radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ފުރުން
މ (1) އުޅަނދެއްގައި ދަތުރަށް ފެށުން. (2) އެއްޗެއްގެ ތެރެއަށް އެއްޗެހިތަކެއް އަޅައި މައްޗާއި ހަމަކުރުން. (3) އެއްޗަކަށް ވެލި ނުވަތަ ފެން އޮއްސުން. (4) ވަކި ތަރުތީބަކުން ފަށްތަކެއް ދެމުން. މިސާލު: އުއި ފުރުން ރޯނުފުރުން އެއްތެޔޮ ފުރުން (5) އެއްޗެއްގައި ލިޔަންވީ ވަރަށް ލިޔެ ނިންމުން މިސާލު: ފޯމު ފުރުން (6) އެއްޗެއްގައި އިތުރަށް ލިޔާނެ ތަނެއް ނޯންނަ ވަރަށް ލިޔެ ނިންމުން (7) ހުސްތަން ނެތުން (8) ހުސްޖާގައެއް ނެތުން
ފުރުއް
ނ ފެންފޯއްރުއްހެން ހުންނަ އެއަށްވުރެ އާރުލާ ހިމަރުކެއް
ފުރެންޗުލެދަރު
ނ (1) ޖިމާޢުވާއިރު ފިރިހެނާގެ މަނި އަންހެނާގެ ފަރުޖުގެ ތެރެއަށް ދިޔަނުދިނުމަށްޓަކައި ޒަކަރަށް ލައްވާހަން (2) ހުރަސް
ފުރޮޅިލުން
މ (1) އޮށޯވެއޮތްމީހަކު އެއްފަރާތުން އަނެއްފަރާތަށް ބަދަލުވުން (2) ގުޅަމަތި ހިފުމުގެ ތެރޭގައި ކޯމަހު ފުރޮޅިއަށް ޙަރަކާތްކުރުން
ފުޅިމަދު
ނ (1) އޯކުގަހުގެ ތޮށި. މި ބޭނުންކުރަނީ ފުޅީގެ އުނގުރި އަށާއި ޕެކިނަށެވެ. (2) ޕެކިނަށާއި އެއްޗެހި ބަންދުކުރުމަށާއި ފުޅީގެ އުނގުރިއަށް ބޭނުންކުރުމަށް ޕްލާސްޓިކުން ހަދައިފައި ހުންނަ އެއްޗެއް
ފުޅިދިނުން
މ ކުޑަކުދިންނަށް ދޭ ދިޔާ އެއްޗެހި ތުން ހަރުކޮށްފައި ހުންނަ ފުޅިއަށް އަޅައިގެން ޖެއްސުން
ފުޅޮއި
ނ މާކަނޑުގެ އޮއިވަރާއި އިދިކޮޅަށް ފަރުކައިރީގައި އޮންނަ ރަށާ ދިމާއަށް ދަމާ އޮއިވަރު
ފުއްގަހުގުރާ
ނ (1) ޑިންޑިން ކޮވެލި ވައްތަރަށް ހުންނަ އެއަށްވުރެ ކުޑަ ދޫންޏެއް މިއީ ގާތްގަނޑަކަށް 01 ވަރަކަށް އިންޗި ހުންނަ ދޫންޏެކެވެ މި ދޫނި ދިވެހި ރާއްޖެއަށް އަންނަނީ އިރުވައި މޫސުމުގައި ދެކުނު އިންޑިޔާއިންނާއި ސިރީލަންކާއިންނެވެ (2) މަޖާޒު: ރީތި އަންހެންކުދިން
ފުއްޕާހަން
ނ އެތެރެއަށް ވައިދީ ފުއްޕާލެވޭގޮތަށް ތުނިކޮށް ރަބަރުން ހަދައިފައިވާ އެއްޗެއް މިއީ ތަންތަން ޒީނަތްތެރި ކުރުމަށާއި ކުޑަކުދީން ކުޅުމަށް ބޭނުން ކުރާ އެއްޗެކެވެ
