radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ފެހުރިހި
ނ މިޔަރުގެ ބާޥަތެއް މިއީ ނުރައްކާތެރި ބާވަތެއް ނޫނެވެ މީގެ ބިޔަ އެއްޗިއްސަކީ މިޔަރުގެ އެންމެ ބޮޑެތި އެއްޗިއްސެވެ
ފެހުރުގުންޑާ
ނ އިރުވައިގައި އެއްލާގުޑިއެއް މިއީ ތެލަނގަޔާ ވައްތަރުގޮތަކަށް ބޮޑެތިކޮށް ދިއްގާދަނޑިން ހަދައި ފަރަންޖީ ކަރުދާސް ހިއްޕައިފައި ނަގޫލައިގެން އެއްލާ އެއްޗެކެވެ
ފެހެނބުރު
ނ ބޭހަށް ބޭނުންކުރާ ފަތްޕިލާވެލީގެ ބާވަތެއް މިއީ ވެލަށް ދުވާ އެއްޗެކެވެ
ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ފެންރޮށި
ހަނޑުލުފުށް ފަތުގައި ތުނިކޮށްޖަހައި މަތިން ފަތްކޮޅެއް އަޅައިގެން ފިހެފައި ބޯކިރުފޮދެއް ހާކާލައިފައި ހުންނަ ރޮއްޓެއް. މިދެގޮތަކަށް ހަދައެވެ. އެއީ ހަނޑޫ އުއްސައިގެންނާއި ނުއުއްސައެވެ
ފެންބޮވުން
މ (1) މީހަކު ނުވަތަ ދިރޭއެއްޗެއް ފެނަށް ބޭނުންވެފައިވުން މިސާލު: މިއީ ވަރަށް ފެންބޮވާ ދުވަހެކެވެ (2) އިޚްތިޔާރަކާނުލައި އެތެރެހައްޓަށް ފެން ވާޞިލުވުން (3) މަޖާޒު: އެދުންވެރިވުން
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންކުނބުރުވާނި
ނ ބޭހަށް ބޭނުންކުރާ ފަތްޕިލާވެއްޔެއް މިއީ ފަތްކުދި ކަފަކޮޅެއް ކަހަލަ މަލެއް އަޅާ ވެލެކެވެ
ފެންކުޅި
ނ ކުޅިވަރެއްގެ ގޮތުން އެކަކު އަނެކެއްގެ ގަޔަށް ފެންޖަހާ ފެންޖެހުން. މިއީ އިހުގައި ކުޅެ އުޅުނު ކުޅިވަރެކެވެ މިކުޅިވަރު ފެށެނީ ހިތަނަކަތުން ތިންވަނަ ދުވަހުއެވެ
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފެންފެހަނޑަ
ނ ވެލަކަށްހެދޭ ކައްޓަލަ ފަތްހެން ފަތް ހުންނަ ފިލާވެއްޔެއް މިއީ ބޭހަށް ބޭނުންކުރާ އެއްޗެކެވެ
ފެންގޮތް
ނ މަޖާޒު: ކަމެއްގެ ތެރޭގައި ހުންނަ ރޫޙެއް ނެތް ލޮނުމަޑުގޮތް މިސާލު: މިފަހަރު މިކަންތައް މިދިޔައީ މާފެންގޮތަކަށެވެ ނުވަތަ މިފަހަރު ޢީދުގެ ކަންތައް މިދިޔައީ މާ ފެންގޮތަކަށެވެ
ފެއުޑި
ނ ދަވާދު ހަދާއިރު އަޅާކުނޑިއެއް މިއީ ދަވާދު ހިއްކުމަށް ބޭނުންކުރާ އެއްޗެކެވެ
ފެމުނު
ނ މިޔަރުގެ ބާވަތެއް މީގެ ބޯ އެހެން މިޔަރުގެ ބޮލަށްވުރެ ބޮޑުވާނެއެވެ ގައިގެ އެތަން މިތާނގައި ލައްޖައިފައި ހުންނާނެއެވެ މީގެ ދަތްތައް ވަރުގަދަވާނެއެވެ މިއީ ވަރަށް ބާރުދައްކާ ނުރައްކާތެރި އެއްޗެކެވެ
ފެތުރި
ނ (1) ހަމުގެ ބައްޔެއް. މިއީ ކަހާ ހިރުވާގޮތަށް ހުންނަ ދޫތްމަށްވުރެ ބޯކޮށްހެދޭ އަވަހަށް ފެތުރޭ ބައްޔެކެވެ (2) ފެތުރުން މިބަހުގެ ނިމިނިމުނު ކަން
ފެގޮވީގަތުން
މ ތިމާއާ ނުބެހޭ ކަމެއްގެ ތެރެއަށް މަތިންބައިން ޖެހިގެން ވަދެގަތުން މިއީ ދަށް ބަހުރުވައިގައި ބޭނުނާ ކޮށްއުޅޭ ބަހެކެވެ
ފެގޮވުން
މ )ޏ ( ތިމާއާ ނުބެހޭ ކަމެއްގެ ތެރެއަށް އަމިއްލަޔަށް ވަނުން މިއީ ދަށް ބަހުރުވައިގައި ބޭނުންކުރާ ބަހެކެވެ
ފެސްކޯ
ނ ފެތުރިފައި ހުންނަ ގޮތަށް ތިރިކޮށް ހެދޭ ހިމަދިގުކޮށް ފަތް ހުންނަ ގަހެއް. މިގަހުގެ ފަތަށް ދަމާލީމާ ބުރިވާނީ ދެކަތްޕަށެވެ މިއީ ބޭހަށް ބޭނުންކުރާ ފަތްޕިލާ ވެއްޔެކެވެ
ފެސްކޯމޫ
ނ ފެސްކޯގަހުގެ މޫ މިއީ ބޭހަށް ބޭނުންކުރާ އެއްޗެކެވެ
ފޭރާން
ނ (1) އަންނައުނު (2) މަޖާޒު: އެއްޗެއްގެ ފެންވަރު މިސާލު: މިއީ ވަރަށް ފޭރާންދެރަ ޅެމެކެވެ