radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
މަތަކުރުން
މ (1) އައިސް އައިސް ހުރި އެއްޗެއް ހުއްޓުވައިލުން (2) ހަމައިން ނެއްޓިގެން އުޅޭ ބައެއް ނުވަތަ ކަމެއް ބާރުގެ ދަށަށް ގެނައުން
މަތަވުން
މ (1) އައިސް އައިސް ހުރި އެއްޗެއް ހުއްޓުވާލެވުން (2) ހަމައިން ނެއްޓިގެން އުޅޭ ބައެއް ނުވަތަ ކަމެއް ހަމަޔަކަށް އަޅުވާ ލެވުން
މަތާ
ނ ބަރު އެއްޗެއް ހިއްލައިލުމަށް ނުވަތަ ފަސޭހައިން ދުރުކޮށްނުލެވޭ ކަހަލަ ގޮތަކަށް ހުރި ދޭތެރެއެއް ދުރުކޮށްލުން ފަދަ ކަންތަކުގައި ބޭނުން ކުރާ އެތި
)މަތާއެޅުން( މަތާޖެހުން
މ (1) ބަރު އެއްޗެއް ފަސޭހައިން ހިއްލުމަށްޓަކައި އެކަތިގަނޑު ބޯ ދަށަށް ލައްވައިގެން އަނެކަތިގަނޑުގެ ކޮޅު ހިއްލަންވީ އެއްޗެއްގެ ދަށަށް ލައްވައިގެން ހިއްލުން. (2) ގަދަބާރަކާއެކު ކައިރި ވެފައިވާ ދެއެއްޗެއް ދުރުކުކުރުމަށްޓަކައި އެދޭތީގެ ދޭތެރެޔަށް އެއްޗެއްލައްވައި ދުރުކުރަން ހިފުން
މަތިންއެރުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން (2) އެއްޗެއް ކެކި އުތުރި އަރައިގެން ބަންޑުންވުން (3) ރަށްރަށާއި ގިރިފަދަ ތަންތަނުގެ ވައިމަތި ފަރާތުން ދަތުރުކޮށް ދިއުން (4) ގިރާކޮށްފައި ނުދެވޭވަރު އުސްތަންތަނުގެ މައްޗަށް އަރައިގެން އަނެއްފަރާތަށް ދިއުން
މަތިންލުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން. (2) އެއްޗެއްކެކި އުތުރި އަރައިގެން ބަންޑުންވުން. (3) ފުރާދުއްވާ އޮޑިފަހަރު ދަތުރުކޮށްފައިދާއިރު އަނބުރާނުލާ ފަރުމާނު މަތިން ރިޔާގެންދިއުން
މަތިކަން
ނ (1) އޮޑި ދޯނި ފަހަރުގެ އޮޑިގަނޑަށް ކިޔޭ ހިސާބުގައި ވަށާ ކައިރީގައި އެންމެ މައްޗަށް އިންދައިފައިހުންނަމަޑޫ ބައެއް އެއްޗެހީގައި ވަކަރު ފިޔަވައި ލަކުޑިން ނުވަތަ ދަގަނޑުން ނުވަތަ އެނޫން އެއްޗެހިންވެސް މަތިކަން ހުރެއެވެ (2) އޮޑިދޯނި ފަހަރުގެ އޮޑިގަނޑުމަތީ ތުންފަތް
މަތިތަޅާލުން
މ މަޖާޒު: (1) ބަޔަކު ކަމެއް ކުރުމަށް ރާވައިފައި ވަނިކޮށް އެކަމަކަށް ގަސްދުކޮށްފައިވާ ވަގުތުގެ ކުރިން އޭގެ ތެރެއިން އެކަކު ނުވަތަ އެކަން ދެނަހުރި އެހެން މީހަކު އެވާހަކަ ދެއްކުން (2) ކަމަކަށް ދޭންވާ ސަމާލުކަން ނުދީ މަތިމަތީން އެކަމެއް ކޮށްލުން