ފުއްޕާމޭ
ނ މޭކަށީގެ އޮނިގަނޑުގެ ތެރޭގައި ދެފަޅި ވަރަށް އޮންނަ އިސްޕަންޖު ގަނޑެއް ކަހަލަ ގުނަވަނެއް މިއީ ނޭވާލާއިރު ހަށިގަނޑުގެ ތެރެއަށް ސާފުވައި ފޮނުވައި ނުބައިވައި ބޭރުކޮށްދޭ ގުނަވަނެވެ
ފުއްޕުން
މ (1) ބޯޅައާއި ހަންފަދަ އެއްޗިއްސަށް ވައި ވެއްދުން (2) އެތެރެއަށް ވައިވަދެގެން އުފުލުން (3) ހަކުރު މަޅުކުރުން (4) ބަތަށް ހަކުރުލައި މަޅުކުރުން (5) ހަމަ އެއްޗެއްވަކި ބައްޓަމަކަށް އުފުލުން (6) ބައެއް ދިރޭ އެއްޗެހި ރުޅިއައިސްގެން ހަށިގަނޑު ބޮޑުކޮށްލުން މިސާލު: ކޮލިފުއްޕުން (7) މަޖާޒު: ވަރުގެ ކޮޅަށް ނަލަހެދި ފަރިވުން
ފުދިވޮޑިގެންވުން
މ އެހެން އެއްޗަކަށް ބޭނުންވެ ވޮޑިގެން ނުވުން )މިބަސް ބޭނުންކުރަނީ ހަމައެކަނި މާތްﷲ އަށް ނިސްބަތްކޮށެވެ
ފުލުސްކޭޕްކަރުދާސް
ނ "2/1 8 & "31 އަށް ކަފައިފައި ހުންނަ ކަރުދާސް
ފުސްނަކަތް
ނ ހުޅަނގު މޫސުމުގެ އަށްވަނަ ނަކަތް
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫހި
ނ (1) ކަމެއްގެ ނުވަތަ އެއްޗެއްގެ ނުވަތަ މީހެއްގެ މަތިން ހިތްކެނޑޭގޮތްވުން. (2) ކަންކަމާ ގަޔާވާގޮތް ނުވާ ނުވުން. (3) މީހެއްގައި ނުވަތަ އެއްޗެއްގައި ހުންނަ ސިފައަކުން ވާ ނުރުހެވޭގޮތް (4) ޠަބީޢި ގޮތުން މީހާއަށް އަންނަ ބަދަލަކުން ކަންކަން ކުރާހިތް ނުވެފާ ހުންނަ ހުރުން (5) ހިތްހަމަ ނުޖެހޭގޮތްވާ ވުން
ފޫޅަށްވައިއެރުން
މ ތިމާ އަރާއިން ނުވަތަ އަރާހުރި އެއްޗެއް މަތިން ތިރިއަށް އަންނައިރު ފޫޅަށް ވާއި އިޙްސާސެއް
ފޫޅުހިކުން
މ ކުއްޖާ ދުނިޔެއަށް އުފަންވާއިރު މަހާ ފޫޅާ ގުޅިފައިވާ ފޫޅުދަނޑިން މަސް ވަކިކޮށްލާއިރު ބާކީ ބާއްވާ ތަންކޮޅު )ފޫޅާ ގުޅިފައިވާ ތަންކޮޅު( ހިކުން
ފޫޅުކެނޑުން
މ (1) ކުއްޖަކު ދުނިޔެއަށް އުފަންވާއިރު އެކުއްޖާއާއި ގުޅިފައި އޮންނަ ފޫޅު ދަނޑި ވަކި ހިސާބަކުން ބުރިކޮށްލުން (2) މަޖާޒު : ނުދަނެހުރި މީހަކާ ކަމެއް މަތިކުރުން
ފޫޅުވަޅު
ނ ފޫޅު އެތެރެއަށް ވަދެފައި ހުންނަ އަޑިކޮޅު