radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ރާއުނދުނުފަތަފޮޅި
ނ މަސްފަތަފޮޅި ފިހަން ފުށްގަނޑު މޮޑޭގޮތަށް މޮޑެފައި ފަތުގައި ޖަހައި ފަތާކޮށްލައިފައި މަތިން ފަތްގަޑެއްޖަހައި ހޫނުކޮށް ހުންނަ ރާއުނދުނުގެ އަޅިގަނޑުދަމައިގެންފައި އުނދުނުގެތެރޭގައި ބާއްވާއި މައްޗަށް ހޫނުއަޅިއަޅައިގެން ފިހާފަތަފޮޅި
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރާޒުވާ
ނ ފަސްދޮޅަސް ހަތަރު ގޮޅި ހުންނަ ފިލާގަނޑެއްގެ މަތީގައި ކުޅޭ ކުޅިވަރެއް މިކުޅިވަރު ކުޅެން ބޭނުންކުރާނީ ދިގުހަރުން އެކިސިފަސިފައަށް ލިޔެފައި ހުންނަ ކުޅިތަކެކެވެ މިއީ ދެމީހުން ކުޅޭ ކުޅިވަރެކެވެ
ރާޒުވާގޮނޑި
ނ މިއީ ފަރާތެއްގައި 8 ގޮޅިމަގުން ޖުމުލަ 46 ގޮޅިހުންނަ ގޮތަށް ހަތަރެސްކަނަށް އޮންނަ ފިލާގަނޑެކެވެ މިފިލާގަނޑު ހުންނާނީ ތަންތާ ބެހެއްޓޭގޮތަށެވެ ގޮޅިތަކުގެ ބޭރުން ފިލާގަނޑުގެ ދެކޮޅުގައި ކުޅިތައް ބެހެއްޓޭނެ ޖާގަ އޮންނާނެއެވެ
ރިހަބަތްކޭން
ނ މައުލޫދަށް ކައްކާ ކޭމުގެ ބާވަތެއް. އާންމުކޮށް މިކޭމުގައި ހުންނާނީ ފެންބަތާއި ބަރަބޮލު ރިހައާއި ކިރެވެ. މިކިރަކީ ހަނޑުލު ފުށުގައި ފޮނިކޮށް ކައްކާފައި ހުންނަ އެއްޗެކެވެ. މިއީ ހިޔަރަކާތް މާލޫދާއި ގަނޑުމާލޫދާއި ރަންމާލޫދު ފަދަ މާލޫދުތަކަށް ކައްކާއުޅުނު ކޭމެކެވެ
ރިހަމަސް
ނ ރިހައިން ނަގައިފައި ހުންނަ މަސް
ރިހަފޮޅި
ނ ވަޅޯމަހުގައި ހިކިކޮށް ކައްކައިފައި ހުންނަ ރިހައެއް އެތެރެޔަށް އަޅައިގެން ތައްޔާރުކުރާ ފޮޅި
ރިހާކުރުބަގީޗާ
ނ ކުރޯޓަންއާއިލާގެ ގަހެއް މިގަހުގެ ފަތް ހުންނަނީ ރީނދޫކުލައިގެ ތިކިތަކެއްޖަހައިފައި ފެހިކުލައިގައެވެ ބައެއްގަސްގަހުގެ ފަތް ހިމަދިގުކޮށް އަނެއްބައިގަސްގަހުގެ ފަތް ކުރުފަލަކޮށް ހުރެއެވެ މިގަހުގެފަތް ޗިސްކުރުމުން ރިހާކުރުވަސް ދުވައެވެ
ރިހާކުރުބޮނޑި
ނ ރިހާކުރަށް އަޅައިފައި ހުންނަ މަހުގެ ގުޅަ މިއީ ކަނޑުމަހުގެ ކަށިފަތި ކަހައިގެން ނަގާމަސްގުޅަ ވަށައިގެން ކައްކައި ހިއްކައިގެން ނުވަތަ ވަޅޯކޮށްގެން ހަދައިފައި ހުންނަ އެއްޗެކެވެ
ރިހާކުރުބޮލި
ނ ވަށައިގެން ކައިރިފަށުގައި ރިހާކުރު ކުލަ ހުންނަ ބޮއްޔެއް ބޮލީގެ ބުރަކަށިމަތީގައި ފަނޑު ހުދުކުލައަކާއި ގަދަމުށިކުލައިގެ ތިކިތަކެއް ހުންނާނެއެވެ ދަށްފަރާތުގައި ހުންނަނީ ނުސާފު ހުދުކުލައެކެވެ މިބޮލި އޮންނާނީ ކުކުޅުބިސް ބުރަށެވެ
ރިހާކުރުއަވަލި
ނ ހުތާއި މިރުހާއި ފިޔަޔާއި އިނގުރާއި ހުންޏާއި ރިހާކުރާ ލައިގެން މޮޑެފައި ހުންނަ އަވަލި
ރިހާކުރުފަތަފޮޅި
ނ ރިހާކުރާއި ހުންޏާއި މިރުހާއި ފިޔަޔާއި ހުތާއި އިނގުރާ ރިހާކުރާއި ލައިގެން ފިހާ ފަތަފޮޅި
ރިހާކުރުލެބުރު
ނ ދޮންދޫނީގެ ބާވަތެއް މީގެ ފަހަތު ދެފިޔަގަނޑުގެ ބުޑުދޮށުގައި ރިހާކުރު ކުލައިގެ ލަފެއް ހުންނާނެއެވެ
ރިހިހިރު
ނ ކަސަބުބޯވަޅުގައި އަޅަން ރިހިކަސަބުން ވިޔެފައި ހުންނަ ފީތާފަށް
ރިހިމުޑުދާސް
ނ ރިހިކުލައިގެ ހުންނަ މުޑުދާހެއް މިއީ ބޭހަށްގެންގުޅޭ ބާވަތެއްގެ މަޢުދަނެކެވެ
ރިހިދުއްވުން
މ އަޅައިފައި ހުންނަ ކުރެހުމުގައި ރިހި ކުލަޖެއްސުން
ރިހިދޯދި
ނ (1) ހަނދުވަރުން ލޮނުގަނޑު މައްޗަށް އެޅިފައި ހުންނަ ދަޅަތައް (2) ވިލާގަނޑުގެ ތެރެއިން ކަނޑުގެ ލޮނުގަޑަށް ފައިބައިފައި ހުންނަ ހަނދުވަރުގެ ރޮނގުތައް
ރިހުންނެގުން
މ މާބަނޑު މީހުން ވިހަން ބަނޑުގައި ރިހޭއިރު އާދައިގެ ރިހުމަށްވުރެ ގަދައަށް ވޭންވަރު އައުން
ރިހުންގަނޑު
ނ ގަދަރިހުން
ރިބަން
ނ (1) ސިލްކުން ނުވަތަ އުއިން ވިޔެފައި ހުންނަ ނުވަތަ ކަރުދާހުން ނުވަތަ ޕްލާސްޓިކުން ހަދައިފައި ހުންނަ ފީތާފަށް (2) ސިފައިންނަށް މެޑެލްދޭ ގޮތަށް ކުލަދޭއިރު ދޭ ކުލަކުލައިގެ ފޮތިފަށް (3) ޓައިޕް ރައިޓަރު ފަދަ މެޝިނަށްލައްވާ ދެލިހިފާގޮތަށް ހަދައިފައި ހުންނަ އެތި