radheef.info
ރަދީފު


ވަރު
ނ (1) މިންވަރު (2) ދަރަޖަ (3) ހަކަތަ (4) ބާރު (5) ބައެއް (6) ހަވަރުގެ ބައެއް (7) އެއްޗަކުން ޖަހައިގެން ނުވަތަ އެއްޗެއްގައި ޖެހި ފިތިގެން ހަށިގަނޑުގެ ތާކުން ފެންނަން ހުންނަ ނިޝާން (8) ފަންތޮށިން ނަގާ ފަތި
ދަތްކެނޑުން
މ ހަނުގައި ޖައްސައިގެން ދަތްތަކުގެ ކޮޅު އެއްވަރުކުރުން
ދަގަނޑުދަހަނާ
ނ ކަނޑި ހަނގުރާމައިގެ ދުވަސްވަރު ހަނގުރާމަ ކުރުމަށްޓަކައި އަޅާ މަޢުދަނީ ހެދުން
ދާންމަތީވަޅުކޮޅު
ނ ހަދިޙަސަން ރަސްގެފާނުގެ ގައިކޮޅުން ދިލަކޮޅުނަގަން ފެށީމާފެން އަޅަން ބެހެއްޓިކަމަށް ބުނެވޭވަޅު މިވަޅުހުންނަނީ ގަނޑުވަރުތެރޭގައި ހުންނަ ފާރަވެރިންގެ ދޮރޯށީން އެތެރެއަށް ވަންނަ އިރު ވާތްފަރާތުގައި ކިޔެވެނި ބޭކަލުންގެ އަށީގެ ކުރިމަތީގައެވެ
ދާލަބޮޑުއަށި
ނ ގަނޑުވަރުތެރޭގައި ހުރި އައްޓެއް )އެތެރެ ބޮޑުއަށި( މިއަށި ހުރީ ހިއްތަން ދޮރޯށިން ވަދެގެންދާއިރު ވާތްފަރާތުގައެވެ
ދާގަނޑު
ނ (1) ދަލުގެ އެތިކޮޅެއް (2) ހަރުވާޅުގެ ނާޑުވާ (3) އިސްތަށިގަނޑު ހިފެހެއްޓުމަށްޓަކައި ދަލުން ހަދައި ކައިރިއަށް ރަބަރު ލައްވައިފައި އޮންނަ އެއްޗެއް (4) ކުޅިވަރުކުޅޭ ކޯޓާއި ޓީޓީ މޭޒާއި ގޯލުފަދަ ތަންތާނގައި ދަމާދާ
ދިހަމޮހުން
މ ދިމާވެގެންއުޅޭ ސުންޕާކަމަކުށް ސަލާމަތްވޭތޯ ފަންޑިތަހެދުން މިސާލު: )ހ( މިއޮއްމަސްވެރިކަން ރަނގަޅު ދުވަސްވަރު މިގޭއޮޑި މަހާނުވާތީ މިހާރު މިއުޅެނީ ދިހަމޮހާށެވެ )ށ( މަގޭކަނބުލޮއަށް އިންނާނެ މީހަކުވީ ދިހަމޮހައިގެންނެވެ
ދިހަލަދިކުރުން
މ )ދ ( ފުރުމުގެ މޮޅު އިރުވަރު ޖެހޭއިރު ދަތުރަށް ތައްޔާރުނުވެގެން ނުވަތަ އެހެންވެސް ސަބަބެއް މެދުވެރިވެގެން ފުރުން ލަސްވާގޮތް ދިމާވެއްޖެނަމަ އެމޮޅު އިރުވަރުގައި ފުރާފައިލެފުން ނުވަތަރަށާއި ގާތް ހިސާބެއްގައި މަޑުކޮށްފައި ބޭއްވުން
ދިރިހުއްޓައި ކަށްވަޅަށް ދިއުން
މ މަޖާޒު: ނުއުފުލޭވަރުގެ ބޮޑު ދަރަންޏެއް ބޮލުގައި އެޅުން ނުވަތަ އެނޫންވެސް މާބޮޑަށް ލަދުގަންނަންޖެހޭ ފަދަކަމެއް ދިމާވުމުން ބުނެއުޅޭ ބަހެއް
ދިއަވަރު
ނ ދިޔަވަރު (1) ބަތްކައްކާ އިރުއަލާ ފެނުގެ މިންވަރު (2) ރިހަކައްކާއިރު އަޅާ ފެނުގެ މިންވަރު (3) މަޖާޒު: ލައިގެންކާ އެއްޗެހި މާފެންކޮށް ހުރީމާ ކިޔާގޮތެއް
ދިއަވަރުހިކުން
މ ދިޔަވަރު ހިކުން
ދިވަރަ
ނ )ސ ( ދިވަރު
ދިޔަހެޔޮވަރުކުރުން
މ ކައްކާ އެއްޗެއްގައި ހުންނަންވީ ވަރަށް ދިޔަވަރުއެޅުން
ދިޔަބޮޑުވުން
މ (1) ވެޔޮވަޅުފަދަ ތަންތާގެ ފެންގަނޑު ބޮޑުވުން (2) ދިޔަވަރު ފޫދުން (3) ގޯތިގެދޮރުފަދަ ތަންތާފެން ބޮޑުވުން
ދިޔަވަރަށްބެލުން
މ ދިޔަވަރުފޫދެންދެން ނުވަތަ ދިޔަވަރު ހިކެންދެން ލަސްކުރުން
ދިޔަވަރަށްޖެހުން
މ ދިޔަވަރު ފޫދެންޖެހުން
ދިޔަވަރު
ނ މޫދުގެ ލޮނުގަނޑު ބޮޑުވެކުޑަވާ މިންވަރު
ދިޔަވަރުހިކުން
މ (1) ދިޔަވަރުކުޑަވުން. (2) ދިޔަވަރުފޫދުން މިބަހުގެ އިދިކޮޅު
ދިޔަވަރުހެޔޮވަރުކުރުން
މ ކައްކާއެއްޗެއްގައި ދިޔަވަރު ހުންނަންވީވަރަށް ދިޔަވަރު އެޅުން
ދިޔަވަރުބެލުން
މ ދިޔަވަރު ބޮޑުވެ ކުޑަވާވަރު ބެލުން
ދިޔަވަރުބޮޑުވުން
މ (1) ދިޔަވަރުފޫދުން (2) ދިޔަވަރު ހިކުމުގެ އިދިކޮޅު