radheef.info
ރަދީފު


ދާ
ނ (1) މަސްހިފުމަށްޓަކައި ރޮދިފަދަ އެއްޗަކުން ގޮޅިގޮޅި އަށްވާގޮތަށް ބަނދެފައި ނުވަތަ ހަދައިފައިވާ އެއްޗެއް (2) މައުދަނީ ފަށްތަކުން ގޮޅިގޮޅިޔަށް ވާގޮތަށް ހަދައިފައި ހުންނަ އެއްޗެހި (3) ގައިގެހަމުގައި ހުންނަ ލޯވަޅުތަކުން ނުކުންނަފެން (4) )ޏ ސ ( ފުނޑާ ދައި (5) )ގ ( ދޯ (6) "ދިއުން" މިބަހުގެ ވާކަން (7) ދާވުން މިބަހުގެ ނަން އިތުރު
އެއްތެޔޮމަޅި
ނ ދަނޑިގަނޑެއްގައި ހަތަރު މަޅި ނުވަތަ އަށް މަޅި ނޫނީ ސޯޅަ މަޅި ވަކިގޮތަކަށް ހަރުކޮށްފައި އެތެރެއަށް ނަނުފަށެއް ލައްވައިގެން ގެންގުޅޭ އެއްޗެއް މިއީ ފޫހި ފިލުވަން ގެންގުޅޭ ކުޅިވަރެއްގެ ގޮތުގައި ވަކި ގަވާއިދަކުން އަޅުވާ ނައްޓާ ހަދާ އެއްޗެކެވެ
އެއްލުން
މ (1) އަތުން އެއްޗެއްގައި ހިފާ އެ ދުރަށްދާނޭހެން އަތުން ދޫކޮށްލުން. (2) ގުޑި ތެލަނގަ ފަދަ ތަކެތި ހިފައިގެން ހުރެފައި ނަނުގައި ހުންނަ މީހާ ބުނީމައި މައްޗަށް އަރައިގެން ދާނޭހެން ދޫކޮށްލުން. (3) މަސްބޭނުމަށްޓަކައި ނަނުގެ އެއްކޮޅު ހޫރާލުމާއެކު މޫދަށް ދޫކޮށްލުން. މިހެން ހަދަނީ ނަނުގެ ކޮޅުގައި އޮންނަ ބުޅީގައި އެން އަޅައިފައެވެ. )އެއްލި ނނކ އެއްލައިފި ނކ އެއްލަނީ ވވ އެއްލާނެ ވނ އެއްލާ! އމ
އެއްގޯސްވުން
މ (1) ޤަވާއިދާ ޚިލާފަށްކަމެއް އާދަވުން (2) ކަމަކުން ބޮލަށް އުނދަގޫ ވޭވޭގޮސް ހިސާބަކަށް އެކަމަށް ހޭނުން
އެވެނިމިވެނި
ނއ ކަންތައްތަކެއްގެ ނުވަތަ އެއްޗެހިތަކެއްގެ މައްޗަށް އިޝާރާތްކޮށް ނަން ނުބުނެ އޭގެ ބަދަލުގައި ބުނާގޮތެއް. މިސާލަކަށް: އެވެނިމިވެނި ގޮތަށް އުޅޭ އެވެނިމިވެނި ކަންތައް ކުރޭ އެވެނިމިވެނި އެއްޗެހި ހޯދާ
އެދުންއައުން
މ (1) ހިތުގައި އެދުމެއް ފައިދާވުން (2) ޝަހުވާނީއެދުން ހިތުގައި އުފެދުން
އެދުރު
ނ (1) އުގަންނައިދޭ މީހާ. (2) ބައެއްކަންތަކުގެ ވެރިޔާ. (3) ވިހޭގޭތެރޭގައި އިރުވަރު ބަލައި އުޅޭމީހާ. (4) ފަންޑިތަވެރި މީހާ. (5) ފަންޑިތަހަދާ. މިސާލު: )ހ( ޖަމާޢަތްތެރި އެދުރު )ށ( ތާޅަފިލި އެދުރު )ނ( ޚިތާންކުރާ އެދުރު (6) މަޖާޒު: ޒަކަރު
އެދުރުބޭކަލުން
ނ (1) އެދުރުންނަށް މާތްކޮށް ކިޔާގޮތް ޚާއްޞަކޮށް މިހެންކިޔައިއުޅެނީ ކޮށިކޮށީގެ އެދުރުންނާ މެދުގައެވެ (2) ކަންތަކަށް ކުޅަދާނަމީހާ
އެތެރެބޮޑުއަށި
ނ ދާލަބޮޑު އަށި
އޭތި
ނ (1) އެއެތި (2) ކަމުނުދާގޮތް މިސާލު: މި މިއޮތީ މުޅިން އޭތިވެފައެވެ
އޮށާޅަ
ނ މޫނުންނަގާ ބިއްސެއް މީގެ އެތެރޭގައި ހުދުކުލައިގެ ތަތްމާއްދާއެއް ހުންނާނެއެވެ މިގިނައިން ނަގަނީ ޒުވާން ފުރައިގައެވެ
އޮށިދަތި
ނ މީދާ ހިފާން އޮށީން ގަތައިފައި ހުންނަ އަށިގަނޑެއް
އޮށިގަނޑު
ނ (1) މައްޔިތާ ސަންދޯކުނާޅާ ވަޅުލަންޏާ ޤަބުރުސްތާނަށް ގެނދާން އޮށީން ބަނދެގެން ގެންގުޅޭ އެއްޗެއް. (2) ބަލިމީހުން އެއްތަނުން އަނެއް ތަނަށް ގެންދާން ދެދަނޑީގައި ފޮތިޖަހައިގެން ނުވަތަ ފީތާ ފުރައިގެން ހަދައިފައި އޮންނައެއްޗެއް. (3) ބައިސްކަލު ފަހަތުގައި އެއްޗެތިބަހައްޓާން ހުންނަ ޖާލީގަނޑެއް. (4) ވެޔޮއެރުވުމާއި ތަވާބަންޑުން ޖެހުމާއި އަދި މިނޫނަސް އެކިއެކި ބޭނުމުގައި ޖާލީހެއް ބަނދެފައި ހުންނަ އެއްޗެތި
އޮށްވަޅުގޮނޑި
ނ އޮށްވަޅު ކުޅޭން ހަދާފައި ހުންނަގޮނޑި މިހުންނަނީ ހަތަރުފަސް ހިންޗީގެ ފުޅައުމިނުގައި ގާތްގަނޑަކަށް ދެތިންފޫޓެއްގެ ދިގުމިނުގައެވެ
އޮށްގާފިލާއައުން
)މިސާލުބަހެއް( ކުއްލިއަކަށް މުދާތަކެއް ނުވަތަ ފަހިކަމެއް ލިބުނީމާދޭ މިސާލެއް
އޮނުފަތިރާރާ
ނ ވޮއްޑުންޏެއްގެ ސިފައިގައި ލަނބައިފައި އޮންނަ އޮނުފަތި ކޮޅެއްގައި ކަށިކެޔޮ ގަހު ހިކިފަތުގެ ވަރުފަށެއް ނުވަތަ އެކަހަލަ ކޮންމެވެސް އެއްޗެއް ހަރުކޮށްގެން ހަދާއެއްޗެއް. މިއީ އެއްލާމަޑި ވައު ކޮކާފަދަ އެއްޗެތީގެ މައި ދުނީގެ މަތީކޮޅުގައި ހަރުކޮށްގެން ކައްޗާ ދުއްވާއިރު ވަރަށް ރީތި އަޑެއް ގޮވާއެއްޗެކެވެ
އޮރުވާ
ނ އޮޅުދޫ ކަރައިގެ މީހުން މަހަށްދާން ގެންގުޅޭ ބަރާދޯނި މީގެ ދެކޮޅު ހުންނާނީ އެއްގޮތަށެވެ އަނގަމަތީގެ ފުޅައުމިންވާނީ ރިޔަނެއްހައި ވަރެވެ
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮޅުންއެރުން
މ ހިނގަހިނގާހުރި ކަމެއްގައި ދެން ކުރިޔަށް ދާންވީގޮތެއް ނުފިލާ ގޮތްވުން
އޮޅުފަތި
ނ ބާވަތެއްގެ މިޔަރެއް. މީގެ ބުރަކަށިމަތީގައި ތިން އުރަހަ ހުންނާނެއެވެ. މީގެ ބަނޑުދޮށުގައި ހުންނަ ދެފިޔަފަތުން މިދާނޭމަގު ކޮނެފުން ކުރަމުންދުވެއެވެ. މީގެ ބޯ ތަންކޮޅެއް ދިގުވާނެއެވެ. މިއީ ދޯނިފަހަރާއި މީހުންގައިގައި ދަތް އަޅާއި އުނދަގޫދޭ ނުބައި މިޔަރެކެވެ
އޮއިކަންކަށީގައިޖެހުން
މ (1) ދުވެފައިދާ އެއްޗެއްގެ ދަށްފަރާތުން ކަންކަށީގައި ޖެހޭ އޮއިގެ ސަބަބުން އެއެއްޗެއް ވަޔަށް ނެގެމުން ދިއުން (2) މަޖާޒު: މަތީދަރަޖައިގެ މީހެއްގެ އެހީގައި އެކަމަށް އެޅިގެން ނުވެޔޭ ހީވާމީހަކު މަޑުމަޑުން ކުރިއަރަމުން ދިއުން