radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ފެންކޮށާވަޅި
ނ ވިހައިގެން ހަތްދުވަސްވެގެން ބޭރަށްލާއިރުގައްޔާއި ސާޅީހަށް ފެންއަޅާއިރު ފަންޑިތަ ހަދައިފައި އަންހެން މީހާގެ އަތަށް އެދުރުމީހާދޭ ކޮށާވަޅި ނުވަތަ ފިޔޮހި
ފެންކޯސަޅަ
ނ )ސ ( (1) އެއެއްޗެއްގައި ހުންނަންވާ ވަރަށްވުރެ ގިނައިން ފެން ހުންނަ ކާއެއްޗެހި (2) ގިނައިން ފެންބުއިމުން ފުފޭ މަހެއް
ފެންއުކުން
މ (1) މަސްބާނާއިރު ބުޅިއަށް ފެންލުން. (2) ފެން ދުރަށް ބުރުވައިލުން
ފެންއޮހުން
މ އެއްޗަކުން ނުވަތަ ތަނަކުން ގިނަ މިންވަރަށް ފެން ނުކުމެގެން ތިރިއަށް ފޭބުން
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން
ފެންފޭދުން
މ ފެންއަޅައިފައި ހުރި އެއްޗަކުން ބޭރަށްފެން ނީރުން
ފެންދިއްގާ
ނ ފަތުގައި ފެހިކުލަގަދަ ފަތުގެ ތަނޑު ރަތް އަދި ފަތުގައި ކުރަނުލާ ހުންނަ ދިއްގާ. ދިއްގާ އާއިލާގައި ހިމެނޭ ކަށިދިއްގަލާއި މާދިއްގަލާއި ވެޔޮ ދިއްގަލާ ޚިލާފަށް ފެންދިއްގާ ވަރަށް ހަލުއިކޮށް އަވަހަށް ހެދިގަންނާނެއެވެ
ފެންދުވަނި
ނ ކުޑަކުދިންގެގައިން ނަގާ ފެންއެރިފައި ހުންނަ ބިހިގަނޑެއް ބައެއް ފަހަރަށް މުޅިގައިންވެސް މިނަގާފާނެއެވެ
ފެންތިލަ
ނއ (1) ބިންމަތި ކޮނެލީމާ ވަރަށް އަވަހަށް ފެނާޖެހޭ (2) "ފެންފުން" މިބަހުގެ އިދިކޮޅު
ފެންތުޅާ
ނ (1) ފޮނިތުޅަޔާ މުޅިން އެއްވައްތަރަށް ހުންނަ އެކަމަކު އެކަހަލަ މީރުވަހެއް ނުހުންނަ ބޭހަށް ބޭނުންކުރާ ކުޑަވަރެއްގެ ގަހެއް މީގެ ފަތް ތަކުގެ ކޮޅުތޫރިކަން ކުޑަވާނެއެވެ (2) ފެނާއިއެކު ހުންނަ ތުޅާ
ފެންލައިޓް
ނ ވަޔާއި އަލިވެއްދުމަށްޓަކައި ދޮރުގެ މަތީގައި ހުންނަ ކުޑަދޮރެއް ބައެއްފަހަރަށް ދޮރެއްގެމަތީގައި ނޫންގޮތަކަށްވެސް މިދޮރުހުރެއެވެ
ފެންލުން
މ (1) އޮޑިދޯނިފަހަރަށް ބޯފެން އެރުވުން. (2) އެއްޗެހި ދޮވެފައި ސާފުފެންލުން (3) މަސްބާނާއިރު ބުޅިޔަށް ފެންއުކުން (4) ވުޟޫ ކުރާއިރު ބައެއް ގުނަންތަކުގައި ފެންއުނގުޅުން
ފެންސަންގު
ނ ހުކުރު ދުވަހު ހުކުރަށް ފެންވެރުމަށް އެންގެމުގެ ގޮތުން ފުންމާ ސަންގު
ފެއްސުން
މ (1) ދިރޭ އެއްޗެއް ދުރަށް ފޮނުވުން (2) މީހަކު ލައްވާ ފޭރާން ފަދަ އެއްޗެއް ފެހުމުގެ މަސައްކަތް ކުރުން
ފެމުނު
ނ މިޔަރުގެ ބާވަތެއް މީގެ ބޯ އެހެން މިޔަރުގެ ބޮލަށްވުރެ ބޮޑުވާނެއެވެ ގައިގެ އެތަން މިތާނގައި ލައްޖައިފައި ހުންނާނެއެވެ މީގެ ދަތްތައް ވަރުގަދަވާނެއެވެ މިއީ ވަރަށް ބާރުދައްކާ ނުރައްކާތެރި އެއްޗެކެވެ
ފެފޫ
ނ ވެލެއްގައި އަޅާ ފުފުލާ އެއްވައްތަރަށް ހުންނަ ފުފުލަށްވުރެ ފެންގިނަ ތަރުކާރީއެއް
ފެތުރުން
މ (1) ހާމަކުރުން. (2) މަޢުލޫމާތު ޢާއްމުކުރުން. (3) ތަރަފާލު ކުނާ ސާންތިފަދަ އެއްޗެއް އެޅުން. (4) ފޮތިފަދަ އެއްޗެއް ތަނެއްގައި ނިއުޅައިފައި ބެހެއްޓުން. ނުވަތަ ތަނެއްގައި ބާއްވައި ނިއުޅުން. (5) ރޭޑިޔޯގެ ޒަރީޢާއިން ދުރަށް އަޑުފޮނުވުން. (6) ފުންޏަކަށް ހުންނަ އެއްޗެއް ދުރަށް ބެހިގެން ދިއުން. (7) ބައެއް ކަހަލަ ކަންކަމާއި ތަކެތި ގިނަވަމުން ދިއުން. މިސާލު: ރޯގާފެތުރުން ޚަބަރު ފެތުރުން ފެތުރިއާއި ދަދު ފަދަ ތަކެތި ހެދެމުން ބޮޑުވަމުން ދިއުން (8) ފަތުގައި ނުވަތަ ކަފަފަދަ އެއްޗެއްގައި ވަކިގޮތަކަށް ބޭސް ހޭކުން (9) ތުންތުން މަތިން ވާހަކަ ނަގުލު ކުރުން
ފެޔަށްޖެހުން
މ (1) ދުރަށް ޖެހުން (2) އޮޑިދޯނިފަހަރު އެއްޗަކާ ނުވަތަ ތަނަކާ ދުރަށް ގެންދިއުން
ފޭރާން
ނ (1) އަންނައުނު (2) މަޖާޒު: އެއްޗެއްގެ ފެންވަރު މިސާލު: މިއީ ވަރަށް ފޭރާންދެރަ ޅެމެކެވެ
ފޭވުން
މ (1) ދުރުވުން (2) ދުރަށް ޖެހުން (3) ވަކިވުން