radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ބަނގުރޫޓު
ނ ހުރިމުދަލަށްވުރެ ދަރަނިބޮޑުވެގެން ހުރިހާ މުދާ ވިއްކަންޖެހޭ ޖެހުން
ބަނގުރޫޓުވުން
މ އަތުގައިހުރި މުދަލަށްވުރެ ދަރަނިބޮޑުވެގެން ހުރިހާ މުދާ ނީލަން ކިޔާން ޖެހުން
ބަނގުފިލާ
ނ (1) ގަންޖާ (2) މަރުވާނާ މީގެ ގަސްހެދެނީ 4 ފޫޓާއި 6 ފޫޓަށެވެ ބައެއް ގަސް މިއަށްވުރެ ދިގުކޮށްވެސް ހެދިފައި ހުރެއެވެ ފަތް ހުންނާނީ ދަނޑި އަލުވިފަތްހެން 6 ބަޔަށެވެ
ބަނޑަށްވަނުން
މ މަޖާޒު: މަކަރުވެރިގޮތުން ތިމާގެބަސް އަނެކަކު ޤަބޫލުކުރާނެގޮތް ހެދުން
ބަނޑަށްޖެހުން
ނ ހައިހޫނުގައި ޖެހުން
ބަނޑަވަރުގެލުން
މ ބަނޑަވަރުގެ ދެފަރާތުގައި ހުންނަ މާރުފަށް ބަނޑަވަރުގެ އެތެރެއަށް ވާނޭހެން ގޮށް ޖެހުން
ބަނޑިވުން
މ ވިރިކެކޭ މައުދަނަކުން ނުވަތަ ޕްލާސްޓިކު ފަދަ އެއްޗަކުން ހަދައިފައި ހުންނަ އެއްޗިހީގައި އެއްޗަކުން ޖެހިގެން ނުވަތަ އެނޫންވެސް ގޮތަކުން އަޑިގުޑަންވުން
ބަނޑިޔާ ލަނގިރި
ނ ލަނގިރިޖަހާއިރު ދެސަފަށް ތިބޭގޮތަށް ބަނޑިޔާ ހިފައިގެން އަންހެންކުދިން ތިބެގެން ކުޅޭ ކުޅިވަރެއް
ބަނޑިޔާބުރި
ނ (1) ބަނޑިޔާ ފާޑަށް އަނގަބޮޑުކޮށްހުންނަ ކަންވާރެއް (2) ގަންޖިފަރާސް ފާޑަށް ކަނޑައިފައި ހުންނަ ކުރު އަތްބުރި ލިބާހެއް
ބަނޑިޔާޖެހުން
މ (1) ކިޔާލަވަޔަށް ހަމަވާގޮތަށް ލޯބަނޑިޔަލުގައި ޖަހަމުންކުޅޭ ކުޅިވަރެއް ބަނޑިޔަލުގައި ޖަހާއިރު ޖަހާނީ އަތުގައިވާ އަނގޮޓި ބަނޑިޔަލުގައި ޖެހޭގޮތަށެވެ އެއްބަނޑިޔާ ބޭނުން ކޮށްގެންވެސް އަދި ދެބަނޑިޔާ ބޭނުން ކޮށްގެންވެސް މިކުޅިވަރު ކުޅެއެވެ (2) ބަނޑިޔާ ލަނގިރި
ބަނޑު
ނ (1) ކާއެއްޗެހި އަނގައިގެ ތެރެއިން ގޮސް އެޅޭތަން (2) އިންސާނުންގެ މޭކަށިގަނޑުން ފެށިގެން ފޫޅާދެމެދު (3) މަސްމަހާމެހީގެ ގޮހޮރު (4) ބަނޑުހަނޑޫ (5) އޮޑި ދޯނިފަހަރު ބަންނަ ވަޑިންނަށް ދުވަހު މުސާރައިގެ ގޮތުން ދީއުޅުނު ހަނޑޫ (6) ރަހިމު (7) ބޯޓު ފަހަރުން މުދާ ބާލާށާއި ބޯޓު ފަހަރަށް މުދާ އަރުވަން ބޭނުންކުރާ އުޅަނދު (8) ހޮޅިލާ ނަގާރާޅުގެ އެތެރެ މިސާލު: ރާޅުގެ ބަނޑު (9) ބިމުގެ އަޑި މިސާލު: ބިމުގެބަނޑު )01( އެއްލައިފައި ހުންނަ ގުޑީގެ ނަނުގައި ލައިފައި އޮންނަގޮނި (11) ރިއަލު އޮޑި ދޯނިފަހަރު ދުއްވައިފައި ދާއިރު ވައިއެޅިގެން ރިޔަލުގައި އޮންނަގޮނި (21) ދަމައިފައި އޮންނަ ނަރެއްފަދަ އެއްޗެއްގެ މެދުތެރޭން ތިރިއަށް ގޮނިވެފައި އޮންނަބައި )31( ތެޅިގަލުން ރާނާއިރު ދެގާބަރި ދޭތެރެއިން ހުސްކޮށް އޮންނަތަން )41( ދޫނިސޫފާ ސޫތްޕާއި ގެރިބަކަރި ޖަނަވާރާއި މަސްމަހާމެހީގެ ހަޖަމުކުރާބައި
ބަނޑު ނަނު
ނ (1) ވައިގާ ހިފައިފައި ހުންނަ ގުޑިޔެއްގެ ނަނުން ބަނޑުލައިފައި އޮންނަތަން (2) މަސްބާނާން އެއްލައިފައި އޮންނަ ނަނުގައި އޮއި އަޅައިގެން ދޫޖެހިފައި އޮންނަތަން
ބަނޑު ޖެހުން
މ ޖަނަވާރަކާއި ދޫނިސޫފާސޫފި ފަދަތަކެތި ބަނޑު ޖައްސައިގެން އޮށޯތުން
ބަނޑުހިކުން
ނ ނަޖިސްހަރުވެ ބޮޑުކަމުދާން ދަތިވުން
ބަނޑުހޫނުކޮށްލުން
މ މަޖާޒު: ސައިފޮދެއް ބޯލައި ނުވަތަ ނާސްތާއެއް ކޮށްލައިގެން ބަނޑުހައިކަން ފިލުވައިލުން
ބަނޑުނުބައިވުން
މ ހަޖަމުނުބައިވުން
ބަނޑުންލޯއަޑުކިޔުން
މ މަޖާޒު: ބަނޑު ފުފޭ ވަރަށް ކައި ބަނޑުފުރައިލުމަށް ބުނެއުޅޭ ބަހެއް
ބަނޑުބައިން
ނ (1) އުނަގަނޑު ފައްޓަރު ތިރިވިޔަނުދޭން ބާސްކީލިން އަޅައިފައި ހުންނަ ފަށް މިބައިން ޖަހަނީ ކުޑަކުދީންނެވެ (2) އަސްފަދަ ސަވާރުވާ ތަކެތީގެ މަޑި ހަރުކުރާން ބަނޑު ދަށުން އަޅާ ކަމަރު (3) ފަޓުލޫނު ހިފެހެއްޓުމަށް ކޮނޑުމަތިން ދެފަރާތުން އަޅައިފައި ހުންނަ ބަންދު
ބަނޑުބަލި
ނ ބަނޑުގައި އުފެދޭ ބައްޔެއް. މިބަލި ޖެހުމުން ބައެއް ފަހަރު ނޭވާހިނގުން ދަތިވެ ކުޑަކަމުދިއުމާއި ބޮޑު ކަމުދިއުމުގެ ނިޒާމަށް ބަދަލު އާދެއެވެ ދިވެހިންގެ ތެރޭގައި "ބަނޑުބަލި" ކިޔާ އުޅެނީ ބަނޑުގައި ސަރުބީ އުފެދި ބަނޑުގެ އެތެރޭގެ ބައެއް ގުނަވަން ދުޅަވުމުންނެވެ
ބަނޑުބޮޑުވުން
މ (1) ކައިގެން ބަނޑުފުރުން (2) ހައްޔަރުގައި އިނުން މަޖާޒު: (3) ހިތްފުރުން