radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ދުންހެދުން
މ (1) މާވަހަރާއި ބޮކަރާއި ލާދަނާއި ކަޅަނގާރިއާއި ކުމުންޒާންޏާއި ހިކިއުނިމަލާއި ގޮށް ކުޅަނދުރާ އެއްކޮށް ތަޅައިގެން ހަދާކުނޑިއެއް ހެދުން މިތަކެތީގެ ތެރެއިން ބައެއްތަކެއްޗަށް އުނިއިތުރު ގެނެސްގެންވެސް މިކުނޑިހަދައެވެ (2) ދުންތެޅުން
ދުރަށްޖެހިލުން
މ (1) ގާތުގައި ހުރި މީހަކު ނުވަތަ ގާތުގައި އޮތް ދިރޭއެއްޗެއް ތަންކޮޅަކަށް ދުރަށް ދިއުން (2) އެއްކިބާވެލުން
ދުރު
ނއ (1) ގާތް ކައިރި މިދެބަހުގެ އިދިކޮޅު (2) ގާތްކަމެއްނެތް (3) ހުރިހިސާބުންފޭ (4) ވަކިހިލޭ މަޖާޒު: (5) އަންނަންއޮތް ޒަމާނުންބައެއް މިސާލު: ދުރުމުސްތަޤްބަލް (6) ވޭތުވެދިޔަ ޒަމާނުން ބައެއް މިސާލު: އެންމެ ދުރު ހަނދާން
ދުރުހިލޭކަން
ނއނ ގާތްކަމެއް ތިމާގެ ކަމެއްނެތްކަން
ދުރުހިލޭވުން
މ ގާތްކަމެއް ތިމާގެކަމެއްނެތުން
ދުރުހިލޭވެގަތުން
މ ގާތްތިމާގެކަން ނުބަހައްޓައި ދުރުވެ ގަނެގެން އުޅުން
ދުރުހެލި
ނއ (1) ގާތްކަންކުޑަ (2) ގައިގޯޅިވެ ނޫޅޭ (3) އެކަހެރި (4) އެއްކިބާ
ދުރުހެލިކަން
ނއނ (1) ގާތްކަންކުޑަކަން (2) ގުޅުންނެތްކަން
ދުރުކަން
ނއނ (1) ދުރުމިންހުރިކަން (2) ދުރުހިލޭކަން (3) ގާތްކަމުގެ އިދިކޮޅު
ދުރުވުން
މ (1) ކައިރިވުން މިބަހުގެ އިދިކޮޅު (2) ގާތްކަން ކެނޑުން (3) އައުމަށާއި ދިއުމަށް މާތްކޮށް ބުނާގޮތް (4) ވަރިވުން (5) ކަމަކުން އެއްކިބާވުން (6) ފޭވުން
ދުރުމީހުން
ނ (1) ތިމާގެކަން ނެތް މީހުން (2) ގާތްކަން ނެތް މީހުން
ދުރުގާތްކުރުން
މ (1) އަތްގާތްކޮށްދިނުން (2) މަސައްކަތެއްގައި އެހީވުން
ދުރޯ
ނ (1) ހަނގުބޭކަލުންނާ ހަމައިންފެށިގެން މަތީފެންވަރުގެ މީހެއްގެ އަބުރާ ބެހުމުންނަގައި އުޅުނުލާރި މިގޮތަށް ނަގާނީ ދުއިސައްތަ އައްޑިހަލާރިއެވެ (2) ދެދޮރާށި ދޭތެރޭ ނުވަތަ ގުޅަކުޅޭ ފަސްގަނޑުގައި ފައިދޮށް ޖައްސަވައިގެން ހަނގުބޭކަލުން އެއްޗެއް ބައްސަވަން ތިއްބަވާ އިރު ކަމާނުބެހޭ މީހަކު އެއިން ތަނަކަށް ވަދެއްޖެނަމަ ދޭންޖެހޭއާދަ މިގޮތަށް ނަގައި އުޅުނީ އަށްލާރިއެވެ
ދުވަނި
ނ ޢާންމުކޮށް ކުޑަކުދިންގެ ގައިންނަގާ ބައްޔެއް މީގެ ދެތިން ވައްތަރު ހުރެއެވެ އެއީ )ހ( ގޮށް ދުވަނި )ށ( ރަސްދުވަނި މިއެވެ މިތަނުން އެންމެ ނުރައްކަލީ ރަސްދުވަންޏެވެ މިދުވަނިނަގާނީ ކަނދުރާއިން މަތިންނެވެ ތިރިއަށް ފައިބަމުންގޮސް މެޔަށްވުރެ ތިރިވެއްޖެނަމަ ވަރަށްބޮޑަށް ނުރައްކާވާނެއެވެ ބޮޑެތިމީހުންގެ ގައިން މިދުވަނި ނަގައިފިނަމަ ކިޔަނީ މާވިހައެވެ ދުވަނިވެއްޖެނަމަ ހުންނާނީނޫކޮށް ނުވަތަ ރަތްކޮށެވެ ގޮށް ދުވަނި ނަގާނީ ތަންތަން ކޮޅުގައިގޮށް ގޮށަށެވެ
ދުދިލުން
ނ (1) ގާތަށް ޖެހިލުން (2) ކައިރިވެލުން (3) ބެހިލުން
ދުޢާވެރިކަންކިޔެވުން
މ (1) އިހުގައި ދުޢާވެރިކަން ކިޔަވާ މީހުން ރޭގަނޑު ނުވައެއް ޖަހާއިރުގައްޔާއި އެގާރަޖަހާއިރު މެދުޒިޔާރަތްދޮށުގައި ޞަލަވާތް ފާތިޙާ ކިޔަވައި ދުޢާކުރުން (2) ރޯދިބަރަކާތަށް ކިޔަވާ ކިޔެވެލި ކިޔެވުން
ދޫނިފަތް
ނ (1) ވެވުގެ އެތެރޭގައި ފެނާހަމައިގައި ވަށައިގެން އޮންނަގާ (2) ދޫނީގެ ފަތް
ދެހަންދޭތެރެ
ނ (1) ހުދުހަމާއި ކަޅުހަން ގުޅޭތަން (2) ހަށިގަނޑުގެ ބޭރުހަމާއި އެތެރެ ހަމާދެމެދު މިސާލު: ތިޔައީ ދެހަންދޭތެރޭގައި ހިނގާ ބައްޔެކެވެ
ދެނަހުރިބައި
ނ އިހުގައި ވިޔަފާރީގައި ކޮންމެވެސް ގޯހެއް ހަދާއިރު އެކަންދެނަހުރިމީހަކު އެކަން ފާޅުނުކުރޭތޯ އެކަންތައް ހިންގާ ބަޔަކު އެމީހާއަށް އަޅާބައި
ދެބު ދާރު
ނ ދަނބުގަހާ ވައްތަރު ފަތްތައް އެއަށްވުރެ ތޫރިކަންބޮޑު ލަކުޑީގެ ކުލަ ރަތްބަބުރު ކެލަޔާ ގާތްކުރާ ކުލައަކަށްދާ ބިޔަކޮށްހެދޭ ލަކުޑިހަރު ކީލިހިމުން ގަހެއް