radheef.info
ރަދީފު


ޒ
އ ތާނައިގެ 91 ވަނަ އަކުރު
އަޅައިގަތުން
މ (1) އެއްޗެއް އެއްޗެއްގައި އެޅޭ ގޮތްވުން (2) އެއްޗެއް ތާކު ދަތިވުން (3) މަޖާޒު: ލޯބިން ނުވަތަ ރުޅިއައިސްގެން މީހަކާ ނުވަތަ އެހެންވެސް އެއްޗަކާ ބެހިގަނެގެން އުޅުން
އަޅައިގޮވުން
މ (1) ވައްލަފަދަ ބައެއްދޫނި އެކަތި އަނެއްކައްޗަށް ރައްޓެހިވެގެން އެކަތި ގޮވައިލީމާ އަނެކަތި ގޮވައިލުން (2) ދެޖިންސުގެ ދެމީހުން ރައްޓެހިވެގެން އެކަކު އެއްޗެއް ބުނީމާ އެޔާއަޅައި އަނެކަކު އެއްޗެއް ބުނުން (3) މަޖާޒު: ލާދީގޮވުން
އަކަޖެހުން
މ (1) އަކަޔަށް ވާނޭހެން ރޮނގުދެމުން (2) ފަންޑިތަވެރީން ވަކި އަދަދަކަށް ހަތަރެސްކަން ގޮޅިތަކެއް ޖެހުން މީގައި ހުންނާނީ ޤަވާޢިދެއްގެ މަތީން އަކުރުތަކެއް ނުވަތަ ޢަޒީމާތަކެއް ޖަހައިފައެވެ
އަކުޑިފިލުން
މ (1) އަކުޑިކަން ފިލުން (2) ރަށްވެހިވުން (3) މުހައްޒަބުވުން
އައިނަށްއެރުން
މ (1) މަސްއައިނެއްގެ ދޮށަށް ގޮސް އެންކެއްވުން (2) މަޖާޒު: ހުސްހަށިބައި އަންހެނަކު ގޮވައިގެން އުޅުން (3) ކޮންމެވެސް ކަމަކު ބޮޑެއްގެ އަރިހުގައި ޖައްސާލައިގެން އުޅުން
އައިނުމަހާއޮޑިޔާވުން
މ (1) އައިންދަހިވެ ރަނގަޅަށް މަސްބޭނޭ ގޮތްވުން (2) މަސް އައިން އޮޑިޔާ އެކުލެވުން (3) މަޖާޒު: ތިމާބޭނުން މީހާ ތިމާޔާހިތާވުން
އައިން
ނ (1) ކަނޑުގައި އުޅޭމަހުގެ ބައިބައިގަނޑު (2) ބައެއްޒާތުގެ ޖަނަވާރުގެ ބައިބައިގަނޑު (3) )ޏ ( އައިނު
އައިންހިފައިގެންވައިމައްޗަށްއެރުން
މ (1) މަސްއައިނެއްގައި އެތައް ދޯންޏެއް އޮއްވާ އެތަނުން ވަކިދޯންޏެއް އެންކަވައިގެން އެހެން މީހުންނަށް ކެހިދިނުމަށް އައިން ގޮވައިގެން ވައިމައްޗަށް ދިއުން (2) މަޖާޒު: އަނެކަކަށް ލިބޭން އަންނަމޮޅެއް ނުވަތަ ރީއްޗެއް އެފަރާތަކަށް ލިބުނަނުދީ ތިމާ އަތުލުން
އައިންމަތީމިޔަރު
ނ އުރަހާގެކޮޅު ހުދުނޫންމިޔަރު. މިޔަށް މިހެން ކިއުނީ މިޒާތުގެ މިޔަރު މަސް އައިނުގައި ގިނައިން އުޅޭތީއެވެ