މަތިގެ
ނ (1) އިހުގައި ގަނޑުވަރު ތެރޭގައި ތާންލޯއިން ހަތަރުފުރާޅުލައި ހިޔާކޮށްފައި ހުރި ދެބުރި ޢިމާރާތެއް މިއީ ކީރިތި މަހާރަދުން ރަސްކަމުގެ ހުރިހާ ކަމެއް ހިންގެވި އޮފީސް ޢިމާރާތެވެ (2) )ޏ ( ގެމަތި )އެއްބުރި ގޭގޭގައި ހުރަސް ބެރިތަކުގެ މަތީގައި ފިލާއަޅައިފައި އޮންނަތަން
މަލަރުއައުން
މ މަޖާޒު: ވެރިއެއްގެ ނުރުހުމާއި އިންޒާރު އައުން
މަލަކާ
ނ (1) ރަސްކަލެއްގެ އަނބިކަބަލެއް ނުވަތަ ދަރިކަނބަލެއް (2) ރަސްކަމުގައި އިންނެވި އަންހެން ބޭފުޅެއް
މަލާފަތް
ނ (1) އެކިވަރުގެ ފަތާ ތަށިލުމަށްޓަކައި ލަކުޑިން ލިޔެފައި ހުންނައެއްޗެއް (2) ބިލަތް އެޅުމަށްޓަކައި ޚާއްސަކޮށް ލޮައިން ހަދައިފައިހުންނައެއްޗެއް މިއިންކޮންމެ މަލާފަތެއްވެސް ހުންނާނީ މަތިޖެހޭގޮތަށެވެ
މަގުންކައްސާލުން
މ މަޖާޒު: ހަމައިން ނައްޓައިލުން
މަގުފުޅައްފޭލިދެމުން
މ ރަސްމީގޮތުން އެކިއެކި ޢިއްޒަތްތެރީން މާލެވަޑައިގަންނަވާއިރު މަގުގެ ދެފަރާތުގައި ފަތްދަނޑިޖަހައި އެއިން ކޮންމެ ދަނޑިއެއްގައި ދިދަނަގައި އެދަނޑިތަކުގެ ތިރީގައި ހުދުފޮތި ފާޓުގެ ފުޅާމިނަށް ދެމުން
މަގުދިލުން
މ (1) ވެލެއްގެ ތެރެއިން މަގެއް ކޮށައި އަލިކުރުން (2) މަގުގައި ހުންނަ ވިނަނޮޅައި ސާފުކުރުން
މަގޫ
ނ ދަރާއި ދަނޑިއަށް ބޭނުންކުރެވޭ ބިޔަނޫންގަހެއް. މިއީ ފަތްތައް ވަރަށް ބޯކޮށް ހުންނަ ގަދައަށްހެދޭ ގަހެކެވެ މަގޫގަސް އެންމެ ގިނައިން ހުންނަނީ ހޭޅީގައެވެ
މަސަލަސް
ނ (1) މަސްލަޙަތު. (2) ކުޑަކުއްޖަކު ރުއިން ހުއްޓިގެންވާ މައިތިރި. (3) ބެރުފަށާ ލަވަބައިގެ ފުރަތަމަ ލަވަ ނުވަތަ ބެރުހުއްޓާ ލަވައިގެ ހަތަރުވަނަ ލަވަ އަދި ކުއްލާބުގޭގައި ބެރުކޮޅު ޖައްސަވާއިރު ފައްޓާލަވަ ނުވަތަ ކުޅިހުއްޓޭރޭވެސް ޖަހާލަވަ އެކަމަކު އެރޭގެ މަސަލަސް ތަފާތު ވާނެއެވެ (4) ކުޅިހުއްޓޭރޭ ބަންޑާރަ ކޮށީ މީހުން ޖަހާކުޅިއެއް
މަސަލަސްކުރުން
މ (1) ކުޑަކުދީން ރޯންފެށީމާ ކުޅިވަރެއް ދެއްކުންފަދަ ކަމެއް ކޮށްގެން ރުއިން ހުއްޓުވައިލުން (2) ޞުލްޙަކުރުން
މަސަލަސްވުން
މ (1) ޞުލްޙަވުން (2) ކުޑަކުއްޖަކު ރުއިން ހުއްޓި މައިތިރިވުން
މަސާލައަނބު
ނ އިހުގައި އިންޑިޔާއިން ގެންނަ އަނބު އަސާރައެއް