radheef.info
ރަދީފު


ނ
އކ ތާނައިގެ ތިންވަނަ އަކުރު
ހަތަރުދަން
ނ (1) ދުވާލު ނުވަތަ ރޭގަނޑުގެ ހަތަރުބައި (2) މުޅި ދުވާލު ނުވަތަ މުޅި ރޭގަނޑު (3) ސާޅީސްއަށް މޭލުގެ ދުރުމިން
ހަތަރުދަންފަށް
ނ ސާޅީސްއަށް މޭލުގެ ދުރުމިން
ހަތަރުޖަންގީކައްޕި
ނ ހަތަރު ފޮރޮޅުލީ ކައްޕި
ހަތަރެއް
ނ ގުނުމުގެ ހަތަރުވަނަ ޢަދަދުގެ ނަން
ހަތަރެއްސަ
ނ ހަތަރުހިޔަ
ހަތަރެސް
ނއ އެއްޗަކާ ގުޅިފައިވާ ހަތަރު ބަޔަކަށް ދަލީލުކުރާ ބަހެއް. މިސާލު: ހަތަރެސްކަން ހަތަރެސްފައި
ހަތަރެސްކަން
ނއ (1) ހަތަރުބިތް އެއްވަރު (2) ހަތަރުކަނަށް ހުންނަ
ހަތަރެސްފައި
ނ (1) ދެއަތާއި ދެފައި (2) ހަތަރެސްފައިޖެހި ޖަނަވާރުގެ ކުރީދެފަޔާއި ފަހަތުދެފައި
ހަތަރެސްފައިޖެހިޖަނަވާރު
ނ ހަތަރު މޮށްގަނޑު ޖަހައިގެން ހިނގާ އުޅޭ ސޫފި
ހަތަރެސްދުވާރަ
ނ (1) އެއްޗެއްގެ ނުވަތަ ތަނެއްގެ ހަތަރުފަރާތް (2) ހަތަރުބިތް
ހަތައިވަރަ
ނ ޤައުމީ އުފެއްދުންތެރިކަމުގެ މިންވަރު. މީގައި ބަލަނީ ވަކި މުއްދަތެއްގެ ތެރޭގައި )މިސާލަކަށް އަހަރު ދުވަހަކަށް( ތަނުގައި އުފައްދާ ހުރިހާ އެއްޗަކާއި ދޭ ޚިދުމަތާއި ތަނުގެ މީހުން ބޭރުގައި ކުރާ ޚިދުމަތަށް ލިބޭ އަގުގެ ޖުމްލައިން ބޭރަށްދާންޖެހޭ ހުރިހާ ޚިދުމަތެއްގެ އަގު ކެނޑީމާ ނުކުންނަ އަދަދެވެ
ހަތަވިވަރަ
ނ ތަނެއްގެ އުފެއްދުންތެރިކަމުގެ މިންވަރު މީގައި ބަލަނީ ވަކި މުއްދަތެއްގައި )މިސާލަކަސް އަހަރު ދުވަހަކަށް( އެ ޤައުމަކުން އުފައްދާ ތަކެއްޗަކާއި ދޭ ޚިދުމަތަށް ލިބޭ ޖުމްލަ އަގެވެ
ހަތަގޮޅިމަގު
ނ. (ގ) ހަތަރު އަނގޮޅި
ހަތާ
ނ (1) މޫދުގައި ތުނިކޮށް ފަތިކޮށް ފެތުރި ހެދޭ ގައު (2) ތުނިގައު ފޮތި ފޮތި (3) ކުޅަނދުރު އުޅޭން އެ އެއްޗިހި ހަދާގެ (4) ދިރޭއެއްޗެއްގައި ދިރުންހުންނަ އެންމެ ކުޑަބައި ހުރިހާ ދިރޭއެއްޗެހި އެއެއްޗަކުން އުފެދިގެންވާ އަސާސީމާއްދާ މައިކްރޯބްފަދަ ސާދާ ދިރޭއެއްޗެހި އުފެދިފައިވަނީ އެންމެ ހަތަޔަކުންނެވެ އިންސާނުންފަދަ އޮޅުން ބޮޅުން ބޮޑުއެއްޗެހި އުފެދިގެންވަނީ އެތައް މިލިޔަން ހަތާތަކަކުންނެވެ
ހަތާ ނެތި އުޅޭ ވައިކުޅަނދުރެއް ހެން
މިސާލު: މީހަކު ކުރާނެ ވަކި ކަމެއް ދާނެ ވަކި ތަނެއް ނެތި ވައިވެގެން އުޅޭ އުޅުމަށް ބުނެއުޅޭ ބަހެއް
ހަތާވީސް
ނއ ދެދިހަ ހަތެއް
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހަތާތަޅައިލުން
މ (1) ކުޅަނދުރުގެހަތާ ހަލާކު ކޮށްލުން (2) މަޖާޒު: ތިމާއުޅޭގެ ނުވަތަ ތިމާ އެތަނަކާ ގުޅިފައިވާތަނެއް ތިމާގެ ކިބައިން ނިގުޅައިގަތުން ނުވަތަ ނައްތައިލުން
ހަތި
ނ (1) ފީވެފައިހުންނަ ރުއްބުޑުން ފަޅާ ފަށަލަ ފަށަލައަށް ހުންނަ ހުދު ރީނދޫ ކުލައިގެ ގަދަކަންފަތް ތެތް ލަކުޑި ގަނޑެއް ހިކެމުން އަންނަ އިރުވެސް މިކަހަލައެއްޗިހި ފަޅައެވެ (2) މޫދުން ފަޅައިފައި ހުންނަ ބާވަތެއްގެ ގަލެއް
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