުގެ ތެރެއިން ރޭގަނޑު އިވޭކަމަށް ބުނާ ނާމާން އަޑު އިވުން މިއަޑަކީ ފިލާތަކެއް އޮއްސާލީމާ އިވޭ ކަހަލަ އަޑެއްކަމަށް ބުނެވެއެވެ
ކަށްޑެވިމުޅަދެވި
(1) ބައްޔެއްގެ ނަން މިބަލީގައިވާ ގޮތެއްކަމަށް ބުނަނީ ބަނޑުބޮޑުވެ މީހާ ފޮއްސިވުމެވެ މިއީ ޚިޔާލީ ދެ ދެވިކަމަށް ބުނާ ކަށްޑެތްވާއި މުޅަދެވީގެ ސަބަބުން ޖެހޭ ބައްޔެއްކަމަށް ބުނެވެއެވެ (2) ޚިޔާލީ ދެ ދެވި
ކަނބާފާނު
ނ ކަނބާގެ ދަރަޖަ ލިބިފައިވާ އަންހެންމީހާ