radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ރިބު
ނ ނާފަހަރުގެ ރިޔާ ކުޑަކޮށްފައި ބަނުމަށް ރިޔަލުގައި ހަދައިފައި ހުންނަ އަނގޮޓިވަޅު
ރިކޯޑުކުރުން
މ ކަމެއްގެއަޑު ނުވަތަ މަންޒަރު ނުވަތަ މަޢުލޫމާތު ފަހުން ބޭނުންކުރެވޭ ފަދަ ގޮތަކަށް ތަފާތު ވަސީލަތްތަކުން ރައްކާކުރުން
ރިއްމަސް
ނ މުށިމަހުގެ ސައިޒުގެ މަހެއް މިއީ މަހުގެ މަތީބައިގެކުލަ ނޫކުލައަކަށް ދާ ފެހިކުލައެއްގައި ހުންނަ އައިން އައިން ގަނޑަށް އުޅޭމަހެކެވެ މި މަސް އާއްމުކޮށް އުޅެނީ އެތެރެވަރީގެ ކަނޑުތަކުގައާއި ފުން ވިލުވިލުގައެވެ މިއީ ކަށިގިނަ މަހެކެވެ
ރިއްސަށްލޯލުން
މަޖާޒު: ހަލާލު ދަރިއެއްކަމަށް ބަފާ ގަބޫލުކުރުމާއެކު އެހެންމީހެއްގެ ދަރިއެއްކަމަށް މީހުންނަށް ޝައްކުވާނޭ ގޮތްތައް މެދުވެރިވީމާ ބުނެއުޅޭ ބަހެއް
ރިއްސުން
މ ރިހުން
ރިވާޔަތު
ނ އެކުލަވައިލައިފައި ހުންނަ ވާހަކަ
ރިވެލި
ނ (1) ހިޔަނި. (2) ގޭގޭ ދޮރުން ބޭރަށް ނިކުމެފައި ހުންނަ އަލި (3) ކަނޑުގެ ބާނިތަކަށް އިރުންއެޅިފައި ހުންނަ ދަޅަ
ރިވެލިކުނޑި
ނ ގޭގޭ ބިތުގައި ނުވަތަ ފުރާޅުގައި ހުންނަ ބާކޮޅަކުން ގޭތެރެއަށް ވަދެފައި ހުންނަ އަވިރޮނގުގެ ތެރޭން ފެންނަ ކުނޑިތައް
ރިވެލިކެނޑި
ނ ވެނުގެ ބާވަތެއް މިހުންނަނީ ގަޅިކަނޑާފައެވެ
ރިވެލިފަށް
ނ ތަނެއްގެ އެތެރޭގައި ދިއްލައިފައި ހުންނަ އެއްޗެއްގެ އަލި އެތަނެއްގެ ދޮރުން ބޭރަށް އެޅިފައިވާ ހިސާބު
ރިތްދަނޑި
ނ (1) ރިތް (2) ކުނބާއި ކުނބުކަފީގައި ރިތާއި ފަރުމާނާއި ދައްސޫރަ ފަދަތަކެތި ބަހައްޓަން ދެކުނބުގައި ބަނދެފައި ހުންނަ ކަނިގަނޑު
ރިސާލާ
ނ (1) އެކިއެކި ޢިލްމީ މަޢުޟޫއަށް ލިޔެފައި ހުންނަ ކުދިފޮތް (2) އެކިއެކި މައުޟޫއަށް ލިޔެފައި ހުންނަ ޢިލްމީ ބަހުސް
ރިސެޕްޝަން
ނ (1) ޚިދްމަތްދޭ ތަންތާނގައި މަޢުލޫމާތު ދިނުމަށް ބެހެއްޓިފައި ހުންނަ ކައުންޓަރ (2) މުނާސަބަތު ފާހަގަ ކުރުމަށް ބާއްވާ ސައި ނުވަތަ ކެއުން
ރިޒާވު
ނ (1) މުސްތަޤްބަލްގެ ބޭނުމަށް ބަހައްޓާ ތަކެތި (2) އެކިއެކި މުބާރާތްތަކާއި ކުޅިވަރު ތަކުގައި މީހެއްގެ ބަދަލުގައި ނުކުންނަން ހުންނަ މީހާ
ރިޔަލުފޫޅުގަނޑު
ނ ރިޔަލުގައި ދަންމާނު ހަރުކުރުމަށް ހަދައިފައި ހުންނަ ބޮޅު
ރިޕޯޓަރު
ނ (1) ޚަބަރު ފަތުރާ ވަސީލަތްތަކަށް ޚަބަރުހޯދައި ލިޔުމަށް ވަޒީފާދީފައި ތިބޭ މީހުން (2) އެކަމަށް ކަނޑައަޅާ ފައިތިބޭ މީހުން
ރީނބުރުފިލާ
ނ ގެދައާ އެއްވައްތަރަށް ފަތްކުދިކޮށް ބިމުގައި ފެތުރި ހެދޭ ކުޑަކުޑަ ގަހެއް މިގަހުގައި ވަރަށް ރީނދޫކުލަ ގަދަ ކުޑަކުޑަ މަލެއް އަޅައެވެ މިގަހުގެ ހުރިހާ ބައެއް ހަމުގެ މަތީގެ ދިލަނެގުމުގެ ބައްޔަށް ބޭސް ހެދުމަށް ބޭނުންކުރެއެވެ މީގެ ގޮނޑި ހުންނާނީ ކުޑަވާ އިނގިލިހާ ކުޑަކޮށެވެ
ރީނދޫ
ނ (1) ފޯލިކޮށް ހުންނަ ދޮންރަތްކުލައިގެ ގޮނޑިއެއް މިއީ ހަވާދާއި ބޭހަށް ބޭނުންކުރާއެއްޗެކެވެ (2) ވިއްސާރަދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަކުލަ
ރީނދޫހުން
ނ ހުމުގެ ބާވަތެއް މިހުންޖެހުނީމާ ލޮލާ ނިޔަފަތިތަކާ ހުދުހަމާ ކުޑަކަމުދާ އެއްޗެހި ރީނދޫ ވާނެއެވެ މިއީ ނުރައްކާތެރި އަދިގައިން ގަޔަށްއަރާ ބައްޔެކެވެ ބައެއްފަހަރު މޭގަނޑާ ސިކުޑިޔަށް ގެއްލުން ލިބިދާފަދަ ބައްޔެކެވެ މިބަލިޖެހެނީ ބަލިޖައްސާފަނީގެ ސަބަބުންނެވެ
ރީނދޫބޭސް
ނ ބޭހުގެ ބާވެތެއް މިބޭސް ހުންނާނީ ރީނދޫ ކުލައިގައެވެ މިބޭސް ބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭ ތަންތާނގައާއި މެށޭތަންތާގައި ފާރުހިއްކުމަށްޓަކައި އުނގުޅައެވެ