radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ރަށްވެހިވުން
މ (1) ރަށުގެ އަހުލުވެރިޔަކަށްވުން (2) މަދަނިއްޔަތާއި ތަހުޒީބު ލިބިގެންވުން
ރަށްވެރި
ނއ (1) ރަށުގެވެރިކަން ލިބިގެންވާ (2) ފަޅުރަށް ލިޔެގެންއުލޭ
ރަށްވެރިން
ނ (1) ރަށުގެވެރިޔާ (2) ފަޅުރަށް ލިޔުއްވައިގެން އުޅޭމީހާ
ރަށްމާލޫދު
ނ ރަޖަބުމަހު 72 ވިލޭރޭގައި މާލޭގައި ކިޔާ އުޅުނު ރަސްމީ މައުލޫދު
ރަށްމެދު
ނ އިހުގައި ރައްޔިތުންގެ ކަންތައް ކުރާން މީހުންއެއްވާ މައިދާން
ރަންނާބޯލި
ނ )އ ( ހުއިފިލަނޑާގެ ބާވަތެއް މިބާވަތުގެ ހުއިފިލަނޑާގައި ހުންނާނީ އުންފަޅައިފައެވެ މީގެކުލައަކީ ކަޅުކުލައެވެ މިއަށް މިހެންކިޔަނީ މި ހުއިފިލަނޑާ ވިހާމަސް ބޮޑުވެގެން ރަންނަވެއް ބޯލިކަމަށް ބުނާތީއެވެ
ރަންރޮނގުރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ވިދާ ފިޔާތޮށިކުލައެވެ މަހުގެ ދެފަރާތުގައި މަހުގެ ދިގަށްވާގޮތަށް ރަންކުލައިގެ ރޮނގުތަކެއް ފާޅުކޮށް ފެންނަން ހުރެއެވެ ކަރުތާފަތްމަތީ ރަތްކުލައިގެ ފުޅާ ރޮނގެއް ބޮލުގެ ހުރަހަށް ހުރެއެވެ
ރަންބޮލި
ނ )އ ( ރަންކުލައިގެ ކުޑަބޮއްޔެއް މިބޮލީގައި އެއްވެސް ކުރެހުމެއް ނުހުރެއެވެ މިއީވަރަށް އޮފުގަދަ ބޮއްޔެކެވެ ޢާންމުގޮތެއްގައި މިބޮލި އެންމެ ގިނައިން ފެންނާނީ އުރަފަށުގައި ހުންނަ ބިޔަގާތައް ނައްޓައިލާއިރު އެ ގާތަކުގެ ދަށުންނެވެ
ރަންކަނިބުރުން
މ (1) ލޯމަތިން ރަންކަނިތަކެއް ފަދަ އެއްޗެހިތަކެއް ފެންނަގޮތްވުން (2) ބޮލަށް ބާރުކުރާގޮތަށް އެއްޗަކުން ޖެހުމުން ލޮލުގެ ކުރިމަތިން އަލިކޮޅުކޮޅު ފެނުން (3) މަޖާޒު: ރުޅި އައިސްފައިވާލެއް ބޮޑުކަން ބަޔާން ކުރުމުގެ ގޮތުން ބުނާ ބަހެއް
ރަންކަނިޖެހުން
މ މަޖާޒު: މާގަދަޔަށް ރުޅިއައުން
ރަންކާޅު
ނ )މ.( ބާވަތެއްގެ ބޮއްޔެއް. މިހުންނާނީ ވަރަށްފަނޑު ކިސުޑި ވައްތަރެއްގެ ތިކިތަކެއް ޖަހައިފައި މަޑުމުށި ކުލައެއްގައެވެ ގާތްގަނޑަކަށް ދެ އިންޗިވަރު ވާނެއެވެ
ރަންކޮޅު
ނ މަޖާޒު: ލޯބިން މީހުންނަށް ކިޔާނަމެވެ
ރަންވަން
ނއ ރަންކުލަޔާ އެކުލެވިގެންވާ
ރަންވަންނިކުލަ
ނ ރަންކުލަޔަކާ ގާތް ރީނދޫކުލައެއް
ރަންވަންކަނދިލި
ނ ރަންރީނދޫ ކުލައިގެ މަލެއްއަޅާ ފަތްފިލާވެއްޔެއް އެގަހުގެމުލުގައި މީރުވަހެއް ދުވާނެއެވެ
ރަންވަންލޯ
ނ ރަންކުލައިގެ ލޯ މިހަދަނީ ރަތުލޮޔާ ތުތިޔާޔާ އެއްކޮށްގެންނެވެ
ރަންމަންފުއްލާ
ނ ފުއްލާގެ ބާވަތެއް މިއީ ހުދުތިއްކާއި ރަތްކުލައިގެ ތިކި ޖަހައިފައި ހުންނަ ފުއްލާއެކެވެ މިއަށް ރަންވަން ފުއްލާ ވެސް ކިޔައެވެ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންފުޅު
ނ (1) ބޮޑުމުސްކުޅި ބޭކަލުންނަށް ލިބޭ ދަރިންނަށް ކިޔާ ރަސްމީ ނަމެއް (2) މައިންބަފައިން ދަރިންދެކެ ލޯބިން ކިޔާނަމެއް
ރަންދަނޑި
ނ (1) ބިމުގެ އަޑީގައި ދުވާކަމަށް ހީކުރެވޭ ރަނުގެ ދަނޑި (2) )މކ ( މާކެޔޮޅު ކަމުދާމީހުން މިޔަރުގައި އަޅުވާން ގެންގުޅޭ މަޅިއެއް