އައިލަ
ނ )ޅ ( (1) އާލަ (2) ހެގަމަސް ޒާތުގެ ރިހާކުރު ކުލައިގައި ހުންނަ މަހެއް
އައިސާފާނު
ނ (1) އަންހެނުންނަށް ކިޔާ ނަމެއް (2) މަޖާޒު: ކަނޑުމަތި އެޅީމާ ފެންނަ ކަންތަކަށް ދަތުރުމަތީގައި ކިޔާގޮތް
އައު
ނއ (1) ބައުކަމުގެ އަނެއްކޮޅު (2) ބައުނުވާ (3) ތާޒާ
އައުކަން
ނއނ (1) ބައުކަމުގެ އިދިކޮޅު (2) ތާޒާކަން މިބަސް "އާކަން" މިހެންވެސް ކިޔައި އުޅެއެވެ
އައުދަ
ނއ )ބދ ( ޢިއްޒަތްތެރި
އައްތެލިފަނޑިޔާރުކަންކުރުން
މ މަޖާޒު: އައްތެލީގެ ފޫ ނައްޓައިލައިގެން ތެޅުވި ތެޅުވި އޮތުން
އައްސިފިލުވުން
މ (1) އައްސިކެނޑުވުން (2) މަޖާޒު: ކުއްލިއަކަށް ރުޅިއައިސްގެން ގޯސްކަމެއް ކޮށްލުން
އަވިހި
ނ (1) ދޮންދޫނި ތެރޭގެ ބާވަތެއް މި ހުންނާނީ ދޮންދޫންޏަށްވުރެ ކުދިކޮށް ރަތްކޮށްނެވެ މިއުދުހޭނީ މާ އަވަސް އަވަހަށެވެ (2) ނަކަތް ކިޔާއިރު ހުވަން ނަކަތުގެ ކުރީން ކިޔާ ނަމެއް އެކަމަކު މިއީ ދުވަހެއް ނާންނަ ނަކަތެވެ އަށާވީސް ނަކަތް ހަމަވަނީ މިނަކަތް ލައިގެންނެވެ (3) މަޖާޒު: ހަލުވިކޮށް އުޅޭ މީހުންނާމެދުވެސް މީގެ މިސާލު ދެއެވެ
އަމަލު
ނ (1) މަސްތު (2) އެއްޗެއްކައިގެން ނުވަތަ ބޮއިގެންވާ މަސްތު (3) މަޖާޒު: ލިބުނު ޙައިރާން ކަމަކުންވާ ދެބަންދިހާރު
އަމާންދިދަ
ނ (1) އިހުގައި ރަދުންނާއި ގަނޑުވަރުތެރޭ ހަތްކޮޅުނަގާ ބޭފުޅުން ޢިއްޒަތަށް ވަޑައިގަންނަވާއިރު ކުރީގައި ޖަޑިބު ހިފައިގެން ހުންނަ ބޮޑު ދިދަ މިހާރު އެދިދައިގެ ބަދަލުގައި ހުންނަނީ ޤައުމީ ދިދައެވެ މިހިފަނީ އެކަމަށް ޚާއްޞަ ކުރައްވައިފައި ހުންނަ މީހެކެވެ (2) އަމާން ދިންކަމުގެ ނިޝާން
އަމާކީތީ ފަރަށްދިއުން
)މިސާލުބަހެއް( (1) ބުނާލަފުޒުން ދޭހަވާ ކަމެއްގެ ބޭރު ކަމެއް ނުކުރީމާ ދޭ މިސާލެއް އެއީ ބެބުރުފުތުގެ އަމާފަރަށްދާން ބުނެގެން ބެބުރުފުތު ފަރަށް ގޮއްސްފައި ބޮލިނުހިލާ އައިމާ އޭގެ ފަހުން ޖެހުނު މިސާލެއް ކަމަށް ބުނެއެވެ (2) ބުނާކަންތައް ފަރުވާ ކުޑަކޮށް ކުރުން