radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
ފޯމަތީތިންރޭ
ނ ހަނދުމަހުގެ 31 41 51 މިތިންރެއާއި 72 82 92 މިތިންރޭ
ފޯމު
ނ (1) އެކިކަންކަމަށް އެދޭ މީހުންނާއި އެކި ތަންތަނަށް ވަންނަ މީހުންނާބެހޭ މަޢުލޫމާތު ލިޔާގޮތަށް ހުސްތަންތަން ދޫކޮށްފައި އޮންނަ ލިޔުމެއް ނުވަތަ ކަރުދާހެއް (2) ޘާނަވީ ކިލާސްތަކަށް ކިޔައި އުޅުނު ނަމެއް (3) ކިޔަވާ ކުދީންނަށް އިމްތިޙާނު ނިމިގެން ދޭނަތީޖާއާއި ފެންވަރު އަންގައިދޭ ކަރުދާސް
ދަހިފޫޅު
މ (1) މަހުގެ ލަގޮނޑިއާ ގުޅިފައި އޮންނަ ފޫޅޫ (2) މަޖާޒު: ދަހިކުދިންނާމެދު ބުނެއުޅޭ ބަހެއް
ދަށްބަގަ
ނ (1) އާދައިގެ މީހުން (2) ދެރަމީހުން (3) ދެރަބަގަ
ދަނބުކުލަ
ނ (1) ގަދަ އޯކިޑު ކުލައަކަށްދާ ކުލައެއް (2) ރަތްކުލައާއި ނޫކުލައާ ދެމެދުގައި ހުންނަކުލަ (3) ދަނބު ދޮންވީމާ ހުންނަ ކުލަ
ދަނޑިރޫސިހާބަތް
ނ ކިރިޔާ އާރުފިލާވަރަށް ހަރުކޮށް ކައްކައިފައި ހުންނަ ރޫސިހާބަތް
ދަނޑިޖެހުން
މ ވަކިވަރަކަށް ބުރިކޮށްފައިހުންނަ ދަނޑިކޮޅުތައް ބޭނުންކޮށްގެން ކުޅޭ ކުޅިވަރެއްކުޅުން މީގެތެރޭގައި މަންގަލަން ދަނޑިއާއި މަލިކު ދަނޑިފަދަ ކުޅިވަރުތައް ހިމެނެއެވެ
ދަނޑުފަނގު
ނ ގަސްގަހާގެހި ހައްދާ ދަނޑާއި އާމްދަނީ ލިބޭ ހިންނަފަދަ ތަންތަން
ދަންބަލައިގަތުން
މ (1) ފޯރިބަލައިގަތުން (2) ދަންފަޅިއާ ހަވާލުވުން
ދަންބޮޑު
ނ ވިދުންހުރި މަޑުރަތްކުލައިގެ މަހެއް މިމަހުގެކޮތަރިތަކާއި ނިގޫ ފަތްހުންނާނީ ރަތްކުލައިގައެވެ ނިގޫފަތުގެ މަތީކައިރިއާއި ތިރީ ކައިރި ހުދުވާނެއެވެ މިއީ ރޭގަނޑުގެ ކެޔޮޅުކަމުގައި ބޭނޭމަހެކެވެ
ދަންފަޅިބަލައިގަތުން
ނ ދަންފަޅިއާ ޙަވާލުވުން
ދަންދިޔަހިއްކުން
މ އަނެއްދުވަހު މަހަށް ދިއުމަށް ދަމާއެން މަރުވިޔަނުދީ ދިޔަގަނޑުއާކޮށް ބެހެއްޓުމަށް އެކަކު ހޭލާ ހުރެގެން ދިޔަހިއްކައި އެންއޮޑި ބެލެހެއްޓުން
ދަރަ
ނ ވަބާއާއި ރޯގާއާ ގުޅޭ ޚިޔާލީ ފުރޭތައެއް
ދަރުމަވާނެ
ގބ (1) ކަމެއް ކުރުވުމަށް ނުވަތަ ނުކުރުވުމަށް އާދޭހުގެ ގޮތުން ބުނެއުޅޭ ބަހެއް (2) ހެޔޮނުވާނެ
ދަރުޖެހުން
މ (1) ފޮނުވަތުގެ ކައްޓާއި އަރިޔަންހަރާއި ދިގުހަރު ލިޔާކަށިފަދަ ތަކެތީގެ ދަރުހެދުން (2) ފަރުތޮޅިއާއި މާތޮޅިފަދަ އެއްޗެހި ފެނުން ކެނޑިގެން ފުމެމުން ފުމެމުން ދިއުން (3) އުވަވަޅުގައި ވަކިގޮތަކަށް ދަރުއެތުރުން
ދަރެއްބަނދެލުން
މ (1) އަންހެނުންގެ ކަނޑިކީން ނުވަތަ ފޭލީން އަރުވާ ޖެހުން (2) މަޖާޒު: ހިތްވަރެއް އާކޮށްލުން
ދަބަރުބަލި
ނ ގަސްގަހަށްޖެހޭ ބައްޔެއް. އާއްމުގޮތެއްގައި މިބަލި ޖެހެނީ ލުނބޯގަހަށާއި ލުނބޯ އާއިލާގެ ގަސްގަހަށެވެ މިބަލިޖެހެނީ ގަހުގެމޭވާއާއި ގަހުގެ ފަތްތަކަށާއި ގަސްގަނޑަށެވެ މިބަލިހުންނަގޮތަކީ ކުޑަކޮށް އުފުލިފައި ދަބަރުކުލައިގައެވެ އަތް ހާކާލީމާ އަޅައި ގަންނަގޮތަށެވެ މިއީ ފިލުވަން ވަރަށް އުނދަގޫ ބައްޔެކެވެ
ދަބޮކެއްކުން
މ )ޏ ( މަޖާޒު: އާދަކާދައިގެ ގޮތުން އަންހެނުންކޮށް އުޅޭ މަސައްކަތެއް ފިރިހެނަކު ކުރުމުން ބުނެއުޅޭ ބަހެއް
ދައްވާރު
ނ ނާފަހަރާއި ބޯޓްފަހަރުގެ ނަގިލިނެގުމަށް ބޭނުންކުރާ އާލަތެއް
ދަވަ
ނ (1) ކަރުތެރެއާއި އަނގައިގެ ތެރޭގައި އުފެދޭ އޮލަތެތްކަން (2) ގިނަދުވަސްވެ ނުބައިވެފައި ހުންނަ ކާއެއްޗެހީގައި އުފެދޭ އޮލަ ދިޔަ