radheef.info
ރަދީފު


ވައިފަހިކުރުން
މ ރިޔާނަގާ އެއްޗެހި ފުރާއިރު ރިޔަލުގައި ވައި އެޅޭ ގޮތަށް ފައްސިޔަ ކުރުން
ވައިފިޔަމަޑި
ނ (1) މޫދުގައި އުޅޭ ބާވަތެއްގެ މަޑިޔެއް މީގެ ފިޔަގަނޑު އާދައިގެ މަޑިޔަށްވުރެ ދިގުވެފައި ތުނިވާނެއެވެ (2) މިމަޑީގެ ސިފައިގައި އިލޮށިފަދަ އެއްޗަކުން ހަދައި ކަރުދާހުން ހިއްޕައިގެން އިރުވައިގައި އެއްލާން ގެންގުޅޭ އެއްޗެއް
ވައިފެންޖެހުން
މ (1) ކުރުނބާ ކަނޑާއިރު އޭގެ ތެރޭގައި ހުންނަ ވައި ނެރެލުމަށްޓަކައި އެއްޗެއް ހަރައި ނުވަތަ އެއްޗަކުން ޖަހައި ތޮރުފައިލުން (2) މަޖާޒު: އުޅޭތަން ފިޔަވައި އެހެން ތަނެއްގެ ވަޔާއި ފެނުގެ ސަބަބުން ހަށިގަނޑު ރަނގަޅުވުން
ވައިދުނި
ނ (1) އާދަޔާ ޚިލާފަށް އުޑުމަތީން ފެންނަ ހުދު ދިގު ތުނި ވިލާފަށެއް މިއީ ވައިޖެހޭނެ ކަމުގެ ލިޝާނެއްކަމަށް ބުނެއުޅެއެވެ. (2) އިލޮށީން ނުވަތަ އޮނުން ކުރުފަލަ ތުތިމަހަކާ ގާތްސިފައަކަށް ހަދައިފައި ކަރުދާހުން ހިއްޕައިގެން އިރުވައިގައި އެއްލާން ގެންގުޅޭ ގުޑީގެ ބާވަތެއް މީގެ ތިރީގައި ކުޑަ ފިނދުފަތެއް ހުންނާނެއެވެ
ވައިގުރާބު
ނ ރިޔާ ނަގައިގެން ބިންމަތީގައި ދުއްވާން ފުރޮޅުލައިފައި ހަދާ ކުދި އޮޑި ދޯނިފަދަ ތަކެތި )މިއީ ކުޅޭ އެއްޗެކެވެ
ވައިގުގޫ
ނ ގަހެއްގެ ކިރެއް މިހުންނަނީ ހިއްކައިފައެވެ މިއީ ދުން އަޅާށާއި ބޭހަށް ގެންގުޅޭ އެއްޗެކެވެ މީގެ ދެބާވަތެއް ހުރެއެވެ އެއީ ބިސްވައި ގުގުލާއި ވައިގުގުލެވެ
ވައިސޫފި
ނ )ބ ( ވައިތެރޭގައި އެނބުރޭ އެއްވެސް އާރެއް ބާރެއްނެތް ފަނި ފަކުސަފާޑުގެ އެއްޗިއްސަށް ކިޔާއުޅޭ ނަމެއް
ވައު
ނ (1) މޭވާފަދަ އެއްޗެހީގެ ދިޔަ ބޮއިގެން އުޅޭ ރޭގަނޑަށް އުދުހޭ ޖަނަވާރެއް. މި ގަސްގަހުގައި ތިބޭނީ ފިޔަގަނޑުގައި ހުންނަ ބުޅި ގަނޑެއް އަޅުވައިގެން ބޯތިރިއަށް އެލުވައިލައިގެންނެވެ. (2) ރޯނު ވަކަ ސުތުލި ފަދަ އެއްޗިހީގެ ދެއުޅިއަށްވުރެ ގިނަ އުޅީގައި މާރަށްވުރެ ފަލަކޮށް ދިގުކޮށް އަޅައިފައި ހުންނަ އެއްޗެއް. (3) އުނދޯލި އެލުވައިފައި ހުންނަ ފަށް. (4) އޮލަ ނުވަތަ ތަތް އެއްޗަކުން ނުކެނޑިދެމޭ ފަށް. (5) ބައެއް ބާވަތުގެ ފަންޏާއި ގިނަ ބާވަތް ބާވަތުގެ މަކުނު ދޫކުރާފަށް. (6) އެގޮތް މިގޮތަށް ބޯކޮށް ގަސްހެދިފައި އޮންނަތަން. (7) ބައްޔެއްގެނަން. މިބަލީގައި ވާގޮތަކީ ބަލި ޖެހުނު ގުނަވަނެއްގެ ބާރު މުޅިން ނެތެނީއެވެ. )ނއ.( (8) ތެދަށް ނުހުންނަ. (9) ލެނބުން ހުންނަ. މިސާލު: ވައު އިލޮށި
ވައުވެލާވެލި
ނ ފުރާދުއްވާ ތަކެތީގައި ގެންގުޅޭ ވައުތައް
ވައުމަކުނު
ނ ވައުފުރާ ޒާތުގެ މަކުނު މިއީ ފައިދިގުމަކުނަށްވުރެ ކުޑަ ރަންމަކުނު ކަހަލަގޮތަކަށް ވާފުރައިގެން އުޅޭ މަކުނެކެވެ
ވައުދެމުން
މ (1) އޮލަ ނުވަތަ ތަތް އެއްޗެހިން ވަކިކޮށްލާބައި މެދުނުކެނޑި ފަށެއްހެން ހިމަވަމުން ދިއުން (2) ވަލެއްގެ ދެކޮޅުގައި ދެމީހަކު ނުވަތަ ބަޔަކު ހިފައިގެން ތިމާހުރި ކޮޅަށް ގެންނާން ބާރުލުން މިއީ ވާދަޔަށް ކުޅޭ ކުޅިވަރެކެވެ (3) މަޖާޒު: ކުރާން އުޅޭ ކަމެއްނުވެ ލަސްވަމުން ދިއުން
ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ވަވެލިދަޑި
ނ )ގ ( އުދުހޭ ވާ ހިފަން ކޮޅުގައި ބުޅިގަޑެއް ހަރުކޮށްގެން ގެންގުޅޭ ދަނޑިއެއް
ވަދުފޮށި
ނ ވަދުކެޔޮޅުކަމުދާ ދޯނިފަހަރުގައި ބުޅި ނަރު ވަދު ފަދަ ތަކެތި އަޅައިގެން ގެންގުޅޭ ފޮށި
ވަލަންޖު
ނ )ބދ ( ތުޅާ )ބަނޑިޔާ ނުވަތަ ރުނބާފަދަ ތަކެތީން ފެންނަގާން ގެންގުޅޭ އެތި
ވަލަވެރި
ނ )ހ ( އޮޑިދޯނި ފަހަރުގައި ގެންގުޅޭ ވާވެލާވެލި
ވަލުކަކުނި
ނ ތޮށިގަނޑުގެ މަތީފަރާތް ކަޅުމުށިކުލައެއްގައި އެހެން ތަންތަން ހުދުކުލައެއްގައި ހުންނަ ކަކުންޏެއް މިކަކުނި ގިނައިން އުޅޭނީ ވަލުގައެވެ
ވަލުކަފަ
ނ ބޭހަށް ގެންގުޅޭ ފަތްޕިލާވެއްޔެއް މީގެ ތޮޅީގައި ރުވާ ކަފަކަހަލަ ވަޔަށް ބުރައިގެންދާ ގޮތެއް ހުންނާނެއެވެ
ވަލުކުކުޅު
ނ (1) ވަލުތެރޭގައި އުޅޭ ކުކުޅު (2) ވަގު ކުކުޅު (3) ކުޅީ ކުކުޅު
ވަލުމީހުން
ނ ގެދޮރުއަޅާ އާބާދުކޮށްފައިވާ އަވަށްތަކާ ދުރުގައި ޖަންގަލީގައި ދިރިއުޅޭ ތަހުޛީބު ނުވާމީހުން